Yoane 15:2 - AMASAKO ABOYTRTRE WA NYAMUHANGA AWAKAHULAWA MO BIBLIA

² Obuli mutahi owamatikene nage, owateheta kwʼebĩgũma, akatwago; kandi oko buli mutahi Owakahetaya ebĩgũma, akasara kugo kwʼebĩtawene, Omutahi oyo atoke eriheta kwʼebindi bĩgũma.

Nouveau Testament et Psaumes en Ndandi Version 1962

² Emitahi yosi eyiri omwisi wage eyitebuta ebiguma, akalusayayo: nemitahi yosi eyikabuta ebiguma, akerayayo, iyatoka eributa ebiguma okwilaba.

Yoane 15:2 Iomraidhean Croise

Yobũ 17:9

Nĩkwa omutunganene asyawatĩrĩrya oko nzira yiwe, Nʼoyuwite ebyala byerĩre asyakanyirira nʼamaka.

Esyonyimbo 92:14

Eyikaheta omo bukulu bwayo, Kandi ĩkĩnakalĩre nʼeriboga omo bikoma.

Emĩsyo 4:18

Nĩkwa enzira yʼabatunganene iri ngʼekyakakala kyʼomwĩtsange, Ekĩkakoleraya nʼerikanya erĩhĩka oko kiro kĩyĩma-yĩma.

Ĩsaya 27:9

Neryo busana nʼekĩ ebibi bya Yakobo byasyabuyirwa. Ebĩ byo byasyabya enzwere yʼerĩlũsya ebibi biwe omugulu akayira amabwe gosĩ wʼekiherero ngʼamabwe wʼembemba awatũndwĩre. Omugulu oyo, esyosanamu sya Asera nʼebiherero byʼobukwa sibyendisyaswahangana.

Ĩsaya 29:19

Nʼabandu bʼobũlĩge basyakanyĩrĩrya obutseme bwabo omo Mwami Mukulu, nʼabandu bʼobwaga basyatsema ũmwʼOyũbũyĩrĩre wa Ĩsraelĩ.

Danĩelĩ 11:35

Kandi abandi abawite amenge basyawa erĩtũkũryabo, nʼerĩeryabo, nʼeriyirabo mo babuya, erĩhĩka oko mugulu wʼendũlĩ owakandĩsyahĩka oko ndambĩ eyahulawa.

Hosea 6:3

Neryo tuminye, tukwamirire eriminya Omwami Mukulu. Erihongoka liwe nĩ kũndũ ngʼomo ngyakya-ngyakya; naye asyatũhĩkako ngʼembũla, ngʼembũla yʼenyũma eyĩkaheheraya ekitaka.

Malakĩ 3:3

Naye asyĩkala ngʼomũtũkũrĩ nʼomũtendererya wʼebĩtsĩpa, kandi asyatũkũrya abagala ba Lawĩ, nʼerĩeryabo ngʼesyamagetsi nʼekĩtsĩpa; ibatoka eriha Omwami Mukulu amahere omo litunganene.

Matayo 13:12

Kusangwa oyuwite asyahabwa ebindi, asyabya nʼebingi; nĩkwa oyutawite, asyasagulwa ebyo awite.

Matayo 13:33

Yesu mwatwĩrabo ogundi mũsyo ati, Obwami bwʼelubula bũsosĩre ekĩhamya. Omũkalĩ mwĩmyakyo, mwabĩsakyo omo hĩrengĩ hisatu hyʼeyĩsyano, nʼeyosĩ moyahama.

Matayo 15:13

Yesu mwasũbĩryabo ati, Obuli mbuto eyo Tata wage wʼelubula atahera yasyakulangwa.

Matayo 21:19

Neryo abere alangira omuti wʼomũtĩnĩ oko mũsĩke wʼenzira mwaya oko muti oyo, nĩkwa mwatabana kugo ko kindu, bye nʼebikoma bisa. Neryo Yesu mwabwira omuti wʼomũtĩnĩ ati, Siwendisyaswaheta na kera! Nʼomuti wʼomũtĩnĩ oyo muma neryo-neryo.

Matayo 25:29

Kusangwa oyuwite asyahabwa ebindi, iniabya nʼebingi; nĩkwa oyutawite, asyasagulwa ebyo awite.

Matayo 3:10

Kandi embasa ĩnĩkĩrye oko mĩrĩhĩ yʼomuti. Obuli muti owatehetaya ebĩgũma byowene akakondawa nʼeriguswa omo muliro.

Matayo 3:12

Omũhũmbo wuwe ali omo byala biwe erĩhũmbĩra engano omo kibuga kiwe nʼerĩhĩra engano yiwe omo kigona, nĩkwa asyahĩsya omusunga omo muliro owatehumbera.

Matayo 7:19

Obuli muti owatehetaya ebĩgũma byowene akakondawa nʼeriguswa omo muliro.

Mariko 4:20

Nĩkwa abandi bandu bali ngʼembuto eyabibawa oko kitaka kyowene. Bakowa ekĩnywa ekyo nʼerĩrĩgakyo ĩberya esyombuto; eyindi mbuto ngendo makũmĩ asatu, eyindi ngendo makũmĩ ndatu, eyindi engendo erĩgana.

Luka 8:13

Esyombuto esyatogera oko kitaka kyʼamabwe ba bandu abakowa ekĩnywa nʼeriangirirakyo nʼobutseme. Nĩkwa ekĩnywa ekyo sikiribana emĩrĩhĩ; bakĩkĩrĩraya katambĩ kake, neryo oko mugulu wʼerirengwako, bakatswa.

Yoane 15:1

Ĩngye indi mũlĩkĩ-rĩkĩ wʼebĩnyũ wʼekwenene, kandi Tata wage nĩ mũlĩmĩrĩ.

Yoane 15:16

Simwetayisoga ngye, nĩkwa nayisoga nywe, kandi nabĩrĩbahĩra eriyatunda endũndĩ, kandi endũndĩ yenyũ iyatoka eribyaho. Neryo Tata asyabaha ekĩndũkĩ ekyo mũkabũlaya omo lĩna lyage.

Yoane 15:3

Mwabiriera busana nʼekĩnywa ekyo nabiribabwira.

Yoane 15:6

Omundu amatindamatikana nage, akagusawa eyĩhya ngʼomutahi, iniuma, Emitahi ngʼeyĩ ikakumirawa haguma, iyaguswa omo muliro iyahya.

Yoane 15:8

Mwamayira endũndĩ nene, Tata wage akasĩkĩbawa busana nʼekyo, kandi mũkakangaya ko muli biga bage.

Yoane 17:12

Omugulu nabya nabo, monateyabo omo bũtokĩ bwʼerĩna lyawe, eryo wamba. Monateyabo, kandi mohatahera mundu nʼomuguma, yo nʼowʼerihera, busana nʼerĩberererya Amasako.

AbanyaRoma 11:17

Nĩkwa eyindi mitahi yʼomuti wʼomũzeĩtũnĩ yamatahulwa, nawe Omutahi wʼomũzeĩtũnĩ wʼomolĩ ũkahĩrawa omo muti oyo ukasangira mo muboga wʼamatsitsi awakalũa omo mũlĩhĩ.

AbanyaRoma 11:22

Lebaya obubuya nʼobukali bya Nyamuhanga. Akalĩre busana nʼabandu abawa, nĩkwa ni mubuya ukʼuwe, wamakwamirira omo bubuya buwe. Bite bitya, nawe, wasyatũbwa nibya.

AbanyaRoma 8:28

Tũnasĩ ngoko Nyamuhanga akaleka emyatsi yosĩ ĩyowana busana nʼabakamwanza, kandi busana nʼabo abirikira ngʼerĩyĩsũnza liwe.

1 AbanyaKorinto 13:1

Namabũga omo mĩbũge yʼabandu nʼeyʼabamalaĩka, nĩkwa isingwite olwanzo, nabiribya ngʼomukenge owakalahira kutse ngʼekengele eyĩkabũgĩrana.

Tito 2:14

Kristo mwayiha busana netu erĩtũtongolya oko bibi byosĩ, nʼerĩerya abandu busana naye ĩyowene-wene, abali nʼomũhwa wʼerikola emĩbĩrĩ yowene.

AbaEbrania 12:15

Mũlebaye Sihabye omundu oyukabula oko lukogo lwa Nyamuhanga. Kandi mũlebaye Sihabye omundu oyũkalĩre omo mutima, oyukaleta obũlĩge, neryo abangi bakatsanda.

1 Yoane 2:19

Abandu aba sibabya bʼũkwʼĩtwe, kyaleka ĩbatũlũako. Kusangwa kumbe babya bʼũkwʼĩtwe, nga babĩrĩsĩgala netu. Nĩkwa mobagenda ikyaminyikala ndeke abosĩ abo ko bate bʼũkwʼĩtwe.

Eribisurirwa 3:19

Ngakunga nʼerisuyira abosĩ abo nyanzĩre. Neryo ubye nʼomũhwa, ubindule omutima wawe erireka ebibi.