Yoane 8:41 - AMASAKO ABOYTRTRE WA NYAMUHANGA AWAKAHULAWA MO BIBLIA

⁴¹ Ĩnywe mukakola emĩbĩrĩ tata wenyũ akakola. Nabo mobamubwira bati, Situli basa-na-nyĩnya, tuwite tata muguma, ye Nyamuhanga.

Nouveau Testament et Psaumes en Ndandi Version 1962

⁴¹ Muka kola emibiri yatata wenyu. Mobabuga naye, bati, Sitwabutawa omwiteta; tuwite Tata muguma yo Mungu.

Yoane 8:41 Iomraidhean Croise

Erĩlũayo 4:22

Nawe wasyabũga na Farao uti, Omwami Mukulu akabũga ati, Ĩsraelĩ ni mugala wage, akambere kage.

Ĩsaya 63:16

Kusangwa uli Tata wetu, nomo Abrahamũ atanatwasĩ, na Ĩsraelĩ sialituminya. Uwe, Mwami Mukulu uli Tata wetu, Omũtongolya wetu erĩtsũka kera lyo lĩna lyawe.

Ĩsaya 64:8

Nĩkwa lino, Uwe Mwami Mukulu, uwe uli Tata wetu. Tuli eribumba, nawe uli mũbũmbi wetu. Ĩtwe bosĩ tuli mũbĩrĩ wʼebyala byawe.

Yeremĩa 3:19

Nĩkwa ĩngye monabũga nyiti, Nangatoka erĩkũhĩra nyiti omo katĩkatĩ kʼabagala bage, nʼerikuha ekihugo kibuya, omwandu owenenga wʼebihanda! Nage monabũga nyiti, Mwasyanyahula mo Tata wage, kandi simwendisyaswaleka erinyikwama.

Yeremĩa 31:20

Efũraĩmũ ni mwana wage mwanze kwehĩ? Iye ni mwana wʼerĩtsemesya kwehĩ? Kusangwa emigulu yosĩ ngamuhayira, nyikinamwibuka kutsibu. Kusangwa omutima wage akamũkwa olukando. Omwami Mukulu ati, Kwenene nasyamuganyira.

Hosea 1:2

Omugulu Omwami Mukulu abũga na Hosea, Omwami Mukulu mwabwira Hosea ati, Ugende, ũyĩhĩkĩraye omũkalĩ wʼoluteto nʼabana bʼobũtetĩ; kusangwa ekihugo kikakola obũsĩngĩrĩ bunene, erĩlũa oko Mwami Mukulu.

Malakĩ 1:6

Omugala akasĩkaya tata wuwe, nʼomugombe akasĩkaya omukama wuwe. Neryo namabya indi tata, erĩsĩkĩbwa lyage liri hahi kwehĩ? Kandi namabya indi mukama, erinyikenga liri hahi kwe­hĩ? Omwami Mukulu Wʼemilondo akabũga nʼĩnywe bahererĩ abakapona erĩna lyage, Nenyũ muti, Tukapona erĩna lyawe umu kyahi kwehĩ?

Malakĩ 2:11

Yũda abiriteba, nʼesyonye syamakolwa omo Ĩsraelĩ nʼomo Yerũsalema; kusangwa Yũda abĩrĩtsandya ahʼerĩĩkala ahabũyĩrĩre hʼOmwami Mukulu aho anzĩre, kandi Yũda abĩrĩhĩkya mwali wa nyamuhanga wʼehandi.

Yoane 8:38

Ngabũga emyatsi eyo nabirilangira embere sya Tata wage. Nenyũ mukakola emyatsi eyo tata wenyũ ababwira.

Yoane 8:44

Ĩnywe muli bana ba tata wenyũ Satanĩ, kandi esyongumbu sya tata wenyũ syo mwanzĩre erikola. Iye nĩ mwĩtĩ. Siali mo mwatsi wʼekwenene, kusangwa sihali mwatsi wʼekwenene omo mutima wuwe. Omugulu akabũga amabehĩ, akabũga ebiwe ĩyowene, kusangwa nĩ mũbehĩ, kandi nĩ ĩse wʼamabehĩ.

Eryibuka Ebihano 14:1

Ĩnywe muli bana bʼOmwami Mukulu Nyamuhanga wenyũ; simusyeyisaka, kutse erĩsĩswa engũbũ omo katĩkatĩ kʼameso wenyũ busana nʼabaholĩ.

Eryibuka Ebihano 32:6

Mũkatũha Omwami Mukulu mutya, Ĩnywe bandu bakĩrũ abate na menge kwehĩ? Iye si tata wenyũ oyo wabagula kwehĩ? Abiribahangika, nʼerĩbahanganĩa.

1 Yoane 3:12

Situbye nga Kaĩna, oyo wabya wʼOmubi Oyo, neryo mwĩta mulumuna wuwe. Neryo mwamwĩta busana nakĩ kwehĩ? Kusangwa emĩbĩrĩ ya Kaĩna yabya mibi, nĩkwa eya mulumuna wuwe yabya itunganene.