Yoane 18:4 - AMASAKO ABOYTRTRE WA NYAMUHANGA AWAKAHULAWA MO BIBLIA

⁴ Neryo Yesu abya asĩ emyatsi yosĩ eyikandĩmũhĩkako, neryo mwahuluka mwabũlyabo ati, Mukasonda-sondandi kwehĩ?

Nouveau Testament et Psaumes en Ndandi Version 1962

⁴ Neryo Yesu, inianasi emyatsi ikandimuhikako yosi, mwahuluka, mwa bulyabo, ati, Mukasondandi kwehi?

Yoane 18:4 Iomraidhean Croise

1 Abami 18:10

Ngoko Mwami Mukulu Nyamuhanga wawe aneho, sihali ekihanda kutse bwami aho mukama atetatuma erikũsondya; nʼomugulu babũga bati, Siali hano, mwalahĩrĩrya obwami obo nʼekihanda ekyo, bati sibetakubana.

Nehemĩa 6:11

Nage monabũga nyiti, Omundu oyuli nga ngye anganatibita kwehĩ? Nindi, oyo wangabya nga ngye, oyo wangaya omo Hekalũ erĩlamya engebe yiwe kwehĩ? Sindiendingira.

Esyonyimbo 27:3

Nomo mulondo wʼabandu anganyĩtĩmbako Omutima wage siendisyubaha; Nomo amalwa anganyibambira, Ngandisyayiketera Nyamuhanga.

Esyonyimbo 3:6

Sindiendiubaha esyonzĩgũ elfu ĩkũmĩ Abakanyĩtĩmbako nʼerinyibambira.

Emĩsyo 28:1

Ababi bakatibita omugulu hate mundu ũkwamĩrebo; Nĩkwa abatunganene bawite obũbangĩ ngʼendale.

Matayo 16:21

Erĩtsũka omugulu oyo Yesu Kristo mwatsũka erĩkangya abiga buwe kwʼatolere eriya eYerũsalema, nʼerĩagalĩbwa omo myatsi mingi nʼabakulu, nʼoko bahererĩ bakulu, nʼabakangĩrĩrya bʼEmigambo, nʼerĩĩtwa, nʼerĩlũbũkĩbwa enyũma wʼebiro bisatu.

Matayo 26:2

Mũnasĩ enyũma wʼebiro bibiri Erikiruka lĩkahĩka, nʼomugala wʼomundu asyahoterwa busana nʼeribambwa oko musalaba.

Matayo 26:21

Neryo babere bakalya, Yesu mwabũga ati, Kwenene ngabũga nenyũ, omuguma wʼũkwʼĩnywe akandinyihotera.

Matayo 26:31

Neryo Yesu mwabwirabo ati, Ĩnywe bosĩ mukandinyitswako oko kiro ekĩ, kusangwa amasako ati, Nyamuhanga asyaswĩrya omũlĩsya, nʼesyombũlĩ syʼomo kĩhyo syasyapanzikana.

Luka 24:44

Neryo Yesu mwabwirabo ati, Ebĩ bye bĩnywa nababwira nyikine haguma nenyũ; emyatsi yosĩ eyasakawa busana nage omo Migambo ya Musa nʼebitabu byʼabamĩnyererĩ nʼomo Syonyimbo, yabya itolere iyabererera.

Yoane 13:1

Nĩkwa embere wʼEbiro Bikulu byʼErikiruka, Yesu mwaminya kwʼendambĩ yiwe yamabĩhĩka eyʼerĩlũa omo kihugo kino, nʼeriya eyiri Ĩse. Abya iniabirianza abuwe ababya omo kihugo, kandi mwanzabo erĩhĩka oko ndũlĩ.

Yoane 13:11

Kusangwa Yesu abya asĩ oyukandisyamuhotera. Kyaleka ĩnĩabũga ati, Sĩmwerĩre ĩnywe bosĩ.

Yoane 18:5

Mobamũsũbĩrya bati, Yesu Omũnazaretĩ. Neryo Yesu mwabwirabo ati, Nĩ ĩngye! Neryo Yũda oyo wamuhotera, abya iniahangeneho haguma nabo.

Yoane 18:7

Kandi Yesu mwabũlyabo ati, Mukasondasondandi kwehĩ? Nabo bati, Yesu Omũnazaretĩ.

Yoane 19:28

Neryo enyũma wʼaho Yesu ĩnĩanasĩ kwʼemyatsi yosĩ yamabihwa, Amasako abererere, mwabũga ati, Nyĩkwĩre enyota.

Yoane 6:64

Nĩkwa hali abandi omo katĩkatĩ kenyũ abatĩkĩrĩraya. Kusangwa Yesu abya asĩ erĩmbere nga ni bahi abatĩkĩrĩrye, nʼoyo wasyamuhotera.

Emibiri 2:28

Wabĩrĩnyĩmĩnyĩsya esyonzira syʼengebe, Kandi embere syawe Wasyanyĩgũlya nʼobutseme.

1 Petero 4:1

Neryo kusangwa Kristo abiriagalwa omo mubiri, nenyũ nibya mũyĩsũnze obũlengekanĩa obo, kusangwa oyukagalawa omo mubiri abĩrĩũmbya oko bibi.