Yoane 19:6 - AMASAKO ABOYTRTRE WA NYAMUHANGA AWAKAHULAWA MO BIBLIA

⁶ Neryo omugulu abahererĩ bakulu nʼabateya balola uku Yesu mobabirikira bati, Abambawe oko musalaba! Abambawe oko musalaba! Neryo Pilato mwabwirabo ati, Mũmwĩmaye ĩmwebene, mumubambe oko musalaba, Ĩngye sinditamubana ko musango.

Nouveau Testament et Psaumes en Ndandi Version 1962

⁶ Neryo omugulu abahereri bakulu nabalima babere bamulo lako, mobabugira igumaguma, bati, Umubambe oko muti, umubambe oko muti; Pilato mwabuga nabo ati, mumwimaye imwebene, mumubambe oko muti: kusangwa ingye sindita mubana kwekibi ekyerimwitira.

Yoane 19:6 Iomraidhean Croise

Matayo 26:58

Nĩkwa Petero mwamukwama enyũma inianayĩsũnĩre, mwahĩka oko muhana gʼomukulu wʼabahererĩ bosĩ. Neryo Petero mwingira omo muhana, mwĩkala nʼabateya erilangira endũlĩ yʼomwatsi.

Matayo 27:22

Neryo Pilato mwabũga ati, Nyĩkolekĩ na Yesu oyukahulawa mo Kristo kwehĩ? Abosĩ mobabũga bati, Abambawe oko musalaba!

Matayo 27:24

Neryo Pilato abere alangira kwʼamalemerwa nʼomwatsi, nĩkwa omwaga kwʼamatsũka, mwĩmya amagetsi mwanaba oko byala embere syʼendeko ati, Sindi kʼomusango wʼomusasi wʼomundu oyũ! Olũ nĩ lwenyũ!

Luka 23:4

Neryo Pilato mwabwira abahererĩ bakulu nʼesyondeko ati, Sinditabana oko mundu oyũ ko musango.

Yoane 18:3

Neryo Yũda mwaya omwʼirima eryo nʼomulondo wʼekisambala kyʼAbaroma ekyo ahabawa, haguma nʼabateya abatumawa nʼabahererĩ bakulu nʼAbafarĩsayo. Kandi mobahĩka ĩbanahekĩre esyotala, nʼebisosomole, nʼebindu byʼamalwa.

Yoane 18:31

Pilato mwabwirabo ati, Mũmwĩmaye ĩmwebene, mumutswere omo migambo yenyũ. Abayũda mobamubwira bati, Situwite hamũlĩ yʼerĩĩta omundu nʼomuguma.

Yoane 18:38

Pilato mwabũlya Yesu ati, Omwatsi wʼekwenene nĩkĩ kwehĩ? Pilato abere abũga atya, mwahulukira eyĩhya ahali Abayũda, mwabwirabo ati, Ĩngye sinditamubana ko musango.

Yoane 19:15

Nabo mobatsumira bati, Ĩtawe! Ĩtawe! Abambawe oko musalaba! Neryo Pilato mwabũlyabo ati, Nyibambe omwami wenyũ yʼoko musalaba kwehĩ? Abahererĩ bakulu mobasũbĩrya bati, Situwite mwami nina Kaĩsarĩ ĩyowene.

Yoane 19:4

Neryo Pilato mwaswahulukira eyĩhya, mwabwira endeko ati, Mũlebaye, ngabaleteraye, imwatoka eriminya ko ndetamubana ko musango.

Emibiri 2:23

Nyamuhanga abya asĩ, kandi mwategekanĩa ati, Yesu ahĩrawe omo byala byenyũ, kandi ĩnywe momwamwĩta, imukaleka abandu babi ibamukongomerera oko musalaba.

Emibiri 7:52

Nindi oko bamĩnyererĩ oyo aboso-kulu wenyũ batendereraya kwehĩ? Kandi mobĩta abakwenda abatũla omwatsi wʼerĩhĩka lyʼOyutunganene. Na lino ĩnywe mwabirihotera oyo nʼerĩmwĩta.