Yoane 17:11 - AMASAKO ABOYTRTRE WA NYAMUHANGA AWAKAHULAWA MO BIBLIA

¹¹ Neryo lino ngakũhĩkako, nage sinyikiri kandi omo kihugo, nĩkwa ibo bali omo kihugo. Tata Iwe Ũbũyĩrĩre! Ũtegayebo omo bũtokĩ bwʼerĩna lyawe, eryo wamba, babye muguma, ngoko tuli muguma.

Nouveau Testament et Psaumes en Ndandi Version 1962

¹¹ Nage sinyiri kandi omo kihugo, naba bari omo kihugo, nage ngasa kuwe. Tata Ubu yirire, utegayebo omo rina ryage abo wamba, babye muguma, nga twi.

Yoane 17:11 Iomraidhean Croise

Esyonyimbo 79:9

Uwe Nyamuhanga, Omũlamya wetu, ũtũwatĩkaye, busana nʼerĩsĩkya lyawe; Ũtũlamaye nʼeribuyira ebibi byetu busana nʼerikupipa.

Emĩsyo 18:10

Erĩna lyʼOmwami Mukulu nĩ nyũmba yĩsũngũlĩkĩre ikongotere; Omutunganene akatibita muyo iniabana Obuholo.

Ĩsaya 27:3

Ĩngye Mwami Mukulu indi mũteya walyo. Ngandĩheheryalyo obuli katambĩ. Sihabye oyũkagalayalyo, ngandĩteyalyo omo kiro nʼomo musibo.

Ĩsaya 64:2

Ngʼomuliro kwʼakakaya ekisaka, ngoko muliro akaberaya amagetsi, erĩmĩnyĩsya esyonzĩgũ syawe erĩna lyawe, ebihanda bititimane embere syawe!

Yeremĩa 14:21

Sũtũkwe obusu, busana nʼerĩna lyawe. Suhemule ekĩtũmbĩ kyʼolukengerwa lwawe. Wibuke, sũtwe endagano yawe haguma netu.

Yeremĩa 14:7

Nomo ebibi byetu bikatuhandikirira, uwe, Mwami Mukulu, Ukole busana nʼerĩna lyawe. Kusangwa kwenene eritswa lyetu ni ringi. Twabĩrĩkũhalyako.

Ezekĩelĩ 20:22

Nĩkwa monayĩkakĩrya, monakola busana nʼerĩna lyage nyiti siritsumawe embere wʼameso wʼebihanda, omo meso wʼabo nalũsayayo.

Ezekĩelĩ 20:44

Neryo mwasyaminya kwʼindi Mwami Mukulu omugulu namabikola nenyũ busana nʼerĩna lyage, butsira ngʼesyonzira syenyũ nyibi kutse ngʼemĩbĩrĩ yenyũ mibi, uwe kihanda kya Ĩsraelĩ, Omukama Iye Omwami Mukulu atya.

Ezekĩelĩ 20:9

Nĩkwa monakola busana nʼerĩna lyage, isirvangatsumwa embere syʼameso wʼebihanda, eyo babya bĩkere, omo meso wabo monayĩmĩnyĩsya kubo erĩlũsyabo omo kihugo kyʼeMĩsĩrĩ.

Matayo 10:16

Lebaya, ngabatuma ngʼesyombũlĩ omo katĩkatĩ kʼesyombwa syʼomolĩ. Neryo mubye nʼamenge ngʼesyonzoka, kandi mubye bandu bolo ngʼehĩrĩkũkũ.

Matayo 5:48

Neryo mubye abahĩkene, ngoko Tata wenyũ wʼelubula ahĩkene.

Matayo 6:9

Neryo ko musabe mutya, muti, Tata wetu oyuli elubula, Erĩna lyawe ribye rĩbũyĩrĩre.

Yoane 13:1

Nĩkwa embere wʼEbiro Bikulu byʼErikiruka, Yesu mwaminya kwʼendambĩ yiwe yamabĩhĩka eyʼerĩlũa omo kihugo kino, nʼeriya eyiri Ĩse. Abya iniabirianza abuwe ababya omo kihugo, kandi mwanzabo erĩhĩka oko ndũlĩ.

Yoane 13:3

Kandi Yesu abya asĩ kwʼĨse abĩrĩhĩra emyatsi yosĩ yʼomo hamũlĩ yiwe. Kandi abya asĩ kwʼalũa ewa Nyamuhanga iniakasyaya ewa Nyamuhanga.

Yoane 14:20

Oko kiro ekyo mwasyaminya ko nyimatikene uku Tata wage, nenyũ mumatikene ũkwʼĩngye nage nyimatikene ũkwʼĩnywe.

Yoane 16:28

Nalũa uku Tata, kandi monahĩka omo kihugo; neryo ngalũa omo kihugo nʼeriya uku Tata.

Yoane 16:33

Namababwira emyatsi eyĩ imwabana Obuholo busana nʼerimatikana nage. Omo kihugo mwasyabana erĩendererĩbwa. Nĩkwa muhande emitima! Nabĩrĩkĩnda ekihugo!

Yoane 17:23

Ĩngye nyimatikene kubo, nawe umatikene ũkwʼĩngye, nabo bahĩkane omo buguma, neryo ekihugo kiminye kʼuli inina we wanyituma, kandi wabirianzabo, ngoko wabirinyanza.

Yoane 17:25

Uwe Tata uwe utunganene! Ekihugo nomo kitenetakuminya, nĩkwa nabirikuminya, kandi aba nabo babirikuminya kʼuli inina we wanyituma.

Yoane 17:6

Monakũmĩnyĩkalya oko bandu wamba omo kihugo. Babya bawe kandi mowambabo. Kandi babirikenga ekĩnywa kyawe.

Yoane 7:33

Yesu mwabwirabo ati, Nasyabya nenyũ kandi katambĩ, neryo nasyaya ukwʼoyo wanyituma.

Emibiri 3:21

Naye atolere erĩkokĩbwa elubula erĩhĩka oko mugulu wʼerisuba lyʼemyatsi yosĩ eyo Nyamuhanga ahula kera omo buno bwʼabamĩnyererĩ buwe ababũyĩrĩre.

AbanyaRoma 12:5

Netu tutya tuli bangi, tuli mubiri muguma itumatikene na Kristo, kandi tuwatene haguma ngʼebĩtsũko mĩsĩndo-mĩsĩndo byʼomubiri muguma.

AbanyaRoma 9:17

Kusangwa Amasako akabwira Farao ati, Nabĩrĩkũhĩra oko ngoma busana nʼomwatsi oyũ, inatoka erĩkangya obũtokĩ bwage ewawe, kandi erĩna lyage lĩtũlaganĩbawe omo kihugo kyosĩ.

1 AbanyaKorinto 1:10

Neryo balĩkyetu, ngabalemba-lemba omo lĩna lyʼomukama wetu Yesu Kristo, nyiti ĩnywe bosĩ mũbũge kiguma. Nyiti Sihabye erigabana omo katĩkatĩ kenyũ, nĩkwa mubohane omo bũlengekanĩa buguma nʼomutima muguma.

AbanyaGalatia 3:28

Sihali Omũyũda nʼOmũgĩrĩkĩ, sihali omukoba nʼogʼobwĩranda, sihali wʼobulume kutse wʼobũkalĩ; kusangwa ĩnywe bosĩ muli muguma erimatikana na Kristo Yesu.

AbanyaEfeso 4:4

Kusangwa hali omubiri muguma, nʼOmũlĩmũ Abũyĩrĩre muguma, ngoko Nyamuhanga ababirikira oko maha maguma.

AbanyaFilipi 2:9

Kyaleka Nyamuhanga ĩnĩamũhamya kutsibu, nʼerimuha erĩna erĩlabĩre awandi mena.

AbaEbrania 1:3

Omugala akakangabasanaya nʼolukengerwa lwa Nyamuhanga. Kandi iye ni kiminyikalo kwenene kyʼeribyaho lya Nyamuhanga. Kandi akahanganaya emyatsi yosĩ yʼekihugo nʼeyʼekyanya omo kĩnywa kyʼobũtokĩ buwe. Neryo abere abĩerya ebibi busana nʼabandu, mwĩkala oko luhande lwʼamali lwa Nyamuhanga Omwenye Obukulu Owendata kutsibu.

AbaEbrania 9:24

Kusangwa Yesu mwatingira Ahabũyĩrĩre ahakokotĩbawa nʼebyala byʼabandu, ahabya ekĩsosekanĩo kyʼAhabũyĩrĩre hʼekwenene, nĩkwa mwingira elubula aho akabanika embere sya Nyamuhanga busana netu.

Yakobo 4:4

Ĩnywe basĩngĩrĩ, sĩmwasĩ ko bwĩra bwʼekihugo nĩ bũyĩgũ uku Nyamuhanga kwehĩ? Neryo Oyukasonda eribya mwĩra wʼekihugo akayiyira mo nzĩgũ ya Nyamuhanga.

1 Petero 1:5

Emĩyĩsa eyo ni busana nenyũ abakateyĩbawa omo maka wa Nyamuhanga busana nʼerĩkĩrĩrya lyenyũ, imukalindirira erilama eryo likandisyabĩsũlwa oko mugulu wʼenyũma-nyũma.

1 Yoane 3:12

Situbye nga Kaĩna, oyo wabya wʼOmubi Oyo, neryo mwĩta mulumuna wuwe. Neryo mwamwĩta busana nakĩ kwehĩ? Kusangwa emĩbĩrĩ ya Kaĩna yabya mibi, nĩkwa eya mulumuna wuwe yabya itunganene.

1 Yoane 5:19

Kandi tũnasĩ ko tuli ba Nyamuhanga, nʼekihugo kyosĩ kiri omo bũtokĩ bwʼOmubi Oyũ.

Yuda 1:1

Ĩngye Yũda, omugombe wa Yesu Kristo, nʼomugala wabo Yakobo, ngabasakira ĩnywe mwabirikirawa, abanzĩrwe na Nyamuhanga Tata, kandi abakalemberawa busana na Yesu Kristo.

Yuda 1:24

Neryo ukwʼoyukatoka erĩbateya okwʼitoga, kandi akatoka eribaleta omo lukengerwa lwʼembere siwe omo butseme bunene, isimuwite ekyʼerĩhandĩkĩrĩrĩbwa.

Eribisurirwa 15:4

Uwe Mwami Mukulu nindi utesyakubaha kwehĩ? Nindi oyutesyapipa eriasa lyawe kwehĩ? Kusangwa uwe wowene ũbũyĩrĩre. Ebihanda byosĩ basyasa, Nʼerĩramya embere syawe, Kusangwa emĩbĩrĩ yawe itunganene yabĩrĩbĩsũlwa.

Eribisurirwa 19:12

Ameso wuwe ni kirimi kyʼomuliro, nʼesyombĩta nyingi siri oko mutwe wuwe. Kandi awite erĩna lĩmũsakĩreko, nĩkwa sihali mundu wasĩryo, nina ye ĩyowene.

Eribisurirwa 4:8

Obuli ekĩhangĩkĩre oko bĩhangĩkĩre bini ebiriho ikiwite ebĩpũpa ndatu, nʼebĩhangĩkĩre ebĩ ĩbyoswĩre nʼameso ehosĩ nʼoko mbande syosĩ. Kandi omo musibo nʼomo kiro sĩbalĩũmbaya erĩbũga bati, Omukama Nyamuhanga, Omũtokĩ Wʼebyosĩ, Abũyĩrĩre, abũyĩrĩre, abũyĩrĩre, Oyutula, nʼoyuliho, nʼoyukandisyasa.