Yoane 4:21 - AMASAKO ABOYTRTRE WA NYAMUHANGA AWAKAHULAWA MO BIBLIA

²¹ Yesu mwamubwira ati, Mũkalĩ, ũnyĩkĩrĩraye, omugulu asyasa isimwendisyaswaramya Tata oko kitwa ekĩ, kutse eYerũsalema.

Nouveau Testament et Psaumes en Ndandi Version 1962

²¹ Yesu mwabuga naye, ati, Mukali, unyikiriraye, omugulu akasa, omugulu mutesyasaba Tata oko kitwa eki kutse eYerusalema.

Yoane 4:21 Iomraidhean Croise

Ĩsaya 66:1

Omwami Mukulu ati, Olubula nĩ kĩtũmbĩ kyage kyʼobwami, nʼekihugo nĩ kĩtũmbĩ kyʼebisando byage. Enyũmba iri hahi eyo mwasyambĩmbĩra kwehĩ? Nʼaho nasyaluhukira ni hahi kwehĩ?

Ezekĩelĩ 14:3

Omugala wʼomundu, abandu aba babirisingika esyosanamu syabo omo mitima yabo, babĩrĩhĩra ekyʼerĩtwĩkalya kyʼebibi byabo embere syʼobũsũ bwabo. Linatolere ĩbanyĩbũlya omwatsi kwehĩ?

Ezekĩelĩ 20:3

Mugala wʼomundu, ũbũge nʼabakulu ba Ĩsraelĩ, ubwirebo uti, Omukama Iye Omwami Mukulu ati, Mwamasa nʼerĩnyĩbũlya omwatsi kwehĩ? Omukama Iye Omwami Mukulu ati, Ngoko nyiriho, sĩndĩendĩbũlĩbwa nenyũ.

Malakĩ 1:11

Kusangwa erĩlũa aho eryuba likahuluka nʼerĩhĩka aho likalengera, erĩna lyage lyasyabya ĩnene omo katĩkatĩ kʼebihanda, nʼehosĩ basyahonga obukwa oko lĩna lyage, nʼobuhere bwʼengano bubuya; kusangwa erĩna lyage nʼĩnene omo katĩkatĩ kʼebihanda, Omwami Mukulu Wʼemilondo atya.

Matayo 18:20

Kusangwa aho bandu babiri kutse basatu bahĩndene omo lĩna lyage, nyineho omo katĩkatĩ kabo.

Matayo 28:19

Neryo mugende, muyire abiga oko bihanda byosĩ; mũbatĩsayebo omo lĩna lyʼĨse, nʼeryʼOmugala, nʼeryʼOmũlĩmũ Abũyĩrĩre.

Luka 21:24

Basyahwa busana nʼobukali bwʼomũyalĩ, kandi basyatwalwa mo banyegwa omo bihanda byosĩ. Kandi abʼEbihanda basyalyatangirira eYerũsalema erĩhĩka aho emigulu yʼEbihanda yasyabererera.

Yoane 14:6

Yesu mwamubwira ati, Ĩngye indi nzira, ĩngye indi mwatsi wʼekwenene, ĩngye indi ngebe; sihali mundu ũkahĩka uku Tata ate kwĩngye.

Yoane 16:2

Basyabahiga-hĩganĩa omo manyũmba wabo wʼerĩhĩndanamo. Kandi omugulu asyasa, neryo oyukabĩta asyaganĩrya ngʼakakola omũbĩrĩ wa Nyamuhanga.

Yoane 16:32

Lebaya, endambĩ yasyasa, kandi endambĩ eyo yabĩrĩhĩka, omugulu mwasyapanza-panzirwa obuli mundu eka wuwe, mwasyanyĩsĩga ĩngyowene. Nĩkwa Sindi ĩngyowene, kusangwa Tata ali haguma nage.

Yoane 4:23

Nĩkwa omugulu akasa, kandi lino ane, abaramya bʼekwenene basyaramya Tata omo kĩrĩmũ nʼekwenene, kusangwa Tata akasondaya abandu abali batya eribya baramya buwe.

Yoane 5:25

Kwenene, kwenene, ngababwira, endambĩ ikasa, na lino ineho, omugulu abaholĩ basyowa omulenge wʼomugala wa Nyamuhanga, nʼabo abakowa basyabyaho.

Yoane 5:28

Simusweke busana nʼekĩ; kusangwa endambĩ ikasa, oko mugulu oyo, abosĩ abali omo masinda basyowa omulenge wuwe.

Emibiri 6:14

Kusangwa twabĩrĩowa akabũga ati, Yesu wʼeNazaretĩ oyũ, asyaherya hano, nʼeribindula emitsye eyo Musa atuha!

AbanyaEfeso 2:18

Kusangwa busana na Kristo ĩtwe bosĩ, Abayũda nʼEbihanda, tukabana enzira yʼerĩhĩka uku Tata Nyamuhanga busana nʼOmũlĩmũ Abũyĩrĩre muguma.

AbanyaEfeso 3:14

Busana nʼekĩ ngakũkamira Tata.

1 Timoteo 2:8

Neryo ngasonda abalume ehosĩ basabe, abalume ababiriyiha uku Nyamuhanga ibakasumba ebyala byabo erisaba, butsira erihitana kutse obuhaka.

1 Petero 1:17

Omugulu mukasaba Nyamuhanga, mukamwahula mo Tata, oyukatswera obuli mundu, butsira obutaga, ngʼemĩbĩrĩ yiwe kwʼiri; mulendere nʼerikenga Nyamuhanga omugulu mukine omo kihugo kino.

Eribisurirwa 21:22

Nĩkwa mondalangira eHekalũ omo mũyĩ oyo, kusangwa Omukama Nyamuhanga, Omũtokĩ Wʼebyosĩ, nʼEkyana kyʼEmbũlĩ bo Hekalũ yʼomũyĩ oyo.