Yoane 7:1 - AMASAKO ABOYTRTRE WA NYAMUHANGA AWAKAHULAWA MO BIBLIA

¹ Enyũma wʼemyatsi eyĩ, Yesu mwalendera eGalĩlaya, kusangwa siabya anzĩre erirendera eYũdea kusangwa Abayũda basonda-sonda erĩmwĩta.

Nouveau Testament et Psaumes en Ndandi Version 1962

¹ Nenyuma wemyatsi eyi Yesu mwalendera eGalilaya: ku sangwa siarisonda erilendera eYudea, kusangwa abaYuda basonda erimwita.

Yoane 7:1 Iomraidhean Croise

Matayo 10:23

Nĩkwa omugulu bakabendereraya omo mũyĩ muguma imwatibita oko gundi mũyĩ. Kwenene ngabũga nenyũ nyiti, Simwendisyalaba omo mĩyĩ yosĩ ya Ĩsraelĩ, Omugala wʼomundu ate ahĩka.

Matayo 21:38

Nĩkwa omugulu abalĩmĩ abo balangira omugala oyo, mobabwirana bati, Oyũ ni mugala wʼomwenye eririma. Mwase, tũmwĩte, neryo eririma lyasyabya lyetu.

Mariko 11:18

Abahererĩ bakulu nʼabakangĩrĩrya bʼEmigambo mobowa ebyo, neryo mobatsũka erisonda-sonda enzira yʼerĩĩta Yesu. Nĩkwa mobamubaha kusangwa endeko yosĩ mobasweka busana nʼerĩkangĩrĩrya liwe.

Yoane 1:19

Ebĩ byo Yoane akanaya, omugulu Abayũda bamutumira abahererĩ nʼAbalawĩ bakalũa eYerũsalema erĩmũbũlya bati, Uwendi kwehĩ?

Yoane 4:3

Yesu mwalũa eYũdea mwaswaya eGalĩlaya.

Yoane 4:54

Ekĩ ni kitiko-tiko kyʼakabiri ekyo Yesu akola abĩlũa eYũdea akaya eGalĩlaya.

Yoane 6:1

Enyũma wʼaho Yesu mwagenda eyisirya wʼengetsi yʼeGalĩlaya, ye Ngetsi yʼeTĩberĩa.

Yoane 7:11

Abayũda babya bakamusonda-sonda oko biro bikulu, bati, Alihi kwehĩ?

Yoane 7:13

Nĩkwa sihabya mundu ukamwahula embere syʼabandu, busana nʼeriubaha Abayũda.

Yoane 7:19

Musa mwatabaha Emigambo kwehĩ? Nĩkwa sihali muguma gʼũkwʼĩnywe oyukakenga Emigambo. Busana nakĩ mukasonda-sonda erĩnyĩta kwehĩ?

Yoane 7:25

Neryo abandi bʼoko bandu bʼeYerũsalema mobabũga bati, Oyũ si yo bakasonda erĩĩta kwehĩ?

Yoane 7:35

Neryo Abayũda mobakanĩa omo katĩkatĩ kabo bati, Omundu oyũ asyayahi kwehĩ? ati, Sitwendisyamubana. Asyaya oko mĩyĩ yʼAbagĩrĩkĩ aho Abayũda bali, nʼerĩkangĩrĩrya Abagĩrĩkĩ kwehĩ?

Yoane 8:37

Nyĩnasĩ ko muli bana ba Abrahamũ. Nĩkwa mukasonda erĩnyĩta, kusangwa ekĩnywa kyage sikiwite omwanya omo mitima yenyũ.

Yoane 8:40

Ĩngye nabiribabwira omwatsi wʼekwenene ogo Nyamuhanga ambwira. Nĩkwa mukasonda-sonda erĩnyĩta. Abrahamũ mwatakola atya!

Emibiri 10:38

Kandi mũnasĩ Yesu wʼeNazaretĩ, ngoko Nyamuhanga amũtũlĩra Omũlĩmũ Abũyĩrĩre nʼobũtokĩ. Yesu mwalendera ehosĩ akakola ebibuya, nʼerĩlamya abosĩ abanũbĩbawa nʼeSatanĩ, kusangwa Nyamuhanga abya haguma naye.