Yoane 16:7 - AMASAKO ABOYTRTRE WA NYAMUHANGA AWAKAHULAWA MO BIBLIA

⁷ Ngababwira omwatsi wʼekwenene nyiti, Lyowene busana nenyũ inagenda, kusangwa namatendigenda, Omũwatĩkya isiendisyabahĩkako. Nĩkwa namagenda nasyabatumiraye.

Nouveau Testament et Psaumes en Ndandi Version 1962

⁷ Nikwa ngababwira kwenene: Litolere busana nenyu inagenda, kusangwa nama tindagenda, Embuyi isiyendisyasa kwinywe; nikwa namagenda, nasyabatumirayo.

Yoane 16:7 Iomraidhean Croise

Esyonyimbo 68:18

Wabirihetukira endata, wabirisondola abanyegwa bawe haguma nawe, Akangirira esyonzũnzo oko bandu abakahona, Omwami Mukulu Nyamuhanga, asyĩkalayo.

Luka 24:49

Neryo mũlebaye, ngabatumira erilaga lya Tata wage; nĩkwa mulinde omo mũyĩ erĩhĩka aho obũtokĩ bũkalũa endata, bwasyabandagalirako.

Luka 4:25

Nĩkwa ngababwira kwenene oko mugulu wa Elĩa, habya abakwakalĩ bangi eĨsraelĩ. Oko mugulu oyo sihabya embũla oko myaka ĩsatu nʼemikera ndatu, nʼenzala nene moyahĩka omo kihugo kyosĩ.

Luka 9:27

Nĩkwa ngababwira kwenene nyiti, Hali abandu abimene hano, abatendisyahola bate balangira Obwami bwa Nyamuhanga.

Yoane 14:26

Nĩkwa Omũwatĩkya, Omũlĩmũ Abũyĩrĩre, oyo Tata asyatuma omo lĩna lyage, iye akandisyabakangĩrĩrya emyatsi yosĩ, kandi asyabĩbũkya emyatsi yosĩ eyo nababwira.

Yoane 14:28

Momowa ngababwira nyiti, Ngagenda, kandi nasyaswasa ũkwʼĩnywe. Kumbe mulwe mũnyanzĩre, nga mwabiritsema, kusangwa ngaya uku Tata; kusangwa andengĩre.

Yoane 14:3

Kandi namayakokotya aho wenyũ, nasyaswasa, nʼeribatwala ewage; neryo imwatoka eribya aho nyiri.

Yoane 15:26

Omugulu Omũwatĩkya asyasa, oyo nasyatuma akalũa ewa Tata, Omũlĩmũ wʼomwatsi wʼekwenene, oyũkalũa uku Tata, akandĩsyatũla omwatsi wage.

Yoane 16:8

Naye asyabya asa, asyasĩnga ekihugo busana nʼebibi, kandi busana nʼomwatsi wʼebitunganene, kandi busana nʼomwatsi wʼeritswera lya Nyamuhanga.

Yoane 7:39

Nĩkwa Yesu abũga ekĩ iniakahula Omũlĩmũ ogo abakamwĩkĩrĩraya basyahabwa. Oko mugulu oyo Omũlĩmũ isialiahabwa, kusangwa Yesu isialiabana olukengerwa luwe.

Emibiri 10:34

Neryo Petero mwatsũka erĩbũga ati, Namaminya ndeke lino ngoko Nyamuhanga siawite ebitaga.

Emibiri 2:33

Yesu abĩrĩhamĩbwa oko byala byʼamali bya Nyamuhanga, kandi abiribana uku Tata erilaga lyʼOmũlĩmũ Abũyĩrĩre, nʼebyo mukalangira lino nʼerĩowa nĩ lũsũnzo luwe abĩrĩtũtũlĩra.

AbanyaRoma 8:28

Tũnasĩ ngoko Nyamuhanga akaleka emyatsi yosĩ ĩyowana busana nʼabakamwanza, kandi busana nʼabo abirikira ngʼerĩyĩsũnza liwe.

2 AbanyaKorinto 4:17

Kusangwa obũlĩge obũ bwangũhĩre, nĩ bwʼakatambĩ kake, bwasyatuletera olukengerwa lwʼerikota, olũlabĩre olulengo.