Yoane 3:34 - AMASAKO ABOYTRTRE WA NYAMUHANGA AWAKAHULAWA MO BIBLIA

³⁴ Kusangwa oyo Nyamuhanga abirituma akabũga ebĩnywa bya Nyamuhanga, kusangwa Nyamuhanga sialirengera mundu yʼOmũlĩmũ wuwe.

Nouveau Testament et Psaumes en Ndandi Version 1962

³⁴ Kusangwa oyo Mungu abirituma akabuga ebinywa byoMungu, kusangwa siariha eKirimu molulengo;

Yoane 3:34 Iomraidhean Croise

2 Abami 2:9

Neryo babere babisoka, Elĩya mwabwira Elĩsa ati, Ũbũlaye ekyo nangakukolera, nde nalũsĩbwa ukʼuwe, neryo Elĩsa mwabũga, ati, Kĩsĩ-kĩsĩ nyiti, Erĩgabo lyʼekĩrĩmũ kyawe linyibyeko kabiri.

Esyonyimbo 45:7

Wanzĩre eritunganene, kandi ũkakwa ebibi byʼobusu, Kikaleka Nyamuhanga, ye Nyamuhanga wawe, akayisoga we, Kandi abĩrĩkũtũlĩra kwʼobutseme kwilaba obo akaha abandi.

Ĩsaya 59:21

Nĩkwa ĩngye, Mwami Mukulu, nyiti, Eyĩ ni ndagano yage haguma nabo, Ekĩrĩmũ kyage ekiri ukʼuwe, nʼebĩnywa byage ebyo nabĩrĩhĩra omo buno bwawe, sibyendisyateruka omo buno bwawe, kutse omo buno bwʼabana bawe, kutse omo buno bwʼabitsikulu bawe, Omwami Mukulu atya, erĩtsũka lino nʼerĩhĩka kera na kera.

Abalawĩ 7:35

Erĩ nĩ ʼgabo likahigulawa busana na Harũnĩ, nʼerĩgabo lyʼabagala buwe likahigulawa busana nabo, erĩkalũa omo mahere wʼOmwami Mukulu awakokĩbawa oko muliro, oko kiro ekyo ahĩrabo erikolera Omwami Mukulu ngʼabahererĩ.

Emiganzo 11:25

Neryo Omwami Mukulu mwandagala omo kĩtũ, mwakanĩa naye, neryo mwĩmya oko Mũlĩmũ owamubyako, mwahĩrago oko bakulu makũmĩ alinda; neryo enyũma wʼaho, Omũlĩmũ abere abĩkala kubo, mobaminyerera. Nĩkwa mobataswakola batya.

Matayo 12:18

Lebaya, Omugombe wage oyo nabiriyisoga; Omwanze wage, omutima wage amatsemesĩbwa busana naye. Nasyamũhĩra kʼOmũlĩmũ wage, Naye asyakanganĩa erĩbanza oko bandu bosĩ.

Luka 4:18

Omũlĩmũ wʼOmukama ali kwĩngye, Kusangwa abĩrĩnyĩhakabya erĩtũla Engulu Yowene yʼoko bera, Abirinyituma erĩtũlĩra obwĩranda oko banyegawa, Nʼeriswaha erilangira oko syondĩmatĩme, Eribohola abakanũbĩbawa,

Yoane 1:16

Omo lukogo luwe olũtswagĩre abiritutsumula, iniakatuha olukogo nʼolundi lukogo.

Yoane 15:26

Omugulu Omũwatĩkya asyasa, oyo nasyatuma akalũa ewa Tata, Omũlĩmũ wʼomwatsi wʼekwenene, oyũkalũa uku Tata, akandĩsyatũla omwatsi wage.

Yoane 16:7

Ngababwira omwatsi wʼekwenene nyiti, Lyowene busana nenyũ inagenda, kusangwa namatendigenda, Omũwatĩkya isiendisyabahĩkako. Nĩkwa namagenda nasyabatumiraye.

Yoane 3:17

Kusangwa Nyamuhanga mwatatuma Mugala wuwe omo kihugo eribya Mũtswerĩ wakyo, nĩkwa abye Omũlamya wakyo.

Yoane 5:26

Kusangwa ngoko Tata ni mwenye engebe, litya abiriha Omugala eribya Omwenye engebe.

Yoane 7:16

Yesu mwasũbĩryabo ati, Ebyo ngakangĩrĩraya si byage, nĩkwa ni bya Nyamuhanga oyo wanyituma.

Yoane 8:40

Ĩngye nabiribabwira omwatsi wʼekwenene ogo Nyamuhanga ambwira. Nĩkwa mukasonda-sonda erĩnyĩta. Abrahamũ mwatakola atya!

Yoane 8:47

Omundu wa Nyamuhanga akowa ebĩnywa bya Nyamuhanga. Kusangwa Simuli ba Nyamuhanga, sĩmũlĩowabyo.

Emibiri 1:2

nʼerĩhĩka oko kiro atwalawa endata elubula. Nĩkwa embere wʼeritwalwa liwe endata, mwahana abakwenda abo ayisoga eribya buwe, omo bũtokĩ bwʼOmũlĩmũ Abũyĩrĩre.

Emibiri 10:38

Kandi mũnasĩ Yesu wʼeNazaretĩ, ngoko Nyamuhanga amũtũlĩra Omũlĩmũ Abũyĩrĩre nʼobũtokĩ. Yesu mwalendera ehosĩ akakola ebibuya, nʼerĩlamya abosĩ abanũbĩbawa nʼeSatanĩ, kusangwa Nyamuhanga abya haguma naye.

AbanyaRoma 8:2

Kusangwa omugambo wʼOmũlĩmũ oyukatuha engebe busana nʼerimatikana na Kristo Yesu, abirinyibohola oko mugambo wʼebibi nʼowʼoluholo.

AbanyaEfeso 3:8

Ĩngye indi muke kutsibu omo katĩkatĩ kʼabandu ba Nyamuhanga, nĩkwa omo lukogo luwe Nyamuhanga mwamba omũbĩrĩ gowene oyũ wʼerĩtũlĩra Ebihanda engulu yʼobuteke obũlengĩre, obwa Kristo, nabo bũlabĩre obũlengekanĩa.

AbanyaKolosai 1:19

Kusangwa molyatsemesya Tata, ati Mugala alingirirane naye ndeke, ahĩkane naye.

AbanyaKolosai 2:9

Kusangwa erimatikana na Kristo liwite erĩhĩkana lyosĩ lya Nyamuhanga omo mubiri.

Eribisurirwa 21:6

Kandi mwabũga ati, Byamakoleka! Ĩngye indi Alfa na Omega, erĩtsũka nʼendũlĩ. Oyũkwĩre enyota nasyamuha oko magetsi wʼengũnũnũko yʼamagetsi wʼengebe butsira erigula.

Eribisurirwa 22:1

Kandi omũlaĩka mwanyĩkangya olũsĩ lwʼamagetsi wʼengebe, olũkangabasenĩe ngʼekiyo, olukahuluka omo kĩtũmbĩ kyʼobwami kya Nyamuhanga, nʼekyʼEkyana kyʼEmbũlĩ,