Yoane 15:4 - AMASAKO ABOYTRTRE WA NYAMUHANGA AWAKAHULAWA MO BIBLIA

⁴ Mumatikane kwĩngye, nage ngandimatikana kwĩnywe. Ngoko Omutahi sialĩhetaya ebĩgũma ĩgowene, amatendimatikana nʼendĩna yʼebĩnyũ, litya nenyũ Simwangatoka erireta endũndĩ uku Nyamuhanga mutamatikene ũkwʼĩngye.

Nouveau Testament et Psaumes en Ndandi Version 1962

⁴ Mwikale omwisi wage, nage omwisi wenyu. Ngomutahi siaritoka eributa ebiguma igowene, atikere omwisi wendina yebinyu; nenyu simwanga toka mutikere omwisi wage.

Yoane 15:4 Iomraidhean Croise

Olwimbo lwʼEsyonyimbo 8:5

Nindi oyukasira omo mbwarara, Iniakegemera oko mwanze wuwe kwehĩ? Monakũbũkya oko ndĩna yʼomuti wʼetofala, Aho koyo wawe abya akakundira busana nawe, Aho akundira nʼerikubuta.

Hosea 14:8

Uwe Efũraĩmũ ngandiswakolakĩ nʼesyosanamu kwehĩ? Nĩ ngye oyũkasũbĩraya, nʼerikulembera. Nyiri ngʼomuti wʼekĩlagũ kibisi; ebĩgũma byawe bĩkalũa ũkwʼĩngye.

Matayo 12:33

Muyire omuti mo muti mubuya, nʼebĩgũma byago mo bibuya; kutse muyire omuti mo mubi nʼebĩgũma byago mo bibi; kusangwa omuti akaminyikala busana nʼebĩgũma byago.

Luka 8:15

Esyombuto esyatogera oko kitaka kyowene ba bandu abakowa ekĩnywa ekyo omo mutima ogowene wʼekwenene, ibakahambakyo ndeke omo mutima, neryo ibakahatikana, nʼerĩerya esyombuto syʼekĩnywa kya Nyamuhanga.

Yoane 14:20

Oko kiro ekyo mwasyaminya ko nyimatikene uku Tata wage, nenyũ mumatikene ũkwʼĩngye nage nyimatikene ũkwʼĩnywe.

Yoane 17:23

Ĩngye nyimatikene kubo, nawe umatikene ũkwʼĩngye, nabo bahĩkane omo buguma, neryo ekihugo kiminye kʼuli inina we wanyituma, kandi wabirianzabo, ngoko wabirinyanza.

Yoane 6:56

Oyukalya omubiri wage nʼerĩpũlya omusasi wage amatikene ũkwʼĩngye, nage nyimatikene ukwʼiye.

Yoane 8:31

Neryo Yesu mwabwira Abayũda abamwĩkĩrĩraya ati, Mwamabya mukakwama ebĩnywa byage, imuli biga bage kwenene.

Emibiri 11:23

Neryo abere ahĩka nʼerilangira olukogo lwa Nyamuhanga, mwatsema, neryo mwahanabo ati, abosĩ bakwame Omukama nʼomutima asĩkĩre, nʼeritendiregula.

Emibiri 14:22

Mobasĩkya emitima yʼabiga, nʼerĩhamĩryabo bati bakwamirire omwʼĩkĩrĩrya. Bati, Litolere itwingira omo bwami bwa Nyamuhanga itukalaba omo malĩge mangi.

2 AbanyaKorinto 13:5

Muyirengeko nga mukakwama omwʼĩkĩrĩrya; muyitswere! Sĩmwasĩ kwenene ko Kristo Yesu amatikene nenyũ kwehĩ? Mutetatoka ekyo imwabiritaluka.

AbanyaGalatia 2:20

Nabiribambwa oko musalaba haguma na Kristo. Nĩkwa lino nyineho; nĩkwa butsira ngye, Kristo aneho omwisi wage. Nʼengebe eyo nyiri nayo lino omo mubiri, nyiri nalyo busana nʼerĩkĩrĩrya Omugala wa Nyamuhanga, oyo wanyanza, nʼeriyiha busana nage.

AbanyaEfeso 3:17

Kandi ngasaba nyiti, Kristo ĩkale omo mitima yenyũ busana nʼerĩkĩrĩrya lyenyũ; kandi nyiti, muhande emĩrĩhĩ yʼolwanzo lwenyũ, ĩmũnasĩkĩre omo lwanzo olo.

AbanyaFilipi 1:11

Kandi emitima yenyũ yasyũsũla omo myatsi itunganene eyĩkalũa uku Yesu Kristo. Emyatsi eyĩ yasyaleta olukengerwa nʼeripipa uku Nyamuhanga.

AbanyaKolosai 1:23

Nĩkwa litolere imwakwama butsira eriregula omwʼĩkĩrĩrya, ĩmũnasĩkĩre ndeke. Sĩmũtũndawe mukaleka amaha wʼEngulu Yowene eyo mowa. Ĩngye Paũlo nabiribya mugombe wʼEngulu Yowene eyĩ, eyĩkakangĩrĩrĩbawa oko bandu bosĩ muna-kihugo.

AbanyaKolosai 1:27

Nyamuhanga mwanza erĩkũmbũla oko bandu buwe erĩkũmbo libuya erĩ eryo awite busana nʼebihanda byosĩ. Erĩkũmbo eryo ni Kristo omwisi wenyũ; erĩ ni maha wʼolukengerwa lwa Nyamuhanga.

AbanyaKolosai 2:6

Neryo, kusangwa mwabiriangirira Kristo Yesu mo Mukama, mumukwame nʼerimatikana naye.

1 AbanyaTesalonika 3:5

Busana nʼomwatsi oyũ, omugulu nataluka eriswayibombeka, monabatumira Tĩmoteo, inatoka eriminya erĩkĩrĩrya lyenyũ, iningubaha nyiti mbino omũtebya abĩrĩbatebya, nʼomũbĩrĩ wetu ĩnĩakwa busa.

AbaEbrania 10:39

Nĩkwa ĩtwe Situli ukwʼabo abakasuba enyũma nʼerihera, nĩkwa tuli ukwʼabo abakĩkĩrĩraya nʼerĩlamya emitima yabo.

1 Yoane 2:6

Nʼoyũkabũga ati awatene na Nyamuhanga, litolere naye inialendera ngoko Kristo alendera.

2 Yoane 1:9

Nikwa oyutesiba omwʼĩkangĩrĩrya lya Kristo, nĩkwa akatomeka kulyo kwʼebindi, omundu oyo siamatikene na Nyamuhanga. Nĩkwa Oyukasiba omwʼĩkangirirya lya Kristo, omundu oyũ amatikene na Tata nʼomugala.