Yoane 3:10 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁰ Yesu mwasũbĩrya ati, Uwe uli mũkangĩrĩrya wa Ĩsraelĩ isuliminya emyatsi eyĩ kwehĩ?

Nouveau Testament et Psaumes en Ndandi Version 1962

¹⁰ Yesu mwasubirya mwabuga naye, ati, Uri mukangirirya waIsraeli, isuriminya emyatsi eyi kwehi?

Yoane 3:10 Iomraidhean Croise

1 Emyatsi yʼEmigulu 29:19

uhe mugala wage Solomono omutima ahĩkene, erĩteya ebihano byawe, nʼerĩtũlago lyawe, nʼemigambo yawe, nʼerikola emyatsi yosĩ eyĩ, nʼerĩhĩmba enyũmba nyibuya eyo nabĩrĩtegekanĩrya ebindu.

Esyonyimbo 51:10

Uwe Nyamuhanga, uhangike omutima owene omwisi wage. Kandi ũhĩre ekĩrĩmũ kitunganene omwisi wage.

Esyonyimbo 51:6

Ukasonda omutima owateregula; Ũsũlaye obũlengekanĩa bwage omo menge wawe.

Esyonyimbo 73:1

Kwenene Nyamuhanga ni mubuya oko Ĩsraelĩ, Nʼoko bawite omutima owerĩre!

Ĩsaya 56:10

Abateya ba Ĩsraelĩ nĩ ndĩma-tĩme, abosĩ sĩbasĩ kindu. Abosĩ ni mbwa-mũmũ, sisyetoka erisemba, sikalota sikabundama ahisi, esikanza eriyato.

Ĩsaya 9:16

Kusangwa abakasondola abandu aba bakaleka ibatala. Nʼabakasondolawa nabo babĩrĩlĩbanĩbwa.

Yeremĩa 31:33

Omwami Mukulu ati, Nĩkwa endagane yeyĩ, eyo nasyayira nʼekĩtũnga kya Ĩsraelĩ enyũma wʼebiro ebyo. Nasyahĩra omugambo wage omwisi syabo, nʼomo mutima wabo nasyasakago. Nage nasyabya Nyamuhanga wabo, nabo basyabya bandu bage.

Ezekĩelĩ 11:19

Nage nasyahabo omutima muguma, nasyahĩra ekĩrĩmũ kihya-kihya omwisi wabo. Kandi nasyalũsya omo mubiri wabo omutima wʼerĩbwe, nasyahabo omutima wʼomubiri,

Matayo 11:25

Oko mugulu oyo Yesu mwasũbĩrya ati, Ngakupipa uwe Tata, Omukama wʼolubula nʼekihugo! Kandi wabĩrĩbĩsa emyatsi eyĩ oko bʼamenge nʼabʼeriminya, nĩkwa wabĩrĩbĩsũlĩrayo oko bana balere.

Matayo 15:14

Mulekebo, ni basondolĩ ndĩmatĩme bʼabandu ndĩmatĩme. Omundu ndĩmatĩme amasondola ogundi mundu ndĩmatĩme, ababiri bosĩbasyatogera omo buhya.

Matayo 22:29

Nĩkwa Yesu mwasũbĩryabo ati, Mukatala, sĩmwasĩ Amasako, kutse amaka wa Nyamuhanga.

Luka 2:46

Neryo enyũma wʼebiro bisatu mobamweya omo Hekalũ, ĩnĩanĩkere omo katĩkatĩ kʼabakangĩrĩrya erihulikirira nʼerĩbũlyabo emyatsi.

Luka 5:17

Neryo ekiro kiguma Yesu abya akakangĩrĩrya, mohabya Abafarĩsayo nʼabakangĩrĩrya bʼEmigambo ĩbĩkereho, ĩbakalũa omo buli mũyĩ wʼeGalĩlaya nʼeYũdea nʼeYerũsalema. Kandi obũtokĩ bwʼomukama bwabya haguma na Yesu erĩlamyabo.

Yoane 3:9

Neryo Nĩkodemo mwamũsũbĩrya nʼerĩmũbũlya ati, Kwʼemyatsi eyĩ yangabya iti kwehĩ?

Emibiri 5:34

Nĩkwa Omũfarĩsayo muguma oyukahulawa mo Gamalĩelĩ, omũkangĩrĩrya wʼEmigambo, iniakakengawa nʼabandu bosĩ, mwahangana omwʼĩbũgĩro, mwahamula ati abakwenda bahĩrawe eyĩhya yo hake.

AbanyaRoma 2:28

Kusangwa omundu sĩ Mũyũda busana nʼomubiri, kutse erĩbanĩbwa si ryʼomubiri.

Eryibuka Ebihano 10:16

Neryo mũbanaye engoba yʼomutima wenyũ, kandi simuswebya nʼengoto itegonda.

Eryibuka Ebihano 30:6

Kandi Omwami Mukulu Nyamuhanga wenyũ asyabanĩa emitima yenyũ, nʼemitima yʼabana benyũ erianza Omwami Mukulu Nyamuhanga wenyũ nʼomutima wenyũ gosĩ, nʼekĩrĩmũ kyenyũ kyosĩ, imwatoka eribyaho.

AbanyaFilipi 3:3

Kusangwa ĩtwebene tuli bʼeribana lyʼekwenene, tũkaramaya Nyamuhanga omo Mũlĩmũ wuwe, kandi tũkayĩsyandira omwisi wa Kristo Yesu. Situliyiketera emyatsi yʼomubiri.

AbanyaKolosai 2:11

Erimatikana na Kristo mwabanĩbawa, butsira eribana eryo bandu bakayira, nĩkwa omwʼibana eryo Kristo akakola eribohola omundu oko maka wʼomubiri.