Yoane 15:1 - AMASAKO ABOYTRTRE WA NYAMUHANGA AWAKAHULAWA MO BIBLIA

¹ Ĩngye indi mũlĩkĩ-rĩkĩ wʼebĩnyũ wʼekwenene, kandi Tata wage nĩ mũlĩmĩrĩ.

Nouveau Testament et Psaumes en Ndandi Version 1962

¹ Ingye ndi ndina ya binyu ya kwenene, na Tata wage ni mulimiri.

Yoane 15:1 Iomraidhean Croise

Olwimbo lwʼEsyonyimbo 7:12

Tutsinduke eriya omo malima wʼebĩnyũ. Tulangire omũlĩkĩ wʼebĩnyũ ngʼakaleta omusanga, Nʼomusanga wabyo ngʼamaleta ebĩgũma, Nʼesyokomamanga nga sinemuleta omusanga. Nʼeyo nasyakuha olwanzo lwage.

Ĩsaya 4:2

Oko kiro ekyo Omutahi wʼOmwami Mukulu asyabya mubuya nʼowʼolukengerwa, nʼesyombuto syʼekihugo syasyabya mbuya nʼebyambalo byʼabandu ababala ba Ĩsraelĩ.

Ĩsaya 60:21

Neryo abandu bawe basyabya batunganene abosĩ. Basyasĩgalya ekihugo kera na kera. Omutahi ogo nahera, omũbĩrĩ wʼebyala byage, Inatoka erikengwa.

Ĩsaya 61:3

eriha abandu abakalirira eSĩonĩ, erihabo omusanga wʼeriambala omo mwanya wʼerĩbũ, nʼamagũta wʼobutseme omo mwanya wʼeririra, nʼolukimba lwʼeripipa omo mwanya wʼekĩrimũ kikalembera. Ibabana eriahulwa mo miti yʼeterebĩntĩ yʼeritunganene, eyaherawa nʼOmwami Mukulu, atoke erikengwa.

Yeremĩa 12:10

Abalĩsya bangi babĩrĩherya eririma lyage lyʼebĩnyũ, babiriryatangirira amalima wage wʼahisi omwisi wʼebisando, babiriyira ekitaka kyage kyowene mo mbwarara yʼomulala.

Yeremĩa 2:21

Nĩkwa nabya inabirikuhera mo mũlĩkĩ mubuya wʼebĩnyũ, embuto eyiteregula eyowenenga. Ko wamabinduka uti mo mitahi ĩtsandĩre yʼomũlĩkĩ wʼebĩnyũ wʼehandi busana nage kwehĩ?

Ezekĩelĩ 19:10

Koyo wawe abya ngʼomũlĩkĩ wʼebĩnyũ, omwʼirima lyawe lyʼebĩnyũ, ĩnĩaherĩre hakũhĩ nʼamagetsi. Omũlĩkĩ oyo mwaheta kandi mũsũla nʼemitahi busana nʼamagetsi mangi.

Hosea 10:1

Ĩsraelĩ nĩ mũlĩkĩ owabogĩre, akahetaya ebĩgũma busana naye. Ngʼobungi bwʼebĩgũma byago abĩrĩkanyĩa amaherero wuwe; nʼomo bubuya bwʼekihugo kiwe abiriyira obubuya bwʼesyondũyĩ sĩbũyĩrĩre.

Zekarĩa 3:8

Uwe Yosũa, omũhererĩ mukulu, wowe lino, uwe nʼabalĩkyenyũ abĩkere embere syawe; mĩnyĩsyo; kusangwa, lebaya, nasyaletamo Omugombe wage, go Mutahi.

Matayo 15:13

Yesu mwasũbĩryabo ati, Obuli mbuto eyo Tata wage wʼelubula atahera yasyakulangwa.

Matayo 20:1

Kusangwa obwami bwʼelubula bulingene nʼomwenye kitaka oyo watsinduka erĩsondya abahĩngĩ busana nʼeririma liwe lyʼebĩnyũ.

Matayo 21:33

Muhulikirire ogundi mũsyo. Habya omundu mwenye kitaka oyo wahera eririma lyʼebĩnyũ, kandi mwatĩmbya kulyo kwʼekĩyĩte, kandi mwatakula endindo yʼerikamira mwʼebĩnyũ, kandi mwahĩmbaho enyũmba eyĩsũngũlĩkĩre. Neryo mwasĩgĩrayo abalĩmĩ, neryo mwaya oko lugendo omo kindi kihugo.

Mariko 12:1

Neryo Yesu mwatsũka erĩbũga nabo omo mĩsyo ati, Habya omundu oyo wahera eririma lyʼebĩnyũ, mwatĩmbya kulyo kwʼekĩyĩte, neryo mwatakula endindo eyʼerikamiramo ebĩnyũ, kandi mwahĩmbaho enyũmba eyĩsũngũlĩkĩre. Neryo mwasĩgĩralyo abalĩmĩ, neryo mwaya omo kindi kihugo.

Luka 13:6

Neryo Yesu mwatwĩrabo omũsyo oyũ ati, Omundu abya nʼomuti wʼomũtĩnĩ owaherawa omwʼirima liwe lyʼebĩnyũ. Neryo omundu oyo mwahĩka erisonda kwʼebĩgũma, mwatabana byoko.

Yoane 1:17

Kusangwa Nyamuhanga mwaha Musa Emigambo, nĩkwa olukogo nʼekwenene, Yesu Kristo yo waletabyo.

Yoane 1:9

Ekyo kyabya kyakakala kyʼekwenene ekĩkahĩka omo kihugo, nʼerĩkolerya obuli mundu.

Yoane 15:2

Obuli mutahi owamatikene nage, owateheta kwʼebĩgũma, akatwago; kandi oko buli mutahi Owakahetaya ebĩgũma, akasara kugo kwʼebĩtawene, Omutahi oyo atoke eriheta kwʼebindi bĩgũma.

Yoane 6:32

Yesu mwabwirabo ati, Kwenene, kwenene ngababwira, kwʼatabya Musa oyo wabaha obundu obwalũa elubula; nĩkwa ni Tata wage oyukabaha obundu bwʼekwenene obũkalũa elubula.

Yoane 6:55

Kusangwa omubiri wage ni kalyo kũndũ, nʼomusasi wage nĩ ʼpũlya lyʼekwenene.

AbanyaRoma 11:17

Nĩkwa eyindi mitahi yʼomuti wʼomũzeĩtũnĩ yamatahulwa, nawe Omutahi wʼomũzeĩtũnĩ wʼomolĩ ũkahĩrawa omo muti oyo ukasangira mo muboga wʼamatsitsi awakalũa omo mũlĩhĩ.

1 AbanyaKorinto 3:9

Kusangwa Nyamuhanga yo tukakola haguma naye, kandi ĩnywe muli irima lya Nyamuhanga. Kandi muli nyũmba ya Nyamuhanga.

1 Yoane 2:8

Nĩkwa kandi ekihano ekyo ngabasakira ni kihya-kihya, nʼekwenene yakyo ikalolawako omwisi wa Kristo nʼomwisi wenyũ nibya. Kusangwa omwĩrĩmya akalenga, nʼekyakakala kyʼekwenene kĩnemũkolerya.