Yoane 2:11 - AMASAKO ABOYTRTRE WA NYAMUHANGA AWAKAHULAWA MO BIBLIA

¹¹ Yesu akola enzũko eyĩ yʼebitikotiko eKana yʼeGalĩlaya. Kandi mwamĩnyĩsya olukengerwa luwe, nʼabiga buwe mobamwĩkĩrĩrya.

Nouveau Testament et Psaumes en Ndandi Version 1962

¹¹ Eri tsuka eri ryebitikotiko Yesu mwakola eKana ya Galilaya, mwaminyisya olukengerwa luwe; nabiga biwe mobamwi kirirya.

Yoane 2:11 Iomraidhean Croise

1 Abami 17:24

Nʼomũkalĩ mwabwira Elĩya ati, Lino namaminya kʼuli mundu wa Nyamuhanga, kandi kwʼekĩnywa kyʼOmwami Mukulu omo buno bwawe ni kwenene.

Esyonyimbo 72:19

Mupipe erĩna liwe lyʼolukengerwa kera na kera, Nʼolukengerwa luwe lũsũlaye ekihugo kyosĩ! Amina! Amina!

Esyonyimbo 96:3

Erĩtũla omwatsi wʼolukengerwa luwe oko bihanda, Nʼemĩbĩrĩ yiwe yʼamaka oko bandu bosĩ.

Erĩlũayo 14:31

NʼAbaĩsraelĩ mobalangira omũbĩrĩ munene ogo Mwami Mukulu akola oko Banya Mĩsĩrĩ, nʼabandu mobubaha Omwami Mukulu; mobĩkĩrĩrya Omwami Mukulu nʼomugombe wuwe Musa.

Erĩlũayo 4:9

Neryo basyabya bamatendĩkĩrĩrya ebiminyikalo bibiri ebĩ, kutse erĩowa ebyo ũkabũga, wasyĩmya amagetsi wʼomo lũsĩ lwʼeNĩlĩ, nʼerĩũtago oko kitaka kyũmĩre; nʼamagetsi ago gulyateha omo lũsĩ lwʼeNĩlĩ asyahinduka musasi oko kitaka kyũmĩre.

Omũgambũlĩ 9:7

Neryo ugende, ulye akalyo kawe nʼobutseme, nʼerĩpũlya ebĩnyũ byawe nʼomutima wʼeritsanga, kusangwa Nyamuhanga abĩrĩsĩma emĩbĩrĩ yawe.

Ĩsaya 40:5

Neryo olukengerwa lwʼOmwami Mukulu lwasyabĩsũlwa, Nʼemibiri yosĩ yasyalangiralo haguma; Kusangwa obuno bwʼomwami Mukulu bwabĩrĩbũga.

Malakĩ 2:2

Mwamatĩndĩowa, mukatindabikalyo omo mutima, eriha erĩsĩkya oko lĩna lyage, Omwami Mukulu Wʼemilondo atya, neryo nasyabatumira eritakira, kandi nasyatakira emĩyĩsa yenyũ; kandi kwenene, nabiritakirayo, kusangwa simwetabikalyo omo mutima.

Yoane 1:14

NʼEkĩnywa ekyo mokyabya mundu, naye mwĩkala omo katĩkatĩ ketu. Netu motwalangira olukengerwa luwe ĩloswĩre nʼolukogo nʼekwenene. Olukengerwa olũ lwabya olwa Mugala Ekyusa ekyabutawa na Tata.

Yoane 1:17

Kusangwa Nyamuhanga mwaha Musa Emigambo, nĩkwa olukogo nʼekwenene, Yesu Kristo yo waletabyo.

Yoane 1:43

Kandi engyakya Yesu mwasonda eriya eGalĩlaya. Neryo Yesu mweya Fĩlĩpo, mwamubwira ati, Unyikwame.

Yoane 1:50

Yesu mwamũsũbĩrya ati, Ukĩkĩrĩraya kusangwa nakubwira nyiti, Mongakulangira omo ndĩna yʼomuti wʼomũtĩnĩ kwehĩ? Wasyalangira emyatsi minene ũkwʼeyĩ

Yoane 10:41

Kandi abandu bangi mobamũhĩkako, mobabũga bati, Yoane mwatakola ekitiko-tiko, nĩkwa emyatsi yosĩ ahula busana nʼomundu oyũ, yabya ya kwenene.

Yoane 11:15

Nage namatsema busana nenyũ kusangwa sinabyayo, imwatoka erĩkĩrĩrya. Nĩkwa tuye eyo ali.

Yoane 11:47

Neryo abahererĩ bakulu nʼAbafarĩsayo mobahĩndanĩa erĩbũgĩro, mobabũga bati, Tuyire tuti kwehĩ? Kusangwa omundu oyũ akakola ebitiko-tiko bingi.

Yoane 12:18

Kyaleka endeko eyo ĩyahĩndana na Yesu, kusangwa bowa kwʼakola ekitiko-tiko ekĩ.

Yoane 12:37

Nĩkwa nomo anakola ebitiko-tiko bingi embere wabo, mobatamwĩkĩrĩrya.

Yoane 12:41

Ĩsaya mwabũga emyatsi eyĩ kusangwa mwalangira olukengerwa lwa Yesu, kandi mwamwahula.

Yoane 14:13

Kandi nasyakola obuli mwatsi ogo mwasyabũlya omo lĩna lyage, Tata apipawe umu Mugala.

Yoane 16:27

kusangwa ye Tata abanzĩre. Abanzĩre kusangwa mũnyanzĩre, kandi kusangwa mwabĩrĩkĩrĩrya ko nalũa ewa Nyamuhanga.

Yoane 16:30

Lino tũnasĩ ko wasĩ emyatsi yosĩ, kandi, suli nʼobwaga omundu akakũbũlya mwatsi. Ekĩ kikaleka ĩtwĩkĩrĩrya ko walũa uku Nyamuhanga.

Yoane 2:1

Enyũma wʼebiro bisatu habya erĩherũkya omo mũyĩ wʼeKana yʼeGalĩlaya, kandi nyĩnya wa Yesu abyaho.

Yoane 2:23

Omugulu Yesu abya eYerũsalema okwʼĨkiruka, omo biro bikulu ebyo, abangi mobamwĩkĩrĩrya, ibakalangira emĩbĩrĩ ĩkalĩre eyo akola.

Yoane 3:2

Omundu oyo mwasa uku Yesu omo kiro, ati, Mũkangĩrĩrya, tũnasĩ kʼuli mũkangĩrĩrya oyo walũa ewa Nyamuhanga. Kusangwa sihali mundu oyo wangatoka erikola ebitiko-tiko ebyo ukakola, Nyamuhanga ate haguma naye.

Yoane 4:3

Yesu mwalũa eYũdea mwaswaya eGalĩlaya.

Yoane 4:46

Neryo Yesu mwaya kandi eKana yʼeGalĩlaya, aho abindulira amagetsi mo bĩnyũ. Nĩkwa eKapernaũma habya omũtabalĩ muguma, nʼomugala wuwe abya alwere.

Yoane 4:54

Ekĩ ni kitiko-tiko kyʼakabiri ekyo Yesu akola abĩlũa eYũdea akaya eGalĩlaya.

Yoane 5:23

Neryo abosĩ batoke erĩsĩkya Omugala, ngoko bakasĩkaya Tata. Oyũtesĩkaya Omugala, sĩalĩsĩkaya Tata oyo wamutuma.

Yoane 6:14

Neryo abandu babere balangira ekitiko-tiko ekyo Yesu akola, mobabũga bati, Kwenene oyũ nĩ Mũmĩnyererĩ oyo wasyasa omo kihugo!

Yoane 6:2

Nʼendeko nene moyamukwama, kusangwa balangira ebitiko-tiko ebyo abya akakolera abakonĩ.

Yoane 6:26

Yesu mwasũbĩryabo ati, Kwenene, kwenene ngabũga nenyũ, mukanyĩsondaya kusangwa mwalya oko mandu, momũgũta, si busana nʼerilangira ebitiko-tiko.

Yoane 6:30

Neryo mobamũbũlya bati, Wangakolakĩ mo kitiko-tiko neryo tulangirekyo, nerĩkwĩkĩrĩrya kwehĩ? Ukakola omũbĩrĩ wahi kwehĩ?

Yoane 7:31

Nĩkwa abangi bʼomo ndeko mobamwĩkĩrĩrya bati, Ekiro Kristo asyasa asyakola ebitiko-tiko bingi kwilaba ebyo mundu oyũ akakola kwehĩ?

Yoane 9:16

Abandi bʼoko Bafarĩsayo mobabũga bati, Omundu oyo wakola ekĩ si wa Nyamuhanga, kusangwa sĩalĩowa omugambo wʼeSabato. Abandi bati, Ko mundu mukola-nabi angakola emĩbĩrĩ ĩkalĩre ngʼeyĩ yo ati kwehĩ? Neryo mohabya erigabana omo katĩkatĩ kabo.

2 AbanyaKorinto 3:18

Neryo kusangwa situwite ekitambara oko bũsũ bwetu, tũkakanganaya ngʼomo kiyo olukengerwa lwʼOmukama. Kandi busana nʼolukengerwa luwe tũkahĩndũkĩbawa omo kĩsosekanĩo kiwe omo lukengerwa luwe, kusangwa lũkalũa oko Mukama oyuli Mũlĩmũ.

2 AbanyaKorinto 4:17

Kusangwa obũlĩge obũ bwangũhĩre, nĩ bwʼakatambĩ kake, bwasyatuletera olukengerwa lwʼerikota, olũlabĩre olulengo.

2 AbanyaKorinto 4:6

Kusangwa Nyamuhanga oyo wabũga ati, Ekyakakala kĩkoleraye omo mwĩrĩmya, ni iye abĩrĩkolerya omo mitima yetu nʼerituha ekyakakala kyʼeriminya olukengerwa lwa Nyamuhanga oluli omo bũsũ bwa Kristo.

Eryibuka Ebihano 5:24

Neryo momwabũga muti, Talebaya, Omwami Mukulu Nyamuhanga wetu abĩrĩtũkangya olukengerwa luwe nʼobukulu buwe, kandi twabĩrĩowa omulenge wuwe akalũa omo katĩ kʼomuliro; twabirilangira mũnabwĩre ko Nyamuhanga akabũga nʼomundu, nĩkwa iniatahola.

1 Yoane 5:13

Ngabasakira emyatsi eyĩ, ĩnywe mwĩkĩrĩrye omo lĩna lyʼomugala wa Nyamuhanga, imwatoka eriminya ko muwite engebe yʼerikota.