Yoane 7:7 - AMASAKO ABOYTRTRE WA NYAMUHANGA AWAKAHULAWA MO BIBLIA

⁷ Ekihugo sikiritoka erĩbakwa obusu, nĩkwa kĩkanyĩkwa obusu, kusangwa ngabwirakyo nyiti emĩbĩrĩ yakyo ni mibi.

Nouveau Testament et Psaumes en Ndandi Version 1962

⁷ E kihugo sikyangatoka eribakwa obusu; nikwa ingye kikangwa obusu, kusangwa ngatulago, kwe mibiri yakyo ni mibi.

Yoane 7:7 Iomraidhean Croise

1 Abami 21:20

Na Ahabũ mwabwira Elĩya, ati, Wabĩrĩnyeya uwe nzĩgũ yage kwehĩ? Naye mwasũbĩrya ati, Nabĩrĩkweya kusangwa wabĩrĩyĩgũlya erikola ekibi omo meso wʼOmwami Mukulu.

1 Abami 22:8

Nʼomwami wʼAbaĩsraelĩ mwabwira Yehosafatĩ ati, Hakine mundu muguma wangatũbũlĩrya Omwami Mukulu, ye Mĩkaya mugala wa Ĩmũla; nĩkwa nyĩmũponĩre; kusangwa sialiminyerera ebibuya busana nage, bye nʼebibi. Na Yehosafatĩ mwabũga ati, Omwami sĩabũge atya.

Esyonyimbo 109:5

Bakanyihemba ebibi busana nʼebibuya. Nʼekĩnĩga busana nʼolwanzo.

Emĩsyo 15:12

Omũsekĩ sĩanzĩre erikungwa: Sĩanzĩre eriya oko bʼamenge.

Emĩsyo 8:36

Nĩkwa oyũkanyĩhalayako akahalaya omutima wuwe ĩyowene-wene. Abosĩ abakanyĩkwa obusu banzĩre oluholo.

Ĩsaya 29:21

Abandu bosĩ abakaleka omundu iniatswerwa omo mwatsi wuwe, nʼeritegera omundu oyukasoha erĩbanza omo lũkyo lwʼomũyĩ nʼeritima omundu omo buhaka bwa busa.

Ĩsaya 49:7

Omwami Mukulu akabũga, yo Mũtongolya wa Ĩsraelĩ, nʼoyũbũyĩrĩre wuwe, akabwira oyo abandu bakapona, nʼoyo ekihanda kĩkakwa nye, oko mugombe wʼabatabalĩ. Abami basyalangira, basyahangana, abanya-mwami nibya basyũnama ahisi, busana nʼOmwami Mukulu oyuteregula, Oyũbũyĩrĩre wa Ĩsraelĩ, oyo wayisoga we.

Yeremĩa 20:8

Kusangwa omugulu gosĩ ngabũga, ngalaka. Ngalaka nyiti Omwaga nʼerihera! Kusangwa ekĩnywa kyʼOmwami Mukulu kyabirinyiyira mo kĩtsũmĩ, nʼerisekwa omo musibo gosĩ.

Abalawĩ 13:10

Nʼomũhererĩ asyayĩtegererya; neryo, hamabya ekĩsũsũ kĩhenĩrye ekikayisumba omo ngoba, nakyo ikyabirihindula olweya mo lweru, ihali omũnyokũ omo kĩsũsũ kĩbĩmbĩre,

Zekarĩa 11:8

Neryo monĩta abalĩsya basatu omo mukera muguma; kusangwa omutima wage mwaluha busana nabo, nʼomutima wabo nago mwaluha busana nage.

Malakĩ 3:5

Neryo nasyasegera hakũhĩ nenyũ omwʼitswera; kandi nasyabya mũlangĩrĩ oyukanguha erilwa nʼabakũmũ, nʼabasĩngĩrĩ, nʼabakalahĩraya nʼamabehĩ, nʼabakanũbaya omũhĩngĩ oko bũhĩngĩ buwe, nʼomũkwakalĩ, nʼengũbĩ, nʼabakakĩtaya omubunga, kandi sibalinyubaha, Omwami Mukulu Wʼemilondo atya.

Luka 6:26

Obũlĩge kwĩnywe omugulu abandu bosĩ basyabahula ndeke, kusangwa aboso-kulu wabo mobakola abamĩnyererĩ bʼamabehĩ bo batya.

Yoane 17:14

Monahabo ekĩnywa kyawe, nʼekihugo mokyakwabo obusu, kusangwa si bʼekihugo, ngoko nyite wʼekihugo.

Yoane 3:19

Neryo eritswera lyerĩ, ekyakakala kyabiriasa omo kihugo, nʼabandu mobanza omwĩrĩmya kwilaba ekyakakala, kusangwa emĩbĩrĩ yabo yabya mibi.

AbanyaRoma 8:7

Kusangwa omundu oyukakwama obũlangekanĩa bwʼomubiri nĩ nzĩgũ uku Nyamuhanga. Sialĩowa Emigambo ya Nyamuhanga, kandi sialitoka erĩowayo.

AbanyaGalatia 4:16

Lino nabiribya nzĩgũ yenyũ busana nʼeribabwira ekwenene kwehĩ?

Yakobo 4:4

Ĩnywe basĩngĩrĩ, sĩmwasĩ ko bwĩra bwʼekihugo nĩ bũyĩgũ uku Nyamuhanga kwehĩ? Neryo Oyukasonda eribya mwĩra wʼekihugo akayiyira mo nzĩgũ ya Nyamuhanga.

1 Yoane 4:5

Aba ni bandu bʼekihugo, bo bakabũga emyatsi yʼekihugo, nʼekihugo kĩkowabo.