Yoane 6:51 - AMASAKO ABOYTRTRE WA NYAMUHANGA AWAKAHULAWA MO BIBLIA

⁵¹ Ĩngye indi bundu bwʼengebe obwandagala bũkalũa elubula. Omundu amalya oko bundu obo, asyabyaho kera na kera; nʼobundu obo nasyaha ni mubiri wage, ogo ngaha, ekihugo kitoke eribyaho.

Nouveau Testament et Psaumes en Ndandi Version 1962

⁵¹ Ingye indi bundu obwengebe obwandagala erilwa elubula: omundu amarya obundu obu, asyakota na kera: ega, nobundu obo nasyaha ni mubiri wage, busana nengebe ye kihugo.

Yoane 6:51 Iomraidhean Croise

Matayo 20:28

Kusangwa Omugala wʼomundu mwatasa erikolerwa, nĩkwa asa erikola, nʼeriha engebe yiwe mo bũgũlĩ busana nʼabandu bangi.

Luka 22:19

Neryo mwĩmya obundu, mwaha ewasĩngya uku Nyamuhanga, mwatsũtsangabo, mwahabobo, ati, Oyũ ni mubiri wage owakahabawa busana nenyũ. Mukole mutya erinyibuka.

Yoane 1:14

NʼEkĩnywa ekyo mokyabya mundu, naye mwĩkala omo katĩkatĩ ketu. Netu motwalangira olukengerwa luwe ĩloswĩre nʼolukogo nʼekwenene. Olukengerwa olũ lwabya olwa Mugala Ekyusa ekyabutawa na Tata.

Yoane 1:29

Neryo engyakya Yoane mwalangira Yesu akasa aho ali, neryo mwabũga ati, Lebaya, Ekyana kyʼEmbũlĩ kya Nyamuhanga oyũkalũsaya ebibi byʼekihugo!

Yoane 11:26

Nʼabosĩ abaliho bamanyĩkĩrĩrya sibendisyahola na kera. Wamĩkĩrĩrya ebyo kwehĩ?

Yoane 3:13

Sihali omundu oyo wahetukira elubula, yo nʼomugala wʼOmundu oyo wandagala akalũa elubula.

Yoane 3:14

Ngoko Musa asumbira enzoka yʼendata omo mbwarara, litya Omugala wʼOmundu atolere erisumbirwa endata.

Yoane 3:16

Kusangwa Nyamuhanga mwanza ekihugo kyʼatya, kyaleka iniaha Mugala wuwe, Ekyusa kiwe, neryo oyũkamwĩkĩrĩraya siahere, nĩkwa abye nʼengebe yʼerikota.

Yoane 3:36

Oyũkĩkĩrĩraya Omugala awite engebe yʼerikota; nĩkwa oyutekenga Omugala siendisyalola oko ngebe, nĩkwa erihitana lya Nyamuhanga lĩmwĩkereko kera na kera.

Yoane 5:24

Kwenene, kwenene ngababwira, oyũkowa ebĩnywa byage, nʼerĩkĩrĩrya oyo wanyituma, awite engebe yʼerikota. Kandi siendisyatswerwa, nĩkwa abĩrĩlũa omo luholo, abiringira omo ngebe.

Yoane 6:33

Kusangwa obundu obo Nyamuhanga akaha yo yũkalũa elubula nʼeriha engebe oko kihugo.

Yoane 6:35

Yesu mwabũga nabo ati, Ingye indi bundu bwʼengebe. Oyukasa kwĩngye sĩendĩsyakwa nzala na kera, nʼoyũkanyĩkĩrĩraya sĩendĩsyakwa nyota na kera.

Yoane 6:41

Neryo Abayũda mobayikuna busana na Yesu, kusangwa abũga ati, Ĩngye indi bundu obwandagala bũkalũa elubula.

Yoane 6:47

Kwenene, kwenene ngababwira, Oyũkĩkĩrĩraya awite engebe yʼerikota.

Yoane 6:48

Ĩngye indi bundu bwʼengebe.

Yoane 6:50

Obũ bo bundu bukandagala bũkalũa elubula, neryo omundu atoke eriryabo, iniatahola.

Yoane 7:38

Ngoko Amasako akabũga ati, Oyũkanyĩkĩrĩraya, esyonyũsĩ syʼamagetsi wʼengebe syasyasenda sĩkalũa omo mutima wuwe.

2 AbanyaKorinto 5:19

Tuti, Nyamuhanga akasanganaya bandu bosĩ ukwʼiye busana na Kristo, isialiganzirabo amalolo wabo. Kandi abirituha ekĩnywa kyʼerĩsanganĩa abandu ukwʼiye.

2 AbanyaKorinto 5:21

Kristo mwabya butsira ebibi, nĩkwa Nyamuhanga mwamuyira ngʼowʼebibi busana netu, itwatoka eriyirwa mo batunganene ba Nyamuhanga busana nʼerimatikana na Kristo.

AbanyaEfeso 5:2

Mukole ebyosĩ omo lwanzo, ngoko Kristo atwanza, kandi mwaha engebe yiwe busana netu ngʼobuhere obukakumba ndeke, ehongo eyĩkatsemesaya Nyamuhanga.

AbanyaEfeso 5:25

Nenyũ abĩba, mwanze abakalĩ benyũ, ngoko Kristo mwanza ekanĩsa. Kusangwa Kristo mwayiha busana nʼekanĩsa,

Tito 2:14

Kristo mwayiha busana netu erĩtũtongolya oko bibi byosĩ, nʼerĩerya abandu busana naye ĩyowene-wene, abali nʼomũhwa wʼerikola emĩbĩrĩ yowene.

AbaEbrania 10:20

Iye abĩrĩtũlĩbũlĩra enzira nyihya-nyihya, eyikaleta engebe, kandi eyikalaba omo kĩsũkũlĩryo kyʼomubiri wuwe.

1 Petero 2:4

Neryo mwase oko Mukama oyuli erĩbwe eriwite engebe, eryaganawa nʼabandu, nĩkwa eryayisogawa na Nyamuhanga, ngʼerĩbwe eryʼobũgũlĩ bunene.

1 Yoane 2:2

Kandi Kristo ni mbanulo busana nʼebibi byetu, kandi si busana nʼebibi byetu bisa, nĩkwa busana nʼebibi byʼekihugo kyosĩ.

1 Yoane 4:10

Olwanzo lolũ; butsira ambu ĩtwe twanza Nyamuhanga, nĩkwa iye mwatwanza, mwatuma Omugala wuwe eribya mbanulo busana nʼebibi byetu.

1 Yoane 4:14

Netu twabirilangira, kandi tũkatũlago ko Tata abirituma Mugala wuwe eribya Mũlamya wʼekihugo.