Yoane 15:11 - AMASAKO ABOYTRTRE WA NYAMUHANGA AWAKAHULAWA MO BIBLIA

¹¹ Nabiribabwira emyatsi eyĩ, obutseme bwage bubye omo mitima yenyũ, kandi obutseme bwenyũ bũhĩkane.

Nouveau Testament et Psaumes en Ndandi Version 1962

¹¹ Nabiribuga emyatsi eyi nenyu, obutseme bwage bubye omwisi wenyu, kandi nobutseme bwenyu ibusulibwa.

Yoane 15:11 Iomraidhean Croise

Ĩsaya 53:11

Busana nʼeriagalwa lyʼomutima wuwe, asyalangira ekyakakala nʼerĩsĩma. Busana nʼamenge wuwe, Oyutunganene, omugombe wage, asyayira abangi mo batunganene, kandi asyaheka ebibi byabo.

Ĩsaya 62:4

Siwendisyaswahulwa mo Mũsĩgwa, kutse ekihugo kyawe sikyendisyaswahulwa mo Mulala. Nĩkwa wasyahulwa mo Mutsemerwa wage, nʼekihugo kyawe mo Beũla ahikĩbwe, kusangwa Omwami Mukulu akakutsemera, nʼekihugo kyawe kyasyamuherukirako.

Yeremĩa 32:41

Ega, nasyatsemerabo erikolerabo ebibuya, kandi nasyahandabo kwenene kwenene omo kihugo ekĩ nʼomutima wage gosĩ nʼomo kĩrĩmũ kyage kyosĩ.

Yeremĩa 33:9

EYerũsalema yasyabya busana nage omũyĩ wʼobutseme, nʼeripipa nʼolukengerwa, embere syʼebihanda byosĩ byʼekihugo, omugulu bakandĩsyowa ebibuya ngakolerabo, neryo bakandisyubaha nʼerititimana busana nʼebibuya byosĩ nʼobuholo bosĩ ngaletera omũyĩ.

Zefania 3:17

Omwami Mukulu Nyamuhanga wawe ali omo katĩkatĩ kawe, omũlwĩ Oyũkakinda. Asyakutsemera nʼobutseme; asyabasũbya mo bahya-bahya omo lwanzo luwe; asyakutsemera nʼeriimba.

Luka 15:23

Neryo mulete ekyana kyʼende ekĩnenehĩre; mũsĩnzekyo, tulye, tutsange!

Luka 15:32

Nĩkwa lĩwe litolere itwalya nʼeritsema, kusangwa mugala wenyũ oyũ abya aholĩre na lino aneho, kandi abya ĩnĩaherĩre, neryo lino abiribanika.

Luka 15:5

Omugulu akabanayo, akatsema, ĩnĩahĩrayo oko bitigo biwe,

Luka 15:9

Omugulu akabanalo, akabirikira abĩra buwe nʼabalĩkyabo ati, Mutseme haguma nage, kusangwa nabiribana olufranka olo natalaya!

Yoane 16:24

Erĩhĩka lino, sĩmwetabũlyakĩ omo lĩna lyage; mũbũlaye, neryo mwasyabanakyo, obutseme bwenyũ butoke erĩhĩkana.

Yoane 16:33

Namababwira emyatsi eyĩ imwabana Obuholo busana nʼerimatikana nage. Omo kihugo mwasyabana erĩendererĩbwa. Nĩkwa muhande emitima! Nabĩrĩkĩnda ekihugo!

Yoane 17:13

Neryo ngasa ukʼuwe, nʼemyatsi eyĩ ngabũgayo omo kihugo, ibatoka eribya nʼobutseme bwage obũhĩkene omo mitima yabo.

Yoane 3:29

Oyuwite Omũherũkĩ, nĩ ĩba wʼomũherũkĩ; nĩkwa omwĩra wʼĩba wʼomũherũkĩ, oyo wimene nʼerimuhulikirira, akatsema kutsibu erĩowa omulenge wʼĩba wʼomũherũkĩ. Litya obutseme bwage bwamahĩkana.

AbanyaRoma 15:13

Nĩkwa Nyamuhanga, oyukaleta maha, abosũlaye nʼobutseme bosĩ nʼobuholo bosĩ busana nʼerĩmwĩkĩrĩrya, amaha wenyũ akanyirire kutsibu omo bũtokĩ bwʼOmũlĩmũ Abũyĩrĩre.

2 AbanyaKorinto 1:24

Sĩtwanzĩre eritabala okwʼĩkĩrĩrya lyenyũ. Nĩkwa twanzĩre erikola haguma nenyũ, nʼeribaha obutseme; kusangwa mukahangana ndeke omwʼĩkĩrĩrya lyenyũ.

AbanyaEfeso 5:18

Sĩmũkũnde omo bĩnyũ, kusangwa hali eritamira, nĩkwa mũsũle mʼOmũlĩmũ Abũyĩrĩre.

AbanyaFilipi 1:25

Kusangwa nabiriminya ekĩ, ngandĩsĩgala, nʼeribya haguma nʼĩnywe bosĩ busana nʼerĩbalolya emuliro omwʼĩkĩrĩrya lyenyũ, nʼobutseme bwenyũ.

1 AbanyaTesalonika 5:16

Mutseme emigulu yosĩ.

1 Petero 1:8

Neryo mukanza Yesu Kristo nomo mutetamulolako, kandi mũkamwĩkĩrĩraya nomo mutetamulangira lino, kandi mukatsema kutsibu nʼobutseme obutetoka eriahulwa, obuwite olukengerwa.

1 Yoane 1:4

Tukasaka emyatsi eyĩ, obutseme bwetu bũhĩkane.

2 Yoane 1:12

Nyiwite ebĩnywa bingi byʼerĩbatũlĩra, nikwa sĩnyanzĩre erisakabyo omo karatasi nʼobwĩno. Nĩkwa ngwite amaha erĩbahĩkako nʼerĩkanĩa nenyũ obũsũ oko bũsũ, obutseme bwetu bũhĩkane.