Yoane 4:23 - AMASAKO ABOYTRTRE WA NYAMUHANGA AWAKAHULAWA MO BIBLIA

²³ Nĩkwa omugulu akasa, kandi lino ane, abaramya bʼekwenene basyaramya Tata omo kĩrĩmũ nʼekwenene, kusangwa Tata akasondaya abandu abali batya eribya baramya buwe.

Nouveau Testament et Psaumes en Ndandi Version 1962

²³ Nikwa omugulu akasa, na lino ane, omugulu abasabi bakwenene basyasaba Tata omu kirimu nekundu, kusangwa Tata akasonda abari batya eribya abasabi buwe.

Yoane 4:23 Iomraidhean Croise

1 Emyatsi yʼEmigulu 29:17

Nyamuhanga wage, nyĩnasĩ nibya, ngoko ukalenga omutima, kandi ũkatsemesĩbawa omo li­tunganene. Nĩkwa ĩngye omo litunganene lyʼomutima wage nabirianza eriha ebindu byosĩ ebĩ; na lino nabirilangira nʼobutseme abandu bawe abali hano, bakakuha nʼomũhwa.

Esyonyimbo 147:11

Nĩkwa Omwami Mukulu akatsemera abakamubaha, Akatsemera abakayiketera olwanzo luwe olutyusa.

Esyonyimbo 17:1

Uwe Mwami Mukulu, wowe erisaba lyage litunganene, wowe erilaka lyage! Utege okũtũ okwʼisaba lyage, erite nʼeriteba.

Esyonyimbo 32:2

Obutseme buli nʼomundu oyo Mwami Mukulu atesyaganzira kwʼebibi, Nʼomundu oyute nʼamatebo omo kĩrĩmũ kiwe.

Esyonyimbo 51:6

Ukasonda omutima owateregula; Ũsũlaye obũlengekanĩa bwage omo menge wawe.

Emĩsyo 15:8

Obuhere bwʼababi ni nye oko Mwami Mukulu; Nĩkwa erisaba lyʼabatunganene ni butseme buwe.

Olwimbo lwʼEsyonyimbo 2:14

Uwe kalĩkũkũ kage, akali omo mugenyo wʼerĩbwe, Ũkayĩbĩsa ahakumbagere kutsibu, Uleke nyilangire erisosa lyawe, Nyowe omulenge wawe. Kusangwa omulenge wawe asĩhĩre, Nʼerisosa lyawe ni ribuya.

Ĩsaya 10:20

Neryo oko kiro ekyo, abasĩgalira ba Ĩsraelĩ nʼababala bʼekĩtũnga kya Yakobo, sibendisyaswegemera ukwʼoyo wĩtabo, nĩkwa basyegemera kwenene oko Mwami Mukulu, Oyũbũyĩrĩre wʼeĨsraelĩ.

Ĩsaya 29:13

Neryo Omukama mwabũga ati, Kusangwa abandu aba bakanyisimbirira, omo bĩnywa byabo kandi bakanyĩsĩkaya nʼemĩnywa yabo, nĩkwa babĩrĩsegerya emitima yabo yo hali kwĩngye, nʼerikenga lyabo busana nage ni mitsye yʼabandu eyo biga ngendo nyingi,

Ĩsaya 43:21

Abandu abo nayihangikira, basyabũga eripipa lyage.

Ĩsaya 58:2

Nĩkwa bakanyisonda-sonda ebiro byosĩ, bakatsema eriminya enzira yage, ngʼekihanda ekyakola eritunganene, nʼerĩtĩndasĩganĩa ebilayiro bya Nyamuhanga wabo. Bakanyĩbũlaya erĩtwa omwatsi omo lĩbanza litunganene, bakatsema kusangwa Nyamuhanga ali hakũhĩ.

Yeremĩa 3:10

Nĩkwa Omwami Mukulu ati, Haguma nʼemyatsi yosĩ eyĩ, mwali wabo wʼomwaga, ye Yũda, mwatanyisubako nʼomutima wuwe gosĩ, nĩkwa omo menge wʼamabehĩ.

Yeremĩa 4:2

nawe wasyalahĩrya uti, Ngoko Mwami Mukulu aliho, omo kwenene, omo lĩbanza libuya, nʼomo litunganene; neryo ebihanda byasyayitsumula umwʼiye, kandi basyayipipa umwʼiye.

Ezekĩelĩ 22:30

Nage monasondya omundu omo katĩkatĩ kabo, oyo wangahĩmba olũhĩmbo, nʼerihangana omo mwanya embere syage busana nʼekihugo, isinangaheryakyo. Nĩkwa mondabana mundu.

Yoane 1:17

Kusangwa Nyamuhanga mwaha Musa Emigambo, nĩkwa olukogo nʼekwenene, Yesu Kristo yo waletabyo.

Yoane 12:23

Neryo Yesu mwasũbĩryabo ati, Endambĩ yabĩrĩhĩka, Omugala wʼOmundu ahabawe olukengerwa.

Yoane 16:2

Basyabahiga-hĩganĩa omo manyũmba wabo wʼerĩhĩndanamo. Kandi omugulu asyasa, neryo oyukabĩta asyaganĩrya ngʼakakola omũbĩrĩ wa Nyamuhanga.

Yoane 16:32

Lebaya, endambĩ yasyasa, kandi endambĩ eyo yabĩrĩhĩka, omugulu mwasyapanza-panzirwa obuli mundu eka wuwe, mwasyanyĩsĩga ĩngyowene. Nĩkwa Sindi ĩngyowene, kusangwa Tata ali haguma nage.

Yoane 4:21

Yesu mwamubwira ati, Mũkalĩ, ũnyĩkĩrĩraye, omugulu asyasa isimwendisyaswaramya Tata oko kitwa ekĩ, kutse eYerũsalema.

Yoane 5:25

Kwenene, kwenene, ngababwira, endambĩ ikasa, na lino ineho, omugulu abaholĩ basyowa omulenge wʼomugala wa Nyamuhanga, nʼabo abakowa basyabyaho.

Yoane 5:28

Simusweke busana nʼekĩ; kusangwa endambĩ ikasa, oko mugulu oyo, abosĩ abali omo masinda basyowa omulenge wuwe.

AbanyaRoma 1:9

Kusangwa Nyamuhanga nĩ mũlangĩrĩ wage, oyo ngakolera nʼomutima wage gosĩ omo mũbĩrĩ wʼEngulu Yowene yʼomugala wuwe, anasĩ ngoko ngabahula emigulu yosĩ omwʼisaba, lyage, butsira erĩũmbya.

AbanyaRoma 8:15

Kusangwa Omũlĩmũ ogo Nyamuhanga abaha, sialibayira mo bakobe, Sialireka mukubaha kandi. Nĩkwa Omũlĩmũ akabayira mo bagala ba Nyamuhanga; kandi omo bũtokĩ bwʼOmũlĩmũ tukabirikira tuti, Tata! Tata!

AbanyaRoma 8:26

Kandi nibya Omũlĩmũ akatũwatĩkaya omo bolo bwetu. Kusangwa Sĩtwasĩ erisaba ngoko litutolere, nĩkwa Omũlĩmũ ĩyowene akatusabira, akatwimira omwʼĩsĩmba erite ryangabũwa.

AbanyaGalatia 4:6

Kandi kusangwa muli bagala, Nyamuhanga abirituma Omũlĩmũ wʼomugala wuwe omwisi wʼemitima yetu, owakabirikira ati, Tata, Tata!

AbanyaEfeso 6:18

Musabe kutsibu nʼerĩbũlya Nyamuhanga erĩbawatĩkya. Kandi musabe omo migulu yosĩ ngoko Mũlĩmũ Abũyĩrĩre akabasondola. Busana nʼomwatsi oyũ, mũyĩtegaye, nʼeriyitsingirira, imunemusabira abandu bosĩ ba Nyamuhanga.

AbanyaFilipi 3:3

Kusangwa ĩtwebene tuli bʼeribana lyʼekwenene, tũkaramaya Nyamuhanga omo Mũlĩmũ wuwe, kandi tũkayĩsyandira omwisi wa Kristo Yesu. Situliyiketera emyatsi yʼomubiri.

Yosũa 24:14

Na lino mubahe Omwami Mukulu, mumukolere omo kwenene nʼekũndũ; mũhĩre esyonyamuhanga syo hali esyo abotata-kulu benyũ bakolera eyisirya wʼolũsĩ Efũratĩ, nʼeMĩsĩrĩ; mukolere Omwami Mukulu.

1 Petero 2:9

Nĩkwa ĩnywe muli kihanda ekyayisogawa, abahererĩ bʼobwami, ekihanda kĩbũyĩrĩre, abandu ba Nyamuhanga, imwatoka erĩkangya emĩbĩrĩ mibuya ya Nyamuhanga, oyo wababirikira erĩlũa omo mwĩrĩmya nʼeriingira omo kyakakala kiwe kyʼeriswekera.

1 Samwelĩ 12:24

Ekiguma kisa mubahe Omwami Mukulu, kandi mumukolere nʼekwenene omo mitima yenyũ yosĩ; kusangwa mũganĩraye emyatsi minene eyo abakolera.