Yoane 3:5 - AMASAKO ABOYTRTRE WA NYAMUHANGA AWAKAHULAWA MO BIBLIA

⁵ Yesu mwamũsũbĩrya ati, Kwenene, kwenene, ngakubwira nyiti, Omundu amatendibutwa oko magetsi nʼoko Mũlĩmũ, siangatoka eriingira omo Bwami bwa Nyamuhanga.

Nouveau Testament et Psaumes en Ndandi Version 1962

⁵ Yesu mwasubirya, ati, Kwenene, kwenene, ngabuga nawe, nyiti, Omundu amatindabutwa na magetsi ne Kirimu, siangatoka eriingira omo bwami bwoMungu.

Yoane 3:5 Iomraidhean Croise

Matayo 18:3

mwabũga ati, Kwenene ngabũga nenyũ, mwamatendibinduka nʼeribya ngʼabana balere, simwendisyingira omo Bwami bwʼelubula.

Matayo 19:24

Kandi ngababwira nyiti, Ni ryolo busana nʼengamia erilaba omo kyũna kyʼesĩndanĩ kwilaba omundu wʼebindu eriingira omo Bwami bwa Nyamuhanga.

Matayo 21:31

Oko babiri abo nindi wakola erisonda lya tata wuwe kwehĩ? Mobabũga bati, Owʼerĩmbere. Neryo Yesu mwabũga nabo ati, Kwenene ngabũga nenyũ, nyiti, Abasolesya nʼabamalaya basyabatanga omo Bwami bwa Nyamuhanga.

Matayo 28:19

Neryo mugende, muyire abiga oko bihanda byosĩ; mũbatĩsayebo omo lĩna lyʼĨse, nʼeryʼOmugala, nʼeryʼOmũlĩmũ Abũyĩrĩre.

Matayo 3:11

Nĩkwa ĩngye ngababatĩsaya omo magetsi erĩkangya ngoko mwabiribindula emitima yenyũ erireka ebibi; nĩkwa oyukandisyasa enyũma kwĩngye asyababatĩsya omo Mũlĩmũ Abũyĩrĩre nʼomo muliro. Kandi anyĩrengĩrye maka, nage sinyitolere erimuhekera esyongendero siwe.

Matayo 5:20

Kusangwa ngababwira nyiti, Eritunganene lyenyũ lyamatendilaba eritunganene lyʼabakangĩrĩrya nʼeryʼAbafarĩsayo, simwendisyingira omo Bwami bwʼelubula.

Mariko 10:14

Nĩkwa omugulu Yesu alangira ebyo, mwahitana neryo mwabwira abiga buwe ati, Muleke abana balere base kwĩngye! Sĩmũkakĩrayebo, kusangwa Obwami bwa Nyamuhanga ni bwʼabali ngʼaba.

Mariko 16:16

Oyũkĩkĩrĩraya kandi iniabiribatĩsĩbwa asyalamĩbwa; nĩkwa oyũtĩkĩrĩraya asyasĩngwa.

Mariko 9:47

Nʼerĩso lyawe lyamaleka ukatoga, uloleryo. Lyowene busana nawe eriingira omo Bwami bwa Nyamuhanga nʼerĩso liguma, kwilaba eriguswa omo Lĩfero nʼameso abiri.

Luka 13:24

Mulenge kutsibu eriingira omo lũkyo luke, kusangwa ngababwira nyiti, Ni bangi abasyasondasonda eriingiramo, isibendisyatoka.

Luka 13:3

Ngababwira nyiti, Iyihi! Nĩkwa nenyũ, mwamatendibindula emitima yenyũ erireka ebibi, ĩnywe bosĩ mwasyahera ngoko banahera batya.

Luka 13:5

Ngababwira nyiti, Iyihi! Nĩkwa mwamatendibindula emitima yenyũ erireka ebibi, ĩnywe bosĩ mwasyahera ngoko banahera batya.

Yoane 1:13

Nĩkwa mobatabutwa mo bana ba Nyamuhanga omo nzira yʼomubiri, kutse omwʼisonda lyʼomubiri, kutse omwʼisonda lyʼabandu, nĩkwa Nyamuhanga yo wabutabo.

Yoane 3:3

Yesu mwamũsũbĩrya ati, Kwenene, kwenene, ngabũga nawe, nyiti, Omundu amatendibutwa kandi, siangatoka erilola oko Bwami bwa Nyamuhanga.

Yoane 3:4

Nĩkodemo mwabũlya Yesu ati, ko mundu angatoka eributwa ati, amabibya mukulu kwehĩ? Angatoka eriingira omo nda ya koyo wuwe nʼeriswabutwa kwehĩ?

Emibiri 2:38

Petero mwabwirabo ati, Mubindule emitima yenyũ, muleke ebibi, kandi obuli mundu abatĩsĩbawe omo lĩna lya Yesu Kristo busana nʼeribuyirwa lyʼebibi byenyũ, neryo mwasyabana olũsũnzo lwa Nyamuhanga yo Mũlĩmũ Abũyĩrĩre.

Emibiri 3:19

Neryo ĩnywe mubindule emitima yenyũ mulolaye eyiri Nyamuhanga, ebibi byenyũ bisangulawe,

AbanyaRoma 14:17

Kusangwa obwami bwa Nyamuhanga si mwatsi wʼerirya kutse wʼerĩpũlya, nĩkwa ni butunganene, nʼobuholo, nʼobutseme obo Mũlĩmũ Abũyĩrĩre akaha.

AbanyaRoma 8:2

Kusangwa omugambo wʼOmũlĩmũ oyukatuha engebe busana nʼerimatikana na Kristo Yesu, abirinyibohola oko mugambo wʼebibi nʼowʼoluholo.

1 AbanyaKorinto 15:50

Balĩkyetu, ngabũga nyiti, abʼemĩnyokũ nʼomusasi sibalitoka erisangira Obwami bwa Nyamuhanga; kandi oyukahonda siangatoka erisangira nʼoyutehonda.

1 AbanyaKorinto 2:12

Nĩkwa ĩtwe sitwetangirira ekĩrĩmũ kyʼekihugo, nĩkwa twabiriangirira Omũlĩmũ ogo Nyamuhanga atuma, itwatoka eriminya emyatsi eyo Nyamuhanga abirituha mo lũsũnzo.

1 AbanyaKorinto 6:11

Neryo abandi omo katĩkatĩ kenyũ ko mwanabya mutya; nĩkwa lino ĩnywe mwabĩrĩerĩbwa kwʼebibi, kandi mwabirihigulwa, kandi mwabiriyirwa mo batunganene busana nʼerĩna lyʼomukama Yesu Kristo, nʼomo Mũlĩmũ wa Nyamuhanga wetu.

AbanyaGalatia 6:15

Kusangwa eribana si kindu, kandi eritendibana si kindu. Omwatsi munene nĩ ʼhangika lihya-lihya.

AbanyaEfeso 5:26

iniatoka erihigulayo nʼerĩeryayo ĩnĩamabĩlabyayo omo magetsi, kye kĩnywa kiwe.

1 Petero 1:2

Nyamuhanga Tata, mwabaminya kera nʼeriyisoga nywe. Omũlĩmũ Abũyĩrĩre iniabiribahigula, imwatoka erĩowa Yesu Kristo nʼerĩerĩbwa omo musasi wuwe. Olukogo nʼobuholo bibye nenyũ kutsibu.

1 Petero 3:21

Omwatsi oyo nĩ kĩsosekanĩo kyʼolũbatĩso busana nʼerilama lyenyũ. Erĩbatĩsya sĩ ʼlũsya lyʼemĩtĩndũ yʼomubiri, nĩkwa ni ʼlaga Nyamuhanga omo bunya-mutima bowene, erĩlamĩbwa busana nʼerĩlũbũka lya Yesu Kristo.

1 Yoane 2:29

Mwamabya mũnasĩ Kristo kwʼatunganene, muminye kwʼabosĩ abakakola ebitunganene, babiribya bana ba Nyamuhanga.

1 Yoane 5:1

Oyũkĩkĩrĩraya Yesu kwʼali Kristo, Nyamuhanga abirimubuta, nʼoyo wanzĩre ĩse anzĩre nʼomwana wuwe.