Yoane 17:3 - AMASAKO ABOYTRTRE WA NYAMUHANGA AWAKAHULAWA MO BIBLIA

³ Neryo eyĩ ni ngebe yʼerikota, abandu bakuminye, uwe Nyamuhanga muguma wʼekwenene, nʼeriminya Yesu Kristo, oyo watuma.

Nouveau Testament et Psaumes en Ndandi Version 1962

³ Eyi ni ngebe yerikota, bakuminye we Mungu muguma wekwenene, noyo watuma, Yesu Kristo.

Yoane 17:3 Iomraidhean Croise

1 Emyatsi yʼEmigulu 28:9

Nawe Solomono, mugala wage, Uminye Nyamuhanga wa tata wawe, umukolere nʼomutima owahĩkene nʼomo bũlengekanĩa obukanza; kusangwa Omwami Mukulu akasondaya emitima yosĩ nʼeriminya amaganĩryo gosĩ wʼobũlengekanĩa. Wamamusonda-sonda, asyabanika ukʼuwe; nĩkwa wamamũsĩga, asyakugana kera na kera.

2 Emyatsi yʼEmigulu 15:3

Nĩkwa oko mugulu muli Abaĩsraelĩ babya butsira Nyamuhanga wa kwenene, na butsira mũhererĩ wʼerĩkangĩrĩrya, isibawite migambo.

Esyonyimbo 9:10

Abandu abakwasĩ basyayiketera we, Kusangwa uwe Mwami Mukulu sũlĩsĩganaya abakakusonda.

Emĩsyo 8:35

Kusangwa oyũkanyĩsonda-sondaya akabana engebe, Kandi asyabana erĩsĩmwa nʼOmwami Mukulu.

Ĩsaya 48:16

Mwase hakũhĩ nage, muhulikirire ebĩ. Okwʼĩtsũka erĩmbere sĩndĩtabũga omwʼĩkũmbo, erĩtsũka oko mugulu byakoleka, ĩngye nabyaho. Na lino Omukama Omwami Mukulu, abirinyituma, nʼOmũlĩmũ wuwe.

Ĩsaya 53:11

Busana nʼeriagalwa lyʼomutima wuwe, asyalangira ekyakakala nʼerĩsĩma. Busana nʼamenge wuwe, Oyutunganene, omugombe wage, asyayira abangi mo batunganene, kandi asyaheka ebibi byabo.

Ĩsaya 61:1

Omũlĩmũ wʼomukama Omwami Mukulu anyiriko, kusangwa Omwami Mukulu abĩrĩnyĩhakabya amagũta, nyirete engulu yowene oko bandu abakagalawa. Abirinyituma erilunga ababũnĩkĩre omo mutima, erĩtũlĩra ababohĩre obwĩranda nʼerikingulira abandu bʼomũlĩkĩ,

Yeremĩa 10:10

Nĩkwa Omwami Mukulu yo Nyamuhanga wʼekwenene. Iye ni Nyamuhanga oyuliho, kandi ni Mwami wa kera na kera. Erihitana liwe lĩkatĩtĩmanaya ekihugo, nʼebihanda sibyetoka eribegera erihitana liwe.

Hosea 6:3

Neryo tuminye, tukwamirire eriminya Omwami Mukulu. Erihongoka liwe nĩ kũndũ ngʼomo ngyakya-ngyakya; naye asyatũhĩkako ngʼembũla, ngʼembũla yʼenyũma eyĩkaheheraya ekitaka.

Mariko 9:37

Omundu oyũkakokaya omwana mulere ngʼoyũ omo lĩna lyage akanyĩkokaya; nʼoyũkanyĩkokaya, akakokaya oyo wanyituma.

Luka 9:48

neryo mwabwirabo ati, Omundu oyũkakokaya omwana mulere ngʼoyũ omo lĩna lyage akanyĩkokaya; nʼoyũkanyĩkokaya, akakokaya oyo wanyituma. Kusangwa oyuli muke omo katĩkatĩ kenyũ yo mukulu.

Yoane 10:36

Nĩkwa ĩngye, Tata abirinyihigula nʼerinyituma omo kihugo. Neryo mukanyahula muti, Ukatsuma, kusangwa nabũga nyiti indi Mugala wa Nyamuhanga kwehĩ?

Yoane 11:42

Kandi nyasĩ kʼũkanyowa ebiro byosĩ, nĩkwa ngabũga busana nʼabandu abimene hano, ibatoka erĩkĩrĩrya ko wanyituma.

Yoane 14:26

Nĩkwa Omũwatĩkya, Omũlĩmũ Abũyĩrĩre, oyo Tata asyatuma omo lĩna lyage, iye akandisyabakangĩrĩrya emyatsi yosĩ, kandi asyabĩbũkya emyatsi yosĩ eyo nababwira.

Yoane 17:18

Monatumabo omo kihugo, ngoko wanyituma omo kihugo.

Yoane 17:21

Ngasaba nyiti abosĩ babye muguma. Uwe Tata! Nyiti, bamatikane ũkwʼĩtwe, ngoko umatikene kwĩngye, kandi nage nyimatikene ukʼuwe, neryo ekihugo kĩkĩrĩraye kʼuli inina we wanyituma.

Yoane 17:23

Ĩngye nyimatikene kubo, nawe umatikene ũkwʼĩngye, nabo bahĩkane omo buguma, neryo ekihugo kiminye kʼuli inina we wanyituma, kandi wabirianzabo, ngoko wabirinyanza.

Yoane 17:25

Uwe Tata uwe utunganene! Ekihugo nomo kitenetakuminya, nĩkwa nabirikuminya, kandi aba nabo babirikuminya kʼuli inina we wanyituma.

Yoane 17:8

Kusangwa ebĩnywa ebyo wamba nabirihabyobo, kandi babiriangirirabyo, baririminya kwenene ko nalũa ewawe, kandi mobĩkĩrĩrya ko wanyituma.

Yoane 3:17

Kusangwa Nyamuhanga mwatatuma Mugala wuwe omo kihugo eribya Mũtswerĩ wakyo, nĩkwa abye Omũlamya wakyo.

Yoane 3:34

Kusangwa oyo Nyamuhanga abirituma akabũga ebĩnywa bya Nyamuhanga, kusangwa Nyamuhanga sialirengera mundu yʼOmũlĩmũ wuwe.

Yoane 5:44

Mukatoka erĩkĩrĩrya muti, omugulu mukabana erĩsĩkanĩa omuguma oko gundi kwehĩ, isimulisonda-sonda erĩsĩkya erĩkalũa uku Nyamuhanga ĩyowene.

Yoane 6:57

Ngoko Tata oyuliho anyituma, nage nyiriho busana na Tata; litya oyukanyirya, asyabyaho busana nage.

Yoane 7:29

Nĩkwa ĩngye nyĩnamwasĩ, kusangwa nalũa ewuwe, naye yo wanyituma.

Yoane 8:19

Neryo mobamũbũlya bati, Ko Tata wawe ali hahi kwehĩ? Yesu mwasũbĩryabo ati, Sĩmũnyasĩ, kandi sĩmwasĩ Tata wage. Kumbe mũnyasĩ, nga mwangaminya Tata wage nibya.

1 AbanyaKorinto 15:34

Mubuke omo litunganene, muleke erikola ebibi. Kusangwa abandi ba kwĩnywe sĩbasĩ Nyamuhanga. Nyiti, mwangakwa esĩsonĩ.

1 AbanyaKorinto 8:4

Neryo busana nʼomwatsi wʼakalyo akakahererawa oko syosanamu, tũnasĩ ngoko esanamu si kindu muna-kihugo, kandi tũnasĩ ko hali Nyamuhanga muguma musa.

2 AbanyaKorinto 4:6

Kusangwa Nyamuhanga oyo wabũga ati, Ekyakakala kĩkoleraye omo mwĩrĩmya, ni iye abĩrĩkolerya omo mitima yetu nʼerituha ekyakakala kyʼeriminya olukengerwa lwa Nyamuhanga oluli omo bũsũ bwa Kristo.

AbanyaFilipi 3:10

Ekiguma nyanzĩre nyiti, nyiminye Kristo kwenene, nʼobũtokĩ bwʼerĩlũbũka liwe, kandi nyĩsangĩre omo magalĩ wuwe, nʼeribya haguma naye omo luholo luwe.

AbanyaFilipi 3:8

Kandi busana nʼobũgũlĩ bunene bwʼeriminya Kristo Yesu Omukama wage, ngaganza emyatsi yosĩ ngʼĩtalya. Busana na Kristo nabĩrĩtalya emyatsi yosĩ nʼeriganzayo ngʼebibaya, inatoka eribana Kristo mo ndũndĩ yage.

1 AbanyaTesalonika 1:9

Kusangwa abandu bosĩ bakatũlago ngoko mwatũkokaya, kandi ngoko mwaleka esyosanamu nʼeribindukira Nyamuhanga, imwatoka erikolera Nyamuhanga wʼekwenene, oyuliho.

2 AbanyaTesalonika 1:8

Kandi asyasuyira abatasĩ Nyamuhanga, nʼabatekenga Engulu Yowene yʼomukama wetu Yesu.

AbaEbrania 3:1

Neryo balĩkyetu, bana ba Nyamuhanga, abo Nyamuhanga abirikira nibya, mũganĩraye ndeke Yesu, omukwenda nʼomũhererĩ mukulu oko bahererĩ bosĩ, owʼemyatsi eyo tũkĩkĩrĩraya.

2 Petero 1:2

Olukogo nʼobuholo bunene bibye nenyũ, kusangwa mwabiriminya Nyamuhanga nʼOmukama wetu Yesu.

2 Petero 1:3

Obũtokĩ bwa Nyamuhanga bwabirituha emyatsi yosĩ eyitutolere, busana nʼeribyaho omo ngebe ya Nyamuhanga, nʼerikenga Nyamuhanga. Abirituha emyatsi eyĩ kusangwa twabiriminya kwenene oyo watubirikira erisangira olukengerwa luwe nʼobubuya buwe.

2 Petero 1:8

Mwamakola mutya nʼerikwamirirabyo, mwasyatoka, kandi mwasyakanyirira Omwʼiminya ndeke lyʼomukama wetu Yesu Kristo.

1 Yoane 1:2

Nʼengebe eyo moyaminyikala, netu twabirilola kuyo nʼeribya balangĩrĩ bayo, kandi tũkabatũlĩra engebe yʼerikota, eyabya haguma na Tata nʼerĩmĩnyĩkalĩbwa ũkwʼĩtwe.

1 Yoane 1:3

Tũkabatũlĩra nibya ekyo twalangira nʼekyo towa, neryo mutoke eribya buguma netu; kandi Obuguma bwetu buli haguma na Tata, nʼomugala wuwe Yesu Kristo.

1 Yoane 2:23

Kusangwa oyukagana Omugala siawite Tata nibya, nʼoyũkalĩga Omugala awite Tata nibya.

1 Yoane 4:6

Ĩtwe tuli ba Nyamuhanga, nʼoyo wasĩ Nyamuhanga akatowa. Kandi oyute wa Nyamuhanga sĩalĩtowa. Ũmwʼekĩ tukaminya Omũlĩmũ wʼekwenene, nʼekĩrĩmũ kyʼeriteba.

1 Yoane 5:20

Nĩkwa tũnasĩ kʼomugala wa Nyamuhanga abĩrĩhĩka, nʼerituha eriminya, itwatoka eriminya Nyamuhanga owʼekwenene. Kandi tumatikene na Nyamuhanga owʼekwenene, kandi tumatikene nʼomugala wuwe Yesu Kristo. Oyũ ni Nyamuhanga wʼekwenene, kandi iye ni ngebe yʼerikota.