Yoane 4:14 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁴ Nĩkwa oyũkapũlaya amagetsi ago nasyamuha siendisyaswakwa enyota na kera. Nĩkwa amagetsi ago nasyamuka asyabya omwisi wuwe eyĩsoko yʼamagetsi awakakũnũnũka nʼerimuha engebe yʼerikota.

Nouveau Testament et Psaumes en Ndandi Version 1962

¹⁴ nikwa mundundi oyu kapulaya amagetsi nasyamuha siendisyakwa nyota kera na kera: nikwa amagetsi ayo nasya muha asyabya omwisi wuwe eyisoko ya magetsi owakakununuka erihika oko ngebe yerikota.

Yoane 4:14 Iomraidhean Croise

Ĩsaya 49:10

Sibendĩsyaswakwa enzala kutse enyota, nʼekĩhũhanĩ kutse eryuba sĩbyendĩsyaswĩryabo ahisi. Kusangwa oyukaganyirabo asyasondolabo, asyasondolabo oko syongũnũnũko syʼamagetsi.

Ĩsaya 55:1

Ego! Obuli mundu oyũkwĩre enyota, mwase oko magetsi; nʼĩnywe mutawite esyofranka mwase, mutugule, mulye; ega, mwase, mugule ebĩnyũ nʼamasabũ butsira franka kandi butsira bũgũlĩ.

Ĩsaya 58:11

Kandi Omwami Mukulu asyakusondola emigulu yosĩ, nʼerĩũgũtĩrya omutima wawe omo myanya yũmĩre, nʼerĩkala-kalya amakũha wawe. Kandi Wasyabya ngʼeririma lyahĩrawa mwʼamagetsi, kandi ngʼengũnũnũko yʼamagetsi, amagetsi wayo sialiuma.

Yeremĩa 2:13

Kusangwa abandu bage babirikola ebibi bibiri. Babĩrĩnyĩsĩganĩa, ĩngye ĩsoko yʼamagetsi wʼengebe, babiriyitakulira ebĩrĩba, ebĩrĩba ebĩkalũa, ebitetoka eribika amagetsi.

Yeremĩa 31:25

Kusangwa nabĩrĩũgũtya abalũhĩre, kandi nabĩrĩsũbya obuli mundu oyũkakongolũka.

Ezekĩelĩ 47:9

Neryo obuli kihangikwa ekiriho, ekikakanyirira ehosĩ eyo lũsĩ lukaya, byasyabyaho. Kandi lwasyabya mwʼesĩswĩ nene, kusangwa amagetsi aya akayaho, nʼawandi magetsi akabya mahya-mahya, nʼobuli kindu kyasyabyaho ehosĩ olũsĩ lukaya.

Abalawĩ 11:36

Nĩkwa eyĩsoko kutse erĩrĩba aho amagetsi akahĩndana byasyabya bibuya; nĩkwa oyũkatũla oko kĩnda kyabyo asyabya mũtsandĩrya.

Matayo 25:46

Neryo aba basyagenda omwʼisuyirwa lyʼerikota, nĩkwa abatunganene basyaya omo ngebe yʼerikota.

Matayo 5:6

Obutseme buli nʼabanzĩre kutsibu erikola ekitunganene ekyo Nyamuhanga anzĩre. Kusangwa Nyamuhanga asyaha kyobo ndeke!

Yoane 10:10

Omũrahĩ akahĩka busana nʼerĩĩba lisa, nʼerĩĩta, nʼerĩherya. Ingye nasa babane engebe, kandi babane engebe nyingi eyĩtswagĩre.

Yoane 11:26

Nʼabosĩ abaliho bamanyĩkĩrĩrya sibendisyahola na kera. Wamĩkĩrĩrya ebyo kwehĩ?

Yoane 4:10

Yesu mwamũsũbĩrya ati, Kumbe wasĩ olũsũnzo lwa Nyamuhanga, nʼoyũkabũga nawe ati, Umba awʼerĩpũlya, kumbe wabĩrĩmũbũlya, naye kumbe abirikuha amagetsi wʼengebe.

Yoane 4:11

Omũkalĩ mwamubwira ati, Mukama, suwite ekyʼeritehamo, nʼekitehero ni kiri. Neryo ukabana magetsi wʼengebe ayo go hahi kwehĩ?

Yoane 4:13

Yesu mwamũsũbĩrya ati, Oyũkapũlaya oko magetsi aya asyaswakwa enyota.

Yoane 4:36

Oyukagesa akahamba oluhembo. Kandi akahĩndanaya esyombuto busana nʼengebe yʼerikota, neryo omũbĩbĩ nʼomũgesĩ ibatoka eritsemera haguma.

Yoane 6:27

Simukolere ebyalya ebikahonda, nĩkwa mukolere ebyalya ebikabyaho erĩhĩka oko ngebe yʼerikota. Ebyalya ebĩ Omugala wʼOmundu asyabahabyo, kusangwa Nyamuhanga, Tata, abĩrĩmũhĩra kwʼekiminyikalo kyʼerĩmũsĩma.

Yoane 6:35

Yesu mwabũga nabo ati, Ingye indi bundu bwʼengebe. Oyukasa kwĩngye sĩendĩsyakwa nzala na kera, nʼoyũkanyĩkĩrĩraya sĩendĩsyakwa nyota na kera.

Yoane 6:58

Obũ bo bundu obwandagala bũkalũa elubula; sibuli ngʼobundu obo abotata-kulu benyũ balya, mobahola. Oyukalya obundu obũ asyabyaho kera na kera.

Yoane 7:37

Neryo oko kiro kyʼenyũma-nyũma kyʼebiro bikulu ebyo, ekiro kinene kyʼeryusa, Yesu mwahangana mwabũga nʼomulenge munene ati, Omundu amakwa enyota, ase kwĩngye apũlaye.

AbanyaRoma 5:21

Neryo ngoko ebibi byatabala omo luholo, litya olukogo lwa Nyamuhanga lukatabala omo litunganene, nʼerireta engebe yʼerikota busana nʼomukama wetu Yesu Kristo.

AbanyaRoma 6:23

Kusangwa obũhĩngĩ bwʼerikola ebibi ni luholo, nĩkwa olũsũnzo olũkalũa uku Nyamuhanga ni ngebe yʼerikota busana nʼerimatikana na Kristo Yesu, Omukama wetu.

2 AbanyaKorinto 1:22

Naye abĩrĩtũhĩra kwʼekĩmĩnyĩsyo kiwe, nʼerituha Omũlĩmũ wuwe omo mitima yetu ngʼomuwato.

AbanyaEfeso 4:30

Sĩmwĩte Omũlĩmũ Abũyĩrĩre wa Nyamuhanga wʼobũlĩge, kusangwa Omũlĩmũ Abũyĩrĩre nĩ kĩmĩnyĩsyo kyenyũ busana nʼekiro ekyo Nyamuhanga asyababohola.

1 Petero 1:22

Neryo kusangwa mwabĩrĩerya emitima yenyũ, busana nʼerĩowa omwatsi wʼekwenene, kandi mwabiribya nʼolwanzo olute nʼeriteba busana nʼabalĩkyetu, lino litolere imwanzana nʼemitima yenyũ yosĩ nʼomũhwa.

1 Yoane 5:20

Nĩkwa tũnasĩ kʼomugala wa Nyamuhanga abĩrĩhĩka, nʼerituha eriminya, itwatoka eriminya Nyamuhanga owʼekwenene. Kandi tumatikene na Nyamuhanga owʼekwenene, kandi tumatikene nʼomugala wuwe Yesu Kristo. Oyũ ni Nyamuhanga wʼekwenene, kandi iye ni ngebe yʼerikota.

Eribisurirwa 7:16

Kandi Sĩbendĩsyakwa enzala, kutse enyota, kutse eryuba, kutse erĩhũhana sibyendisyahĩsyabo.

Eribisurirwa 7:17

Kusangwa, Ekyana kyʼEmbũlĩ oyuli omo katĩkatĩ kʼekĩtũmbĩ kyʼobwami, asyabya mũlĩsya wabo, kandi asyasondolabo oko syongũnũnũko syʼamagetsi wʼengebe; kandi Nyamuhanga asyasangula obuli mĩsonĩa oko meso wabo.