Yoane 2:4 - AMASAKO ABOYTRTRE WA NYAMUHANGA AWAKAHULAWA MO BIBLIA

⁴ Neryo Yesu mwabũga naye ati, Mugole, siritolere ukambwira ebyo nangakola, endambĩ yage siriyahĩka.

Nouveau Testament et Psaumes en Ndandi Version 1962

⁴ Yesu mwabuga naye ati, Indi naki kyerikola nawe kwehi? Endambi yage siriyahika.

Yoane 2:4 Iomraidhean Croise

2 Samwelĩ 16:10

Nʼomwami mwabũga ati, Nyiwite mwatsi wahi nenyũ ĩnywe bagala ba Zerũya kwehĩ? Amatsuma, kandi Omwami Mukulu amabya abirimubwira ati, Tsuma Dawĩdĩ; neryo nindi wasyabũga ati, Wamakola utya busana nakĩ kwehĩ?

2 Samwelĩ 19:22

Neryo Dawĩdĩ mwabũga ati, ko ngandikolakĩ nenyũ ĩnywe bagala ba Zerũya, muti mũnabwĩre mukabya nzĩgũ syage kwehĩ? Hane oyo wangĩtwa omo Ĩsraelĩ mũnabwĩre kwehĩ? Kusangwa Sĩnyasĩ ko ndi mwami wa Ĩsraelĩ mũnabwĩre kwehĩ?

1 Abami 17:18

Neryo omũkalĩ mwabwira Elĩya ati, Uwe mundu wa Nyamuhanga, nĩkĩ omo katĩkatĩ ketu tunawe kwehĩ? Wabiriasa erireta erĩyĩbũkya ebibi byage, nʼerĩĩta mugala wage!

Omũgambũlĩ 3:1

Kusangwa hali ekirimo busana nʼobuli kindu, nʼomugulu busana nʼobuli mwatsi eyĩkwa oko bũtũkũ—

Matayo 15:28

Neryo Yesu mwasũbĩrya ati, Uwe mũkalĩ, erĩkĩrĩrya lyawe nĩ rĩnene! Ebyo wanzĩre bikolawe busana nawe. Neryo mwali wuwe mwalamĩbwa oko ndambĩ eyo.

Matayo 8:29

Neryo lebaya, abandu abo mobalaka bati, Tuli na mwatsi wahi nawe, uwe Mugala wa Nyamuhanga, kwehĩ? Ũkahĩka hano erĩtwagalya embere wʼomugulu kwehĩ?

Luka 2:49

Naye mwasũbĩryabo ati, Ko busana nakĩ mwabya mukanyisonda-sondya kwehĩ? Simwabya mwasĩ ngoko lyabya litolere inabya omo nyũmba ya Tata wage kwehĩ?

Yoane 12:23

Neryo Yesu mwasũbĩryabo ati, Endambĩ yabĩrĩhĩka, Omugala wʼOmundu ahabawe olukengerwa.

Yoane 13:1

Nĩkwa embere wʼEbiro Bikulu byʼErikiruka, Yesu mwaminya kwʼendambĩ yiwe yamabĩhĩka eyʼerĩlũa omo kihugo kino, nʼeriya eyiri Ĩse. Abya iniabirianza abuwe ababya omo kihugo, kandi mwanzabo erĩhĩka oko ndũlĩ.

Yoane 2:3

Neryo omugulu ebĩnyũ byosĩea byahwa, nyĩnya wa Yesu mwamubwira ati, Sibawite bĩnyũ.

Yoane 20:13

Nabo mobamũbũlya bati, Mũkalĩ, busana nakĩ ukalira kwehĩ? Naye mwabwirabo ati, Kusangwa batwere Omukama wage, nage Sĩnyasĩ aho bamũhĩrĩre.

Yoane 20:15

Yesu mwamũbũlya ati, Mũkalĩ, ukalira busana nakĩ kwehĩ? Ukasonda-sondayandi kwehĩ? Naye mwaganĩrya ati yo mũlĩmĩ wʼeririma, mwamubwira ati, Mukama, wamabya ini we wamutwere ehandi, unyibwire aho wamũhĩrĩre, nage ngandimutwala.

Yoane 7:30

Neryo mobasonda-sonda erimuhamba, nĩkwa mohatabya mundu oyo wamũhĩra kwʼebyala, kusangwa endambĩ yiwe ĩsĩrĩyahĩka.

Yoane 7:6

Neryo Yesu mwabũga nabo ati, Endambĩ yage siriyahĩka, nĩkwa endambĩ yenyũ ĩkahĩka emigulu yosĩ.

Yoane 7:8

Ĩnywe muye oko biro bikulu ebyo. Sindiendisyaya oko biro bikulu ebĩ, kusangwa endambĩ yage siyeyaberwa.

Yoane 8:20

Yesu mwabũga ebĩnywa ebĩ omo Hekalũ omo kyumba aho babya bakabika esyofranka syʼekĩbo. Kandi sihabya mundu wamuhamba, kusangwa endambĩ yiwe ĩsĩrĩyahĩka.

2 AbanyaKorinto 5:16

Nĩkwa lino sitweganza omundu ngoko bandu bʼomubiri bakaganza. Kandi nomo twangaganza Kristo ngʼabandu bʼomubiri ko bakaganza, nĩkwa lino sitwesyamuganza tutya.

Eryibuka Ebihano 33:9

Oyo wabũga busana nʼĩse wuwe na nyĩnya wuwe, ati mondaganĩryabo; Kutse mwatakenga bagala babo, Kutse mwatasamalira bagala buwe. Kusangwa babirikwamirira ekĩnywa kyawe, Mobateya endagano yawe.