Yoane 15:16 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁶ Simwetayisoga ngye, nĩkwa nayisoga nywe, kandi nabĩrĩbahĩra eriyatunda endũndĩ, kandi endũndĩ yenyũ iyatoka eribyaho. Neryo Tata asyabaha ekĩndũkĩ ekyo mũkabũlaya omo lĩna lyage.

Nouveau Testament et Psaumes en Ndandi Version 1962

¹⁶ Simwetayisoga ingye, nikwa ingye nayisoga inywe, neribahiraho, busana neribwambu mugende mubute ebiguma, nebiguma byenyu bikale: neryo ekinduki mwasya bulya Tata omo rina ryage, iniabahakyo.

Yoane 15:16 Iomraidhean Croise

Enzũko 18:18

Kusangwa kwenene asyabya kihanda kinene kyʼamaka, nʼebihanda byosĩ byʼekihugo byasyatsumulwa omwisi siwe.

Esyonyimbo 145:4

Olulengo luguma lwasyapipa omũbĩrĩ wawe erĩhĩka oko lundi lulengo; Basyambagula emĩbĩrĩ yawe yʼamaka.

Esyonyimbo 71:18

Na lino namabya mukulu, nʼesyombwĩ syabirilasa, uwe Nyamuhanga, sũnyĩrekeranaye! Ubye haguma nage omugulu ngakanganaya Obũtokĩ nʼamaka wawe oko syondengo syosĩ esikandisyasa.

Emĩsyo 11:30

Ebĩgũma byʼabatunganene ni muti wʼengebe; Nʼomwenge akatunga emitima yʼabandu.

Ĩsaya 27:6

Oko biro bikasa Yakobo asyahanda emĩrĩhĩ, Ĩsraelĩ asyahũlũkya omusanga nʼerĩtũherya. Kandi basyũsũlya ekihugo kyosĩ mwʼebĩgũma.

Mĩka 5:7

Neryo abasĩgalira uku Yakobo basyabya omo katĩkatĩ kʼabandu ngʼekimi ekĩkalũa oko Mwami Mukulu ngʼembũla oko biti ebiterinda omundu, kutse eriamala oko bagala bʼabandu.

Matayo 21:22

Kandi emyatsi yosĩ eyo mũkabũlaya omwʼisaba, ĩmũkĩkĩrĩraya, mwasyabanayo.

Matayo 7:7

Mũbũlaye, mwasyahabwakyo; musonda-sondaye, neryo mwasyabanakyo; mukongote oko lũyĩ, neryo mwasyakingulirwalo.

Luka 6:13

Neryo bwabere bwakya, mwabirikira abiga buwe, neryo mwayisoga ĩkũmĩ nʼababiri kubo, mwahulabo mo bakwenda.

Yoane 13:18

Sindibahula ĩnywe bosĩ. Nyĩnasĩ abo nayisoga. Nĩkwa ni busana nʼerĩberererya Amasako, awakabũga ati, Oyukalya akalyo kage, abĩrĩnyĩlolya kʼomugongo.

Yoane 15:19

Nga muli bʼekihugo, kumbe ekihugo kyangabanzĩre ngʼabakyo. Nĩkwa nayisoga nywe omo kihugo kino, kandi Simuli bakyo; kikaleka ekihugo ĩkyabakwa obusu.

Yoane 15:5

Ĩngye indi ndĩna yʼebĩnyũ, nenyũ muli mitahi. Oyumatikene nage, nage nyimatikene naye, yo yukayira endũndĩ nene busana na Nyamuhanga. Kusangwa mutamatikene nage Simwangatoka erikolakĩ.

Yoane 6:70

Yesu mwasũbĩryabo ati, Mondayisoga nywe, erĩkũmĩ nʼababiri, kwehĩ? Nĩkwa omuguma gʼũkwʼĩnywe nĩ Satanĩ.

Emibiri 1:24

Neryo mobasaba bati, Uwe, Mukama, ũnasĩ emitima yʼabandu bosĩ. Neryo Mukama, Ũkanganaye oko babiri aba, oyo wamayisoga,

Emibiri 1:8

Nĩkwa mwasyabana obũtokĩ omugu­lu Omũlĩmũ Abũyĩrĩre asyabahĩkako. Kandi mwasyabya batũlĩ bʼomwatsi wage eYerũsalema nʼomo Yũdea yosĩ, nʼeSamarĩa, nʼerĩhĩka oko ndũlĩ-ndũlĩ syʼekihugo.

Emibiri 10:41

Nĩkwa abandu bosĩ mobatamulolako, nĩna twe twabya balangĩrĩ abo Nyamuhanga ayisoga erĩmbere, Ĩtwe motwalya nʼerĩpũlya haguma naye abĩlũbũka oko baholĩ.

Emibiri 22:14

Neryo Anania mwabũga ati, Nyamuhanga wʼaboso-kulu wetu abiriyisogawe eriminya erisonda liwe, nʼerilangira Oyutunganene, nʼerĩmowa akabũga nʼomulenge wuwe.

Emibiri 9:15

Nĩkwa Omukama mwabwira Anania ati, Ugende, kusangwa nabiriyisogaye, erĩmĩnyĩsya erĩna lyage oko bʼEbihanda, nʼabami, nʼabana ba Ĩsraelĩ.

AbanyaRoma 1:13

Nyanzĩre imwaminya ndeke, balĩkyetu, ko nalenga esyongendo nyingi eriyabalolako. Nĩkwa nabĩrĩkakĩrĩbwa kandi nʼakandi. Nabya nyanzĩre eribana abandu busana na Nyamuhanga omo katĩkatĩ kenyũ, ngoko twabanabo, omo katĩkatĩ kʼebindi bihanda.

AbanyaRoma 1:5

Busana na Kristo twabirihabwa olukogo, kandi twabĩrĩhĩrwa mo bakwenda buwe, erisondola abandu bʼebihanda byosĩ erĩmwĩkĩrĩrya nʼerimukenga.

AbanyaRoma 15:4

Kusangwa ebyosĩ ebyasakawa erĩmbere omo Masako byasakawa busana nʼerĩtũkangĩrĩrya. Neryo Amasako akatuha eriyitsingirira nʼerihanda omutima, itwatoka eribya nʼamaha.

AbanyaRoma 9:21

Omũbũmbĩ siawite ehamũlĩ oko libumba erikola ngoko anzĩre kwehĩ? Kutse eribumba enyungu busana nʼomũbĩrĩ mubuya, kutse omũbĩrĩ mutya-mutya kwehĩ?

1 AbanyaKorinto 10:11

Neryo emyatsi eyĩ moyahĩka kubo ngʼekĩmĩnyĩsyo busana nʼabandi bandu, kandi moyasakwa busana nʼeritukunga. Kusangwa twĩkere hakũhĩ nʼendũlĩ yʼomugulu ono.

AbanyaGalatia 1:15

Nĩkwa Nyamuhanga, omo lukogo luwe, mwayisoga ngye inyikine omo nda ya koyo, mwanyibirikira erimukolera.

AbanyaEfeso 2:10

Kusangwa Nyamuhanga atubumba, nʼerĩtũmatĩkanĩa na Kristo Yesu, abirituhangika ati tukole emĩbĩrĩ yowene eyo akokotaya kera, ati tubye tukakolayo.

AbanyaKolosai 1:23

Nĩkwa litolere imwakwama butsira eriregula omwʼĩkĩrĩrya, ĩmũnasĩkĩre ndeke. Sĩmũtũndawe mukaleka amaha wʼEngulu Yowene eyo mowa. Ĩngye Paũlo nabiribya mugombe wʼEngulu Yowene eyĩ, eyĩkakangĩrĩrĩbawa oko bandu bosĩ muna-kihugo.

AbanyaKolosai 1:6

Engulu Yowene inemuleta omũyĩsa, kandi inemukanyirira omo kihugo kyosĩ. Litya yabirikola omo katĩkatĩ kenyũ erĩtsũka ekiro mowa engulu yʼolukogo lwa Nyamuhanga nʼeriminyalo ndeke-ndeke ngoko luli kwenene.

1 Timoteo 2:7

Busana nʼomwatsi oyũ, natumawa eribya Omũgambũlĩ, nʼomukwenda, nʼOmũkangĩrĩrya wʼebihanda babane erĩkĩrĩrya nʼeriminya omwatsi wʼekwenene. Sindibiha, ngabũga kwenene.

2 Timoteo 1:11

Nyamuhanga abĩrĩnyĩhĩra erĩtũla Engulu Yowene nʼeribya mukwenda nʼOmũkangĩrĩrya.

2 Timoteo 2:2

Wĩmaye ebĩnywa ebyo wowa ngabũga embere syʼabalangĩrĩ banene, ũkangĩrĩrayebyo oko bandi bandu abateregula, abakatoka erĩkangĩrĩrya abandi bandu.

Tito 1:5

Monakũsĩga eKrete busana nʼerĩtegekanĩa emyatsi eyasĩgalira, kandi busana nʼerĩhĩra abakulu bʼekanisa omo buli mũyĩ, ngoko nakuhana.

AbaEbrania 11:4

Busana nʼerĩkĩrĩrya Abele mwaherera Nyamuhanga obuhere bowene kwilaba obwa Kaĩna. Neryo Nyamuhanga mwamwahula mo mutunganene kusangwa Nyamuhanga mwatũlago kwʼamalĩga olũsũnzo luwe. Kandi busana nʼerĩkĩrĩrya liwe, Abele nomo anahola, akĩnabũga.

Yakobo 3:18

Kandi emyatsi eyikaleta ebitunganene ĩkatsũka omo buholo busana nʼabandu abakayira Obuholo.

1 Petero 3:15

Nĩkwa omo mitima yenyũ mukenge Kristo ngʼomukama wenyũ. Ĩmũnasĩkĩre endambĩ yosĩ erĩsũbĩrya obuli mundu oyũkababũlaya busana nʼamaha ago muli nago.

1 Petero 3:2

Kusangwa bakalebaya emigendere yenyũ mibuya eyikakenga.

1 Yoane 4:10

Olwanzo lolũ; butsira ambu ĩtwe twanza Nyamuhanga, nĩkwa iye mwatwanza, mwatuma Omugala wuwe eribya mbanulo busana nʼebibi byetu.

1 Yoane 4:19

Tukanza, kusangwa Nyamuhanga mwatsũka eritwanza.