Yoane 4:10 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁰ Yesu mwamũsũbĩrya ati, Kumbe wasĩ olũsũnzo lwa Nyamuhanga, nʼoyũkabũga nawe ati, Umba awʼerĩpũlya, kumbe wabĩrĩmũbũlya, naye kumbe abirikuha amagetsi wʼengebe.

Nouveau Testament et Psaumes en Ndandi Version 1962

¹⁰ Yesu mwasubirya mwabuga naye, ati, Kumbe wasi erihitya ryoMungu, noyu kabuga nawe, ati, Omba weripulya; kumbe wabirimubulya, naye iniakuha amagetsi wengebe.

Yoane 4:10 Iomraidhean Croise

Esyonyimbo 10:17

Uwe Mwami Mukulu, ũkowa erilaka lyʼabandu bolo, Kandi wasyasĩkya emitima yabo. Wasyatega amatwĩ wawe erĩowabo.

Esyonyimbo 46:4

Hali olũsĩ olukaleta obutseme oko mũyĩ wa Nyamuhanga. Nʼoko nyũmba ĩbũyĩrĩre yʼOwendata Kutsibu.

Erĩlũayo 17:6

Lebaya, ngandyimana embere syawe okwʼĩbwe eHorebũ; nawe ũkandĩswĩrya erĩbwe, nʼamagetsi akandihuluka mulyo, abandu batoke erĩpũlya. Na Musa mwakola atya omo meso wʼabakulu ba Ĩsraelĩ.

Olwimbo lwʼEsyonyimbo 4:15

Uli ngũnũnũko yʼamalima, Ekitsinga kyʼamagetsi mahya-mahya, Nʼesyonyũsĩ esikasenda sĩkalũa eLebanonĩ.

Ĩsaya 12:3

Busana nʼobutseme wasyateha amagetsi Omo ngũnũnũko yʼomulamo.

Ĩsaya 35:6

Oko mugulu oyo olugata lwasyatũa ebika ngʼengabi, nʼolulimi lwʼerĩkĩrũ lwasyũta obogo bwʼobutseme, kusangwa omo lukurutsu mwasyabutuka amagetsi, nʼesyonyũsĩ omo mbwarara.

Ĩsaya 42:6

Ingye indi Mwami Mukulu, nabirikubirikira omo litunganene, kandi nasyakuwata oko byala, kandi nasyakũteya, nʼerikuha eribya ndagano oko bandu, nʼekyakakala oko bihanda,

Ĩsaya 43:20

Esyonyama syʼomwʼirungu syasyanyĩsĩkya, esyoboha nʼetuhe. Kusangwa ngahasyo amagetsi omo lukurutsu, nʼesyonyũsĩ omo mbwarara, erĩnywĩsya abandu bage, abayisogawa bage.

Ĩsaya 44:3

Kusangwa nasyũtũlĩra amagetsi ũkwʼoyũkwĩre enyota, nʼesyonyũsĩ oko kitaka kyũmĩre. Nasyũtũlĩra Omũlĩmũ wage oko bana bawe, nʼeritsumula lyage oko bitsikulu bawe.

Ĩsaya 49:10

Sibendĩsyaswakwa enzala kutse enyota, nʼekĩhũhanĩ kutse eryuba sĩbyendĩsyaswĩryabo ahisi. Kusangwa oyukaganyirabo asyasondolabo, asyasondolabo oko syongũnũnũko syʼamagetsi.

Ĩsaya 9:6

Kusangwa omwana asyabutwa busana netu, twasyahabwa omugala, Nʼobutabale bwasyabya oko bitigo biwe. Erĩna liwe lyasyahulwa mo Mũhanĩ Wʼeriswekera. Nyamuhanga Omũtokĩ, Tata Wʼerikota, Omunya-mwami Wʼobuholo.

Yeremĩa 2:13

Kusangwa abandu bage babirikola ebibi bibiri. Babĩrĩnyĩsĩganĩa, ĩngye ĩsoko yʼamagetsi wʼengebe, babiriyitakulira ebĩrĩba, ebĩrĩba ebĩkalũa, ebitetoka eribika amagetsi.

Ezekĩelĩ 16:35

Neryo uwe mũtetĩ, hulikirira ekĩnywa kyʼOmwami Mukulu.

Zekarĩa 13:1

Omo kiro ekyo hasyabya eyĩsoko yasyalĩbũlwa busana nʼekĩtũnga kya Dawĩdĩ nʼoko syondũlanĩ syʼeYerũsalema, busana nʼebibi nʼebĩtĩsĩrĩre.

Zekarĩa 14:8

Neryo oko kiro ekyo, amagetsi wʼengebe asyasenda akalũa eYerũsalema; oluhande lwago erĩlolya oko ngetsi yʼendata, nʼolundi luhande lwago erĩlolya oko ngetsi yʼeyĩkwa; kyasyabya oko mugulu wʼobugoma nʼoko mugulu wʼeritsuku nibya.

Luka 11:13

Nomo mune ababi, mũnasĩ eriha abana benyũ bʼolũsũnzo lubuya. Tata wenyũ wʼelubula syalabĩre aho eriha Omũlĩmũ Abũyĩrĩre oko bakamũbũlaya kwehĩ?

Yoane 16:3

Basyakola emyatsi eyĩ, kusangwa sibetaminya Tata kutse ĩngye.

Yoane 17:3

Neryo eyĩ ni ngebe yʼerikota, abandu bakuminye, uwe Nyamuhanga muguma wʼekwenene, nʼeriminya Yesu Kristo, oyo watuma.

Yoane 3:16

Kusangwa Nyamuhanga mwanza ekihugo kyʼatya, kyaleka iniaha Mugala wuwe, Ekyusa kiwe, neryo oyũkamwĩkĩrĩraya siahere, nĩkwa abye nʼengebe yʼerikota.

Yoane 4:14

Nĩkwa oyũkapũlaya amagetsi ago nasyamuha siendisyaswakwa enyota na kera. Nĩkwa amagetsi ago nasyamuka asyabya omwisi wuwe eyĩsoko yʼamagetsi awakakũnũnũka nʼerimuha engebe yʼerikota.

Yoane 6:35

Yesu mwabũga nabo ati, Ingye indi bundu bwʼengebe. Oyukasa kwĩngye sĩendĩsyakwa nzala na kera, nʼoyũkanyĩkĩrĩraya sĩendĩsyakwa nyota na kera.

Yoane 6:51

Ĩngye indi bundu bwʼengebe obwandagala bũkalũa elubula. Omundu amalya oko bundu obo, asyabyaho kera na kera; nʼobundu obo nasyaha ni mubiri wage, ogo ngaha, ekihugo kitoke eribyaho.

Emibiri 9:11

Neryo Omukama mwabũga naye ati, Hangana, ugende omo nzira eyikahulawa mo Litunganene, Ũbũlaye omo nyũmba ya Yũda busana nʼomundu wʼeTarso, oyukahulawa mo Saũlo, kusangwa, lebaya, akasaba.

AbanyaRoma 8:32

Nyamuhanga mwatabalya Omugala wuwe-wuwe, nĩkwa mwamusiga busana nʼĩtwe bosĩ! Oyo watuha Omugala wuwe, siendisyatuha ebindu byosĩ busana naye kwehĩ?

1 AbanyaKorinto 1:30

Nĩkwa Nyamuhanga abĩrĩbamatĩkanĩa na Kristo Yesu. Kandi Nyamuhanga abiriyira Kristo eribya menge wetu. Busana na Kristo tukatunganana embere sya Nyamuhanga, kandi busana na Kristo tukabya bana ba Nyamuhanga, nʼeribya bwĩranda.

1 AbanyaKorinto 10:4

Kandi abosĩ mobapũlya ebyʼerĩpũlya ebyʼekĩrĩmũ, kusangwa babya bakapũlya oko lĩbwe eryʼekĩrĩmũ, eryakwamabo. Erĩbwe eryo lyabya Kristo.

2 AbanyaKorinto 9:15

Tuhe Nyamuhanga yʼewasĩngya busana nʼolũsũnzo luwe olute lwangatoka erĩkanĩbwa.

AbanyaEfeso 2:8

Kusangwa mwabĩrĩlamĩbwa omo lukogo lwa Nyamuhanga omo nzira yʼerĩkĩrĩrya, nʼerilama eryo siʼkola lyenyũ, nĩ lũsũnzo lwa Nyamuhanga.

AbaEbrania 6:4

Kusangwa siritokekene erĩsũbya abandu bʼokwʼibinduka, ababiritoga kwenene. Kusangwa babya erĩmbere omo kyakakala kya Nyamuhanga. Babirirenga olũsũnzo lwʼelubula, kandi babirisangira oko Mũlĩmũ Abũyĩrĩre.

1 Yoane 5:20

Nĩkwa tũnasĩ kʼomugala wa Nyamuhanga abĩrĩhĩka, nʼerituha eriminya, itwatoka eriminya Nyamuhanga owʼekwenene. Kandi tumatikene na Nyamuhanga owʼekwenene, kandi tumatikene nʼomugala wuwe Yesu Kristo. Oyũ ni Nyamuhanga wʼekwenene, kandi iye ni ngebe yʼerikota.

Eribisurirwa 21:6

Kandi mwabũga ati, Byamakoleka! Ĩngye indi Alfa na Omega, erĩtsũka nʼendũlĩ. Oyũkwĩre enyota nasyamuha oko magetsi wʼengũnũnũko yʼamagetsi wʼengebe butsira erigula.

Eribisurirwa 22:17

Omũlĩmũ, nʼomũherũkĩ, bakabũga bati, Mwase! Nʼoyũkowa akabũga ati, Mwase! Nʼoyũkwĩre enyota ase, nʼoyo wanzĩre, ĩmaye amagetsi wʼengebe butsira erigula.

Eribisurirwa 7:17

Kusangwa, Ekyana kyʼEmbũlĩ oyuli omo katĩkatĩ kʼekĩtũmbĩ kyʼobwami, asyabya mũlĩsya wabo, kandi asyasondolabo oko syongũnũnũko syʼamagetsi wʼengebe; kandi Nyamuhanga asyasangula obuli mĩsonĩa oko meso wabo.