Yoane 15:12 - AMASAKO ABOYTRTRE WA NYAMUHANGA AWAKAHULAWA MO BIBLIA

¹² Ekihano kyage kiti: mwanzane, ngoko nabiribanza.

Nouveau Testament et Psaumes en Ndandi Version 1962

¹² Eri ni hana ryage, mwanzane, ngoko nyibanzire.

Yoane 15:12 Iomraidhean Croise

Malakĩ 1:2

Omwami Mukulu ati, Nabiribanza. Nĩkwa mũkabũga muti, Wabiritwanza umu kyahi kwehĩ? Esaũ siabya mugala wabo Yakobo kwehĩ? Omwami Mukulu ati, Nabirianza Yakobo;

Yoane 13:34

Ngabaha ekihano kihyakihya nyiti, Mwanzane. Ngoko nabiribanza, nenyũ mwanzane mutya.

Yoane 15:17

Neryo ngabahana nyiti, Mwanzane.

AbanyaRoma 12:10

Mwanzane kutsibu ngʼabasubeneko. Mukengane nʼeribya nʼomutima wʼerĩsĩkya abandi.

AbanyaEfeso 5:2

Mukole ebyosĩ omo lwanzo, ngoko Kristo atwanza, kandi mwaha engebe yiwe busana netu ngʼobuhere obukakumba ndeke, ehongo eyĩkatsemesaya Nyamuhanga.

1 AbanyaTesalonika 3:12

Kandi Omukama aleke olwanzo lwenyũ lukanye nʼeribwaga busana nʼerianzana, na busana nʼerianza bandu bosĩ, ngoko lwanzo lwetu luli busana nenyũ.

1 AbanyaTesalonika 4:9

Sihali bwaga bwʼeribasakira ebarua busana nʼerianza abalĩkyetu abĩkĩrĩrye, kusangwa Nyamuhanga akabakangĩrĩraya ngoko mwanganzana.

2 AbanyaTesalonika 1:3

Balĩkyetu, litutolere eriha Nyamuhanga ewasĩngya busana nenyũ oko migulu yosĩ! Kandi lyowene itwakola tutya, kusangwa erĩkĩrĩrya lyenyũ linemukula kutsibu, kandi olwanzo lwʼobuli mundu omo katĩkatĩ kenyũ lunemukanyirira busana nʼabandi balĩkyetu bosĩ.

1 Petero 1:22

Neryo kusangwa mwabĩrĩerya emitima yenyũ, busana nʼerĩowa omwatsi wʼekwenene, kandi mwabiribya nʼolwanzo olute nʼeriteba busana nʼabalĩkyetu, lino litolere imwanzana nʼemitima yenyũ yosĩ nʼomũhwa.

1 Petero 3:8

Omo myatsi yosĩ eyĩ tuti, Ĩnywe bosĩ mubye nʼobũlengekanĩa buguma, nʼomutima muguma, mwanzane ngʼabasubeneko, mubye nʼomutima mubuya, kandi mũyĩkehaye.

1 Petero 4:8

Kwilaba emyatsi yosĩ, mũkwe omũhwa wʼerianzana kutsibu, kusangwa olwanzo lũkakũnĩngĩra ebibi bingi.

1 Yoane 3:23

Neryo ekihano kiwe kiti twĩkĩrĩraye erĩna lyʼomugala wuwe Yesu Kristo, nʼerianzana, ngoko Kristo atuhana.

1 Yoane 4:21

Kandi Kristo mwatuha ekihano ekĩ ati, Oyo wanzĩre Nyamuhanga, anze nʼomũlĩkyabo nibya.

2 Yoane 1:5

Neryo lino, uwe mugole, ngakulemba-lemba nyiti, ĩtwe bosĩ twanzane. Sindisaka ekihano kihya-kihya, nĩkwa ekihano ekyo twabya nakyo erĩtsũka erĩmbere.