Yoane 3:16 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁶ Kusangwa Nyamuhanga mwanza ekihugo kyʼatya, kyaleka iniaha Mugala wuwe, Ekyusa kiwe, neryo oyũkamwĩkĩrĩraya siahere, nĩkwa abye nʼengebe yʼerikota.

Nouveau Testament et Psaumes en Ndandi Version 1962

¹⁶ Kusangwa Mungu mwanza e kihugo kyatya, kyaleka iniaha Mugala mubutwa muguma wuwe, neryo mundundi amamwikirirya isiendisyahera, nikwa abane engebe yerikota.

Yoane 3:16 Iomraidhean Croise

Enzũko 22:12

Neryo mwamubwira ati, Sũhĩre ebyala byawe oko mũlwana, kutse sumukole kindu, kusangwa lino nyasĩ ngoko ukubaha Nyamuhanga, kusangwa sulitanyikaga mugala wawe, ekyusa kyawe.

Enzũko 22:2

Neryo mwabũga ati, Lino wĩmaye mugala wawe, ekyusa kyawe, oyo wanzĩre, ye Ĩsaka, uyigendere omo kihugo kyʼeMorĩa, umuherereho oko buhere bwʼerĩhĩsĩrĩrya oko kitwa kiguma ekyo nasyakubwira.

Ĩsaya 9:6

Kusangwa omwana asyabutwa busana netu, twasyahabwa omugala, Nʼobutabale bwasyabya oko bitigo biwe. Erĩna liwe lyasyahulwa mo Mũhanĩ Wʼeriswekera. Nyamuhanga Omũtokĩ, Tata Wʼerikota, Omunya-mwami Wʼobuholo.

Matayo 9:13

Nĩkwa mugende mwige ekĩsakĩre kiti, Ngasonda eriganyira, butsira obuhere bwʼesyonyama; kusangwa sinasa eribirikira abatunganene, nĩkwa abakolanabi.

Mariko 12:6

Omwenye eririma oyo abya isiakiri nʼogundi mundu wʼeriswatuma, yo nʼomugala mwanze. Neryo mwasala atuma omugala wuwe oyo oko balĩmĩ abo. Mwabũga ati, Basyasĩkya mugala wage.

Luka 2:14

Olukengerwa uku Nyamuhanga oyuli ahendata kutsibu! Nʼobuholo oko kihugo oko bandu bakamũtsemesaya!

Yoane 1:14

NʼEkĩnywa ekyo mokyabya mundu, naye mwĩkala omo katĩkatĩ ketu. Netu motwalangira olukengerwa luwe ĩloswĩre nʼolukogo nʼekwenene. Olukengerwa olũ lwabya olwa Mugala Ekyusa ekyabutawa na Tata.

Yoane 1:18

Sihali mundu wabilangira Nyamuhanga na kera; nina Nyamuhanga. Ekyusa, oyuli oko kĩkũba kya Tata, yo wabirimũmĩnyĩsya.

Yoane 1:29

Neryo engyakya Yoane mwalangira Yesu akasa aho ali, neryo mwabũga ati, Lebaya, Ekyana kyʼEmbũlĩ kya Nyamuhanga oyũkalũsaya ebibi byʼekihugo!

Yoane 10:28

Nage ngahasyo engebe yʼerikota, kandi nasyo sisyendisyahera na kera, kandi sihali oyo wangatoka erĩpũrasyo omo byala byage.

Yoane 3:15

Neryo Omundundi oyũkamwĩkĩrĩraya abane engebe yʼerikota.

Yoane 3:18

Oyũkĩkĩrĩraya Omugala sialitswerawa, nĩkwa oyũtetĩkĩrĩrya iniamabitswerwa, kusangwa sĩalĩtĩkĩrĩrya oko Mugala, Ekyusa kya Nyamuhanga.

Yoane 3:36

Oyũkĩkĩrĩraya Omugala awite engebe yʼerikota; nĩkwa oyutekenga Omugala siendisyalola oko ngebe, nĩkwa erihitana lya Nyamuhanga lĩmwĩkereko kera na kera.

Yoane 6:40

Kusangwa erianza lya Tata wage lyerĩ ati, Oyukalangira Omugala, akamwĩkĩrĩrya, abane engebe yʼerikota; nage nasyamũlũbũkya oko kiro kyʼenyũma-nyũma.

AbanyaRoma 5:10

Nĩkwa twabya nzĩgũ sya Nyamuhanga, neryo mwatũsanganĩa omo luholo lwa Mugala wuwe; nĩkwa kwilaba aho, kusangwa twabĩrĩsanganĩbwa, twasyalamĩbwa omo ngebe ya Kristo!

AbanyaRoma 5:8

Nĩkwa Nyamuhanga akakangaya olwanzo luwe busana netu, kusangwa omugulu twabya tukine bakola-nabi, Kristo mwatuholera.

AbanyaRoma 8:32

Nyamuhanga mwatabalya Omugala wuwe-wuwe, nĩkwa mwamusiga busana nʼĩtwe bosĩ! Oyo watuha Omugala wuwe, siendisyatuha ebindu byosĩ busana naye kwehĩ?

AbanyaEfeso 2:4

Nĩkwa Nyamuhanga awite eriganyira ĩnene, nʼolwanzo luwe busana netu ni lunene.

2 AbanyaTesalonika 2:16

Neryo Omukama wetu ye Yesu Kristo, na Nyamuhanga Tata wetu, oyo watwanza, nʼerituha busana nʼolukogo luwe erĩsĩbĩkya lyʼerikota nʼamaha mabuya,

Tito 3:4

Nĩkwa omugulu Obugenge bwa Nyamuhanga Omũlamya wetu, nʼolwanzo luwe busana nʼabandu byahuluka,

AbaEbrania 2:9

Nĩkwa tukalangira Yesu, oyo wayirawa mo muke oko bamalaĩka busana nʼakatambĩ kake, iniatoka omo lukogo lwa Nyamuhanga erihola busana nʼabandu bosĩ. Neryo Yesu busana nʼeriagalwa liwe lyʼoluholo, abiribana olukengerwa nʼerĩsĩkya lyʼOmwami.

1 Yoane 3:1

Mulangire ngoko Tata abiritwanza kutsibu, kusangwa tukahulawa mo bana ba Nyamuhanga; ko tune tutya. Busana nʼomwatsi oyũ; ekihugo sĩkĩtwasĩ, kusangwa mokitetaminya Nyamuhanga.

1 Yoane 4:19

Tukanza, kusangwa Nyamuhanga mwatsũka eritwanza.

Eribisurirwa 1:5

kandi bĩkalũa uku Yesu Kristo, omũtũlĩ wʼomwatsi oyuteregula, Omugala, akambere oyo walũbũkĩbawa oko luholo, omũtabalĩ, wʼabami bʼekihugo. Ukwʼoyukatwanza, kandi yo watubohola oko bibi byetu omo musasi wuwe,