Yoane 6:9 - AMASAKO ABOYTRTRE WA NYAMUHANGA AWAKAHULAWA MO BIBLIA

⁹ Hano hali omũlwana oyuwite amandu atanu wʼekisusu, nʼamahere abiri, nĩkwa hino nĩkĩ busana nʼabandu bangahaba kwehĩ?

Nouveau Testament et Psaumes en Ndandi Version 1962

⁹ Hano hari mulwana, oyu wite amando atano wekisusu, na mahere abiri: nikwa hino niki oko bandu bangaha kwehi?

Yoane 6:9 Iomraidhean Croise

1 Abami 4:28

Kandi mobaleta ekisusu nibya nʼesyombuba busana nʼesyosabayĩrĩ na busana nʼesyonyama esyangũhĩre aho byangabya, obuli mundu ngʼekĩtũlĩ kiwe.

2 Abami 7:1

Neryo Elĩsa mwabũga ati, Mowe ekĩnywa kyʼOmwami Mukulu. Omwami Mukulu ati, Omo ngyakya hakũhĩ nʼendambĩ eyĩ akalengĩ kʼeyĩsyano yʼenzelele kasyagũlĩbwa oko sekelĩ nguma, nʼotũlengĩ tubiri twʼekisusu oko sekelĩ nguma omo lũkyo lwʼeSamarĩa.

Esyonyimbo 147:14

Akategaya emitano yawe yo buholo, Kandi akakũgũtaya nʼengano eyowene ndeke.

Esyonyimbo 78:19

Mobatonga Nyamuhanga yo nabi bati, Ko Nyamuhanga angatoka erisesa emesa yʼomo mbwarara kwehĩ?

Esyonyimbo 78:41

Mobalenga uku Nyamuhanga kandi nʼakandi, Nʼerĩhĩtanĩa Oyũbũyĩrĩre wa Ĩsraelĩ.

Esyonyimbo 81:16

Kumbe nangabalĩsya engano eyowene kutsibu, Nʼerĩbũgũtya omo buki bwʼomolĩ.

Ezekĩelĩ 27:17

Yũda nʼekihugo kya Ĩsraelĩ, babya batũndĩ bawe. Mobaliha busana nʼobũsokĩ bwawe engano ya Mĩnĩtĩ, nʼehitole, nʼobuki, nʼamagũta, nʼeZerĩ.

Matayo 14:17

Neryo abiga mobabwira Yesu bati, Tuwite hano hʼuku mandu atanu masa, nʼamahere abiri.

Matayo 16:9

Simulitaminya kwehĩ? Kutse simulyibuka amandu atanu wʼamaelfu atanu (5,000), nʼebitiri bingahi mwakumiramo kwehĩ?

Mariko 6:38

Neryo Yesu mwabũlyabo ati, Muwite uku mandu angahi kwehĩ? Mugende mũlebaye. Nabo babere babĩrebya mobamubwira bati, Ni mandu atanu nʼamahere abiri.

Mariko 8:19

omugulu natsũtsanga amandu atanu busana nʼabandu elfu ĩtanu kwehĩ? (5,000). Momwasongya ebitiri bingahi byʼebitahangukira ebyasaka kwehĩ? Mobasũbĩrya bati, Erĩkũmĩ nʼebibiri.

Luka 9:13

Nĩkwa Yesu mwabwirabo ati, Nenyũ muhebo akʼerirya. Nabo mobabũga bati, Situwite bindi, wa nʼamandu atanu nʼamahere abiri. Wanzĩre itwayagula ebyalya busana nʼabandu bosĩ aba kwehĩ?

Yoane 11:21

Neryo Marata mwabũga na Yesu ati, Mukama kumbe wabya hano, mugala wetu nga sialitahola!

Yoane 11:32

Omugulu Marĩa ahĩka aho Yesu ali, nʼerimulolako, mwawa ahisi oko bisando biwe. Neryo mwamubwira ati, Mukama, kumbe wabya hano, mugala wetu nga sialitahola!

Yoane 21:10

Yesu mwabwirabo ati, Mulete oko mahere ago mukabisoha.

Yoane 21:13

Neryo Yesu mwasa, mwĩmya obundu, mwahabobo. Kandi mwahabo nʼamahere.

Yoane 21:9

Neryo babere bahĩka oko kitaka, mobalangira omuliro wʼamakala inianeho, nʼamahere oko muliro oyo, nʼobundu.

Yoane 6:11

Neryo Yesu mwĩmya amandu ayo, neryo mwagabirago oko babya bĩkere ahisi. Mwakola atya nibya nʼamahere eriha abosĩ ngoko babya banzĩre.

Yoane 6:7

Fĩlĩpo mwamũsũbĩrya ati, Amandu wʼesyodĩnarĩ magana abiri siangatolerabo nomo bangalya obuli mundu kake.

2 AbanyaKorinto 8:9

Kusangwa mũnasĩ olukogo lwʼOmukama wetu Yesu Kristo. Nomo anabya muteke, mwayiyira mo mwera busana nenyũ, neryo imwato­ka eribya bateke busana nʼobwera buwe.

Eryibuka Ebihano 32:14

Olukoko lwʼamasabũ wʼende, nʼamasabũ wʼesyombũlĩ Haguma nʼebĩsabũ byʼehyana hyʼembũlĩ, Nʼesyombangale syʼomuhanda wʼeBasanĩ, nʼesyombene-hene, Haguma nʼengano nyibuya; Kandi momwapũlya ebĩnyũ, byʼomusasi wʼebĩgũma byʼebĩnyũ.

Eryibuka Ebihano 8:8

ekihugo kyʼengano nʼekisusu, nʼemĩrĩkĩ yʼebĩnyũ nʼemiti yʼemĩtĩnĩ nʼemikomamanga; ekihugo kyʼemiti yʼemĩzeĩtũnĩ, nʼobuki;

Eribisurirwa 6:6

Kandi monowa owali nga mulenge omo katĩkatĩ kʼebĩhangĩkĩre ebiriho bini, ati, Akalengĩ kaguma kʼengano busana nʼesyofranka ĩkũmĩ, nʼotũlengĩ tusatu twʼekisusu busana nʼesyofranka ĩkũmĩ. Nĩkwa sĩmũtsandaye amagũta nʼebĩnyũ!