Yoane 17:8 - AMASAKO ABOYTRTRE WA NYAMUHANGA AWAKAHULAWA MO BIBLIA

⁸ Kusangwa ebĩnywa ebyo wamba nabirihabyobo, kandi babiriangirirabyo, baririminya kwenene ko nalũa ewawe, kandi mobĩkĩrĩrya ko wanyituma.

Nouveau Testament et Psaumes en Ndandi Version 1962

⁸ kusangwa ebinywa ebyo wamba nabirihabyobo; babiriimyabyo, babiri minya kwenene ko nalwa ewawe, mobikirirya ko wanyituma.

Yoane 17:8 Iomraidhean Croise

Emĩsyo 1:23

Mubinduke okwʼikunga lyage. Lebaya, nasyabũtũlĩra ekĩrĩmũ kyage; Nasyabamĩnyĩsya ebĩnywa byage.

Emĩsyo 1:3

Busana nʼeriangirira erĩkangĩrĩrya lyʼamenge, Omo litunganene nʼomwʼĩbanza lyʼekwenene;

Emĩsyo 2:1

Mugala wage, wamalĩga eriangirira ebĩnywa byage, Nʼeriyibikira amahano wage haguma nawe;

Emĩsyo 4:10

Gowe, uwe mugala wage, wangirire emĩbũge yage; Nʼemĩtũta yʼengebe yawe yasyabya mingi.

Emĩsyo 8:10

Mwangirire erĩkangĩrĩrya lyage butsira ebĩtsĩpa; Nʼeriminya kwilaba esyamagetsi esĩyĩsogĩrwe.

Matayo 13:11

Neryo Yesu mwasũbĩryabo ati, Ĩnywe mwabirihabwa eriminya erĩkũmbo lyʼobwami bwʼelubula, nĩkwa abandi sibetahabwa eriminyalyo.

Yoane 12:49

Kusangwa mondabũga omwʼiyihana lyage, nĩkwa Tata oyo wanyituma abirinyihana ebyo nangabũga nʼebyo nangatũla.

Yoane 14:10

Fĩlĩpo, sũlĩkĩrĩraya ko nyimatikene na Tata, na Tata kwʼamatikene ũkwʼĩngye kwehĩ? Ebĩnywa ngababwira sĩndĩbũgabyo omwʼiyihana lyage. Nĩkwa Tata oyumatikene nage akakola emĩbĩrĩ yiwe.

Yoane 15:15

Sindibahula kandi mo bagombe kusangwa omugombe sialiminya ebyo mukama wuwe akakola. Nĩkwa ngabahula mo bĩra, kusangwa nabĩrĩbamĩnyĩsya emyatsi yosĩ eyo ngowa uku Tata wage.

Yoane 16:27

kusangwa ye Tata abanzĩre. Abanzĩre kusangwa mũnyanzĩre, kandi kusangwa mwabĩrĩkĩrĩrya ko nalũa ewa Nyamuhanga.

Yoane 16:30

Lino tũnasĩ ko wasĩ emyatsi yosĩ, kandi, suli nʼobwaga omundu akakũbũlya mwatsi. Ekĩ kikaleka ĩtwĩkĩrĩrya ko walũa uku Nyamuhanga.

Yoane 17:14

Monahabo ekĩnywa kyawe, nʼekihugo mokyakwabo obusu, kusangwa si bʼekihugo, ngoko nyite wʼekihugo.

Yoane 17:18

Monatumabo omo kihugo, ngoko wanyituma omo kihugo.

Yoane 17:21

Ngasaba nyiti abosĩ babye muguma. Uwe Tata! Nyiti, bamatikane ũkwʼĩtwe, ngoko umatikene kwĩngye, kandi nage nyimatikene ukʼuwe, neryo ekihugo kĩkĩrĩraye kʼuli inina we wanyituma.

Yoane 17:23

Ĩngye nyimatikene kubo, nawe umatikene ũkwʼĩngye, nabo bahĩkane omo buguma, neryo ekihugo kiminye kʼuli inina we wanyituma, kandi wabirianzabo, ngoko wabirinyanza.

Yoane 17:3

Neryo eyĩ ni ngebe yʼerikota, abandu bakuminye, uwe Nyamuhanga muguma wʼekwenene, nʼeriminya Yesu Kristo, oyo watuma.

Yoane 3:17

Kusangwa Nyamuhanga mwatatuma Mugala wuwe omo kihugo eribya Mũtswerĩ wakyo, nĩkwa abye Omũlamya wakyo.

Yoane 3:33

Oyũkalĩga erĩtũlago liwe, akakangaya ngoko Nyamuhanga ni kwenene.

Yoane 6:68

Sĩmonĩ Petero mwamũsũbĩrya ati, Mukama, twasyaya ukundi kwehĩ? Uwe uwite ebĩnywa byʼengebe yʼerikota.

Yoane 8:42

Yesu mwabwirabo ati, Kumbe Nyamuhanga ni Tata wenyũ, nga mũnyanzĩre; kusangwa nahuluka ngalũa ewa Nyamuhanga, kusangwa mondasa nʼehamũlĩ yage, iye yo wanyituma.

1 AbanyaKorinto 11:23

Kusangwa ebyo Mukama anyĩkangĩrĩraya bye nʼebyo nabĩrĩbakangĩrĩrya nyiti, Omukama Yesu omo kiro ahoterawa mwĩmya obundu;

1 AbanyaKorinto 15:1

Neryo balĩkyetu, ngabamĩnyĩsaya Engulu Yowene eyo nabatũlĩra. Nenyũ momwangirirayo, kandi muhangane muyo mo ndeke.

Eryibuka Ebihano 18:18

Nasyahanganĩryabo omũmĩnyererĩ oyuli nga we omo katĩkatĩ kʼabagala babo; kandi nasyahĩra ebĩnywa byage omo buno buwe, naye asyabwirabo ebyosĩ ngamuhana.

1 AbanyaTesalonika 2:13

Kandi busana nʼomwatsi oyũ, tukaha Nyamuhanga yʼewasĩngya emigulu yosĩ. Tuti, omugulu twabaletera ekĩnywa kya Nyamuhanga, momũtowakyo nʼeriangirirakyo ngʼekĩnywa kyʼabandu, nĩkwa ngoko kiri kwenene, ekĩnywa kya Nyamuhanga. Kusangwa ni Nyamuhanga oyukakola omo katĩkatĩ kenyũ ĩnywe mũkĩkĩrĩraya.

1 AbanyaTesalonika 4:1

Neryo balĩkyetu, momwiga ũkwʼĩtwe ngoko mutolere erirendera nʼerĩtsemesya Nyamuhanga. Nenyũ mukanakola mutya. Nĩkwa lino tũkababũlaya, nʼeribalemba-lemba busana nʼOmukama Yesu, tuti mukole kwilaba aho.

1 Yoane 4:14

Netu twabirilangira, kandi tũkatũlago ko Tata abirituma Mugala wuwe eribya Mũlamya wʼekihugo.

Eribisurirwa 1:1

Omo kitabu ekĩ mũsakĩre emyatsi eyo Yesu Kristo abĩsũla. Erĩbĩsũla erĩ Nyamuhanga amuhalyo erĩkũmbũlĩra abagombe buwe emyatsi eyikandisyabya lũba. Kristo mwamĩnyĩsya emyatsi eyĩ uku Yoane omugombe wuwe iniakamutumira omũlaĩka wuwe.