Yoane 7:12 - AMASAKO ABOYTRTRE WA NYAMUHANGA AWAKAHULAWA MO BIBLIA

¹² Neryo habya eminigonigo mingi omo katĩkatĩ kʼendeko busana naye. Abandi mobabũga bati, Ni mundu mubuya, nʼabandi bati, Iyihi, akatalaya endeko.

Nouveau Testament et Psaumes en Ndandi Version 1962

¹² Mohabya erisiningula inene omukati-kati kendeko busana naye; abandi bati. Ni mubuya; nabandi bati, Eyihi, akatalaya endeko.

Yoane 7:12 Iomraidhean Croise

Matayo 10:25

Omwiga angatsema eribya ngʼomũkangĩrĩrya wuwe, nʼomugombe angatsema eribya ngʼomukama wuwe. Bamahula omukulu wʼenyũmba mo Belzebũlĩ, basyahula abandu bʼenyũmba yiwe bʼomo mena mabi kwʼaho!

Matayo 21:46

Nĩkwa omugulu basonda-sonda erihamba Yesu, mobubaha esyondeko, kusangwa mobaganza Yesu mo mũmĩnyererĩ.

Matayo 27:63

bati, Mukama twamibuka ngoko mũtebya oyo abũga omugulu abya akiriho ati, Enyũma wʼebiro bisatu nasyalũbũka.

Luka 18:19

Neryo Yesu mwamubwira ati, Busana nakĩ ukanyahula mo mubuya kwehĩ? Sihali mubuya nina Nyamuhanga ĩyowene.

Luka 23:47

Nĩkwa omugulu omukulu wʼabasĩrĩkanĩ alangira emyatsi eyĩ, mwapipa Nyamuhanga ati, Kwenene omundu oyũ alwe mundu utunganene.

Luka 23:50

Nĩkwa habya omundu oyukahulawa mo Yosefũ wʼeArĩmatea, omũyĩ wʼAbayũda. Yosefũ abya mundu mubuya, nʼoyutunganene ini mundu wʼomwʼĩbũgĩro.

Luka 6:45

Omundu mubuya akahũlũkaya ebibuya byʼomo kigona kyʼemyatsi mibuya vʼomutima wuwe; nʼomundu mubi akahũlũkaya emyatsi mibi omo kigona kyʼemyatsi mibi yʼomutima wuwe. Kusangwa obuno bũkabũga ebyoswĩre omo mutima.

Luka 7:16

Neryo abosĩ mobubaha, mobatsũka eripipa Nyamuhanga, bati, Omũmĩnyererĩ mukulu abirihangana omo katĩkatĩ ketu! Kandi, Nyamuhanga abĩrĩhĩka erĩwatĩkya abandu buwe.

Yoane 6:14

Neryo abandu babere balangira ekitiko-tiko ekyo Yesu akola, mobabũga bati, Kwenene oyũ nĩ Mũmĩnyererĩ oyo wasyasa omo kihugo!

Yoane 7:32

Abafarĩsayo mobowa endeko ĩkatsomererya Yesu. Neryo abahererĩ bakulu nʼAbafarĩsayo mobatuma balembya erihamba Yesu.

Yoane 7:47

Abafarĩsayo mobasũbĩryabo bati, Amabatalya nenyũ kwehĩ?

Yoane 7:52

Mobamũsũbĩrya bati, Nawe nibya uli wʼeGalĩlaya kwehĩ? Usome Amasako, wasyalebya ko hate omũmĩnyererĩ oyũkalũa eGalĩlaya.

Yoane 9:16

Abandi bʼoko Bafarĩsayo mobabũga bati, Omundu oyo wakola ekĩ si wa Nyamuhanga, kusangwa sĩalĩowa omugambo wʼeSabato. Abandi bati, Ko mundu mukola-nabi angakola emĩbĩrĩ ĩkalĩre ngʼeyĩ yo ati kwehĩ? Neryo mohabya erigabana omo katĩkatĩ kabo.

Emibiri 11:24

Barnaba abya mundu mubuya, ĩnĩoswĩre nʼOmũlĩmũ Abũyĩrĩre nʼerĩkĩrĩrya. Kandi abandu bangi mobakwama Omukama.

AbanyaRoma 5:7

Lĩkalĩre busana nʼomundu eriholera omundu oyutunganene, nĩkwa, kwamũhwa omundu anganahanda omutima eriholera omundu mubuya.

AbanyaFilipi 2:14

Mukole emyatsi yosĩ butsira eriyitonga kutse buhaka,