Yoane 7:26 - AMASAKO ABOYTRTRE WA NYAMUHANGA AWAKAHULAWA MO BIBLIA

²⁶ Kandi lebaya, akabũga embere syʼabandu, ĩsĩbebũga mwatsi naye! Kwʼabatabalĩ banasĩ ndeke kwʼoyũ ni Kristo kwehĩ?

Nouveau Testament et Psaumes en Ndandi Version 1962

²⁶ Lebaya akabuga neriyiminyikalya, isibebuga naye. Ko barongani banasi kundu oyu kwari Kristo kwehi?

Yoane 7:26 Iomraidhean Croise

Emĩsyo 28:1

Ababi bakatibita omugulu hate mundu ũkwamĩrebo; Nĩkwa abatunganene bawite obũbangĩ ngʼendale.

Ĩsaya 42:4

Siendisyatalukana kutse eribula omutima, erĩhĩka aho asyahĩra erĩbanza lĩhĩkene omo kihugo. Emĩsĩke yʼengetsi yasyalinda emigambo yiwe nʼamaha.

Matayo 22:16

Neryo mobatuma abiga babo haguma nʼAbanya Herode uku Yesu bati, Mũkangĩrĩrya, tũnasĩ kʼuli wʼekwenene, kandi Akakangĩrĩraya enzira ya Nyamuhanga omo kwenene, sulitsomana mundu, sulitsomana amalengekanĩa wʼabandu, kandi sulisombola ebitaga nʼebite bitaga.

Luka 23:13

Neryo Pilato mwabirikirira haguma abahererĩ bakulu, nʼabatabalĩ bʼabandu,

Luka 7:30

Nĩkwa Abafarĩsayo nʼabakangĩrĩrya bʼEmigambo mobagana erisonda lya Nyamuhanga busana nabo, isibetabatĩsĩbwa na Yoane.

Yoane 12:42

Nĩkwa abatabalĩ bangi bʼAbayũda mobĩkĩrĩrya Yesu; nĩkwa busana nʼAbafarĩsayo mobatakangyalyo, bakasyahigwa omo nyũmba yʼerĩhĩndanamo.

Yoane 18:20

Yesu mwamũsũbĩrya ati, Nabĩrĩbũga embere syʼabandu nʼeriminyikala ndeke. Ebiro byosĩ monakangĩrĩrya omo manyũmba wʼerĩhĩndanamo, nʼomo Hekalũ aho Abayũda bakahĩndana. Mondabũga kĩnywa kyʼobũbĩso-bĩso.

Yoane 3:1

Neryo habya mundu wʼAbafarĩsayo, omũtabalĩ wʼAbayũda, oyukahulawa mo Nĩkodemo.

Yoane 4:29

Mwase, mũlebaye omundu, oyo wamambwira ebyosĩ nakola. Oyũ si Kristo kwehĩ?

Yoane 7:25

Neryo abandi bʼoko bandu bʼeYerũsalema mobabũga bati, Oyũ si yo bakasonda erĩĩta kwehĩ?

Yoane 7:31

Nĩkwa abangi bʼomo ndeko mobamwĩkĩrĩrya bati, Ekiro Kristo asyasa asyakola ebitiko-tiko bingi kwilaba ebyo mundu oyũ akakola kwehĩ?

Yoane 7:48

Oko batabalĩ nʼAbafarĩsayo hali omundu oyo wabĩrĩmwĩkĩrĩrya kwehĩ?

Yoane 9:22

Ababũtĩ buwe mobabũga batya kusangwa babya bakubaha Abayũda. Abayũda nabo babya ibabiriya embĩta bati omundu amamũmĩnyĩsya kwʼali Kristo, asyahiwa erĩlũsĩbwa omo nyũmba yʼerĩhĩndanamo.

Emibiri 4:13

Neryo abakulu abo mobasweka omugulu balangira obutubaha bwa Petero na Yoane, kandi mobaminya ko bali bandu batakangĩrĩrĩbawa, isi banyimanyima. Neryo mobibuka ko bali bandu abasiba haguma na Yesu.

AbanyaFilipi 1:14

Kandi abalĩkyetu bangi babiriyiketera erikwama Omukama busana nʼomũlĩkĩ wage. Kandi babirihanda omutima erĩbũga ekĩnywa kya Yesu butsira eriubaha.