Yoane 16:3 - AMASAKO ABOYTRTRE WA NYAMUHANGA AWAKAHULAWA MO BIBLIA

³ Basyakola emyatsi eyĩ, kusangwa sibetaminya Tata kutse ĩngye.

Nouveau Testament et Psaumes en Ndandi Version 1962

³ Nemyatsi eyi basyakolayo ku sangwa sibetaminya Tata, kutse ingye.

Yoane 16:3 Iomraidhean Croise

Luka 10:22

Tata wage abirimba emyatsi yosĩ, kandi sihali oyo wasĩ Mugala nga nindi, nina Tata; kandi sihali oyo wasĩ Tata nga nindi, nina Mugala, nʼomundu oyo Mugala anzĩre erĩmũbĩsũlĩra.

Yoane 15:21

Nĩkwa basyabakola emyatsi yosĩ eyĩ kusangwa muli bandu bage, kusangwa sĩbasĩ oyo wanyituma.

Yoane 15:23

Oyũkanyĩkwa obusu, akakwa Tata wage yʼobusu.

Yoane 17:25

Uwe Tata uwe utunganene! Ekihugo nomo kitenetakuminya, nĩkwa nabirikuminya, kandi aba nabo babirikuminya kʼuli inina we wanyituma.

Yoane 17:3

Neryo eyĩ ni ngebe yʼerikota, abandu bakuminye, uwe Nyamuhanga muguma wʼekwenene, nʼeriminya Yesu Kristo, oyo watuma.

Yoane 8:19

Neryo mobamũbũlya bati, Ko Tata wawe ali hahi kwehĩ? Yesu mwasũbĩryabo ati, Sĩmũnyasĩ, kandi sĩmwasĩ Tata wage. Kumbe mũnyasĩ, nga mwangaminya Tata wage nibya.

Yoane 8:55

Kandi ĩnywe simwetamuminya, nĩkwa ĩngye nyĩmwasĩ. Namabũga nyiti, sĩnyĩmwasĩ, nasyabya mũbehĩ nga nywe. Nĩkwa nyĩnamwasĩ, kandi ngabika ekĩnywa kiwe.

Emibiri 3:17

Neryo lino, balĩkyetu, nyĩnasĩ ebyo, ĩnywe nʼabasondolĩ benyũ mwakola uku Yesu, momwakolabyo omo butaminya.

1 AbanyaKorinto 2:8

Abatabalĩ bʼekihugo kino mobataminya amenge aya. Kusangwa nga balibya basĩ amenge ayo, kumbe sibetabamba Omukama wʼolukengerwa oko musalaba.

2 AbanyaTesalonika 1:8

Kandi asyasuyira abatasĩ Nyamuhanga, nʼabatekenga Engulu Yowene yʼomukama wetu Yesu.

1 Timoteo 1:13

Kera nabya nga mũtsũmĩ, nʼoyũkamwendereraya, nʼerimuletera omwaga. Nĩkwa Nyamuhanga mwanyiganyira kusangwa nakola omo butaminya, ĩsĩndĩnĩkĩrĩrya.

1 Yoane 2:23

Kusangwa oyukagana Omugala siawite Tata nibya, nʼoyũkalĩga Omugala awite Tata nibya.

1 Yoane 3:1

Mulangire ngoko Tata abiritwanza kutsibu, kusangwa tukahulawa mo bana ba Nyamuhanga; ko tune tutya. Busana nʼomwatsi oyũ; ekihugo sĩkĩtwasĩ, kusangwa mokitetaminya Nyamuhanga.

1 Yoane 4:8

Oyutianza sialitaminya Nyamuhanga, kusangwa Nyamuhanga ni Lwanzo.

1 Yoane 5:20

Nĩkwa tũnasĩ kʼomugala wa Nyamuhanga abĩrĩhĩka, nʼerituha eriminya, itwatoka eriminya Nyamuhanga owʼekwenene. Kandi tumatikene na Nyamuhanga owʼekwenene, kandi tumatikene nʼomugala wuwe Yesu Kristo. Oyũ ni Nyamuhanga wʼekwenene, kandi iye ni ngebe yʼerikota.