Yoane 5:44 - AMASAKO ABOYTRTRE WA NYAMUHANGA AWAKAHULAWA MO BIBLIA

⁴⁴ Mukatoka erĩkĩrĩrya muti, omugulu mukabana erĩsĩkanĩa omuguma oko gundi kwehĩ, isimulisonda-sonda erĩsĩkya erĩkalũa uku Nyamuhanga ĩyowene.

Nouveau Testament et Psaumes en Ndandi Version 1962

⁴⁴ Imwatoka muti erikirirya, inywe mukimaya erisikya muguma oko gundi, nerisikya erikalwa oko Mungu muguma, simwesondayaryo kwehi?

Yoane 5:44 Iomraidhean Croise

2 Emyatsi yʼEmigulu 6:8

Nĩkwa Omwami Mukulu mwabwira tata wage Dawĩdĩ ati, Kusangwa kyabya omo mutima wawe erĩhĩmba enyũmba busana nʼerĩna lyage, mowayira ndeke kusangwa kyabya omo mutima wawe;

Yeremĩa 13:23

Ko Mũetĩopĩa angabindula erangĩ yʼengoba yiwe, kutse esoro yangabindula ebitanga-bitanga byayo kwehĩ? Nenyũ litya mwanganatoka erikola ebibuya, ĩnywe mwabiribegera erikola ebibi.

Matayo 23:5

Nĩkwa bakakola emĩbĩrĩ yabo yosĩ erilolwako nʼabandu; kusangwa bakayira otũsandũkũ otukaheka emilondo yʼekitabu mo tunene-tunene oko mibiri yabo, kandi emĩsĩke yʼesyongimba syabo bakayirayo mo miri-miri.

Luka 19:17

Neryo omukulu oyo mwamubwira ati, Wamakola ndeke uwe mugombe mubuya kusangwa wabiribya butalegula oko kindu kike, ubye nʼehamũlĩ oko mĩyĩ ĩkũmĩ.

Yoane 12:43

Kusangwa mobanza erĩsĩmwa nʼabandu kwilaba erĩsĩmwa na Nyamuhanga.

Yoane 17:3

Neryo eyĩ ni ngebe yʼerikota, abandu bakuminye, uwe Nyamuhanga muguma wʼekwenene, nʼeriminya Yesu Kristo, oyo watuma.

Yoane 3:20

Kusangwa obuli mundu oyukakola ebibi akakwa ekyakakala kyʼobusu, kandi sĩalĩhĩka oko kyakakala, emĩbĩrĩ yiwe mibi ĩkasyamĩnyĩkalĩbwa.

Yoane 5:41

Sindisonda eripipwa nʼabandu.

Yoane 8:43

Busana nakĩ simuliminya ebyo ngabũga kwehĩ? Ni kusangwa simulitoka erĩowa ekĩnywa kyage.

AbanyaRoma 2:10

Nĩkwa hasyabya olukengerwa, nʼerĩsĩkĩbwa, nʼobuholo oko buli mundu oyukakola ebibuya, erĩtsũka oko Bayũda, nʼakandi oko bandu bʼebindi Bihanda.

AbanyaRoma 2:29

Nĩkwa omundu nĩ Mũyũda oyuli Mũyũda omo mutima wuwe, ĩnĩabĩrĩbanĩbwa omo mutima busana nʼomũbĩrĩ wʼOmũlĩmũ Abũyĩrĩre, butsira nʼebĩnywa byʼEmigambo. Omundu oyo akapipawa na Nyamuhanga, butsira bandu.

AbanyaRoma 2:7

Nyamuhanga asyaha engebe yʼerikota oko bakayitsingirira omo mikolere yowene, ibakasonda olukengerwa, nʼerĩsĩkya nʼebitehola.

1 AbanyaKorinto 4:5

Neryo Simubye mukatswera omundu embere wʼomugulu owatolere, omugulu Omukama asyasa, iye asyahũlũkya omo kyakakala emyatsi eyĩbĩsamĩre omo mwĩrĩmya, kandi asyamĩnyĩkalya erĩyĩsũnza lyʼemitima yʼabandu. Neryo obuli mundu asyabana eripipwa na Nyamuhanga.

2 AbanyaKorinto 10:18

Kusangwa, si yo yukayipipa yũkasĩmawa, nĩkwa omundu oyo Mukama akapipa.

AbanyaFilipi 2:3

Simukole mwatsi omo mwaga wʼobutimane, kutse busana nʼeriyipipa, nĩkwa mũyĩkehaye, imukaganza obuli mundu mo mubuya kwilaba ĩnywe.

1 AbanyaTesalonika 2:6

Motutasonda eripipwa nʼabandu, kutse ĩnywe, kutse abandi, nomo twanabya nʼehamũlĩ ngʼabakwenda ba Kristo.

1 Timoteo 1:17

Neryo erĩsĩkya nʼolukengerwa bya kera na kera bibye oko Mwami Wʼerikota, oyutehola, kandi oyutelolawako, ye Nyamuhanga ĩyowene-wene. Amina.

AbaEbrania 3:12

Neryo balĩkyetu, mũtegaye, Sihabye mundu muguma omo katĩkatĩ kenyũ, owʼomutima mubi nʼowʼerĩtendĩkĩrĩrya, ebikaleka akalũa uku Nyamuhanga oyuliho.

Yakobo 2:1

Balĩkyetu, Simuyire ebitaga omo migendere yenyũ, ĩnywe mwabĩrĩkĩrĩrya nʼerikwama Omukama wetu Yesu Kristo, Omwenye olukengerwa.

1 Petero 1:7

Neryo erirengwako eryo lĩkamĩnyĩsaya erĩkĩrĩrya lyenyũ. Esyamagetsi sikanahera, nasyo sikalengawako omo muliro. Neryo erĩkĩrĩrya lyenyũ eriwite enzwere nene kwilaba esyamagetsi, litolere iryalengwako. Neryo mwasyabana eripipa nʼolukengerwa, nʼerĩsĩkĩbwa oko kiro ekyo Yesu Kristo asyabĩsũlwa.

Yuda 1:25

Uku Nyamuhanga muguma musa, Omũlamya wetu, omwisi wa Yesu Kristo Omukama wetu, ukwʼiye habye olukengerwa, nʼobukulu, nʼobũtokĩ bosĩ, nʼehamũlĩ, erĩtsũka oko migulu yosĩ ya kera, na lino-lino, na kera na kera. Amina.

1 Samwelĩ 15:30

Neryo Saũlo mwabũga ati, Namabĩhalya, nĩkwa kĩsĩ-kĩsĩ lino, ũnyĩsĩkaye embere syʼabakulu bʼomo bandu bage, nʼembere syʼAbaĩsraelĩ, uswesuba haguma nage, inatoka erĩramya Omwami Mukulu ye Nyamuhanga wawe.

1 Samwelĩ 2:30

Neryo Omwami Mukulu, Nyamuhanga wa Ĩsraelĩ ati, Kwenene monabũga nyiti ekĩtũnga kyawe, nʼekĩtũnga kya tata wawe, kyasyalendera embere syage emigulu yosĩ; nĩkwa lino Omwami Mukulu ati, Kinyihigukaleko. Kusangwa abakanyĩsĩkaya nasyasĩkyabo, nʼabakanyipona sĩbendĩsyasĩmwa ndeke.