Yoane 13:1 - AMASAKO ABOYTRTRE WA NYAMUHANGA AWAKAHULAWA MO BIBLIA

¹ Nĩkwa embere wʼEbiro Bikulu byʼErikiruka, Yesu mwaminya kwʼendambĩ yiwe yamabĩhĩka eyʼerĩlũa omo kihugo kino, nʼeriya eyiri Ĩse. Abya iniabirianza abuwe ababya omo kihugo, kandi mwanzabo erĩhĩka oko ndũlĩ.

Nouveau Testament et Psaumes en Ndandi Version 1962

¹ Nikwa embere yekiro ekyo kinene kyErilabwako, Yesu inianasi endambi yiwe yamahika eyerilwa omo kihugo eriya eyiri Ise, abya anzire abuwe ababya omo kihugo, mwa nzabo erihika oko nduli.

Yoane 13:1 Iomraidhean Croise

Emĩsyo 8:31

Nʼeritsemera ekihugo kiwe; Nʼobutseme bwage bwabya haguma nʼabagala bʼabandu.

Yeremĩa 31:3

Omwami Mukulu mwahuluka kubo, akalũa hali ati, Ĩsraelĩ nabirikwanza nʼolwanzo lwa kera na kera. Neryo omo bubuya bʼolwanzo nabirikuleta.

Matayo 26:45

Neryo mwasuba oko biga, mwabwirabo ati, Mukineto, mukinauhuka kwehĩ? Lebaya! Endambĩ yamahĩka, nʼomugala wʼomundu akahĩrawa omo byala byʼabandu babi.

Matayo 28:20

Mũkangĩrĩrayebo bakole ebyosĩ ebyo nabiribahana. Kandi mwibuke! Ingye ko ndi haguma nenyũ ebiro byosĩ erĩhĩka okwʼihwererera lyʼemigulu.

Luka 22:53

Omugulu nabya haguma nenyũ obuli kiro omo Hekalũ, momutalenga erinyihamba, nĩkwa endambĩ eno nĩ yenyũ nʼeyʼobũtokĩ bʼomwĩrĩmya.

Luka 9:51

Neryo ebiro bya Yesu byʼeritwalwa elubula byabere byasonda erĩhĩka hakũhĩ, mwahĩra omutima wuwe oko lugendo lwʼeriya eYerũsalema.

Yoane 11:55

Neryo Ebiro Bikulu byʼAbayũda byʼErikiruka byabya hakũhĩ, kandi, abandu bangi abalũa okolĩ mobahetukira eYerũsalema embere wʼEbiro Bikulu byʼErikiruka, bati bakwame emitsye yʼerĩyerya.

Yoane 12:23

Neryo Yesu mwasũbĩryabo ati, Endambĩ yabĩrĩhĩka, Omugala wʼOmundu ahabawe olukengerwa.

Yoane 13:29

Abandi baganĩraya bati kusangwa Yũda abya nʼengunza yʼesyofranka, Yesu mwamubwira ati, agule ebindu ebitutolere busana nʼeBiro Bikulu; kutse ahe ekindu oko bera.

Yoane 13:3

Kandi Yesu abya asĩ kwʼĨse abĩrĩhĩra emyatsi yosĩ yʼomo hamũlĩ yiwe. Kandi abya asĩ kwʼalũa ewa Nyamuhanga iniakasyaya ewa Nyamuhanga.

Yoane 13:34

Ngabaha ekihano kihyakihya nyiti, Mwanzane. Ngoko nabiribanza, nenyũ mwanzane mutya.

Yoane 14:28

Momowa ngababwira nyiti, Ngagenda, kandi nasyaswasa ũkwʼĩnywe. Kumbe mulwe mũnyanzĩre, nga mwabiritsema, kusangwa ngaya uku Tata; kusangwa andengĩre.

Yoane 14:31

Ngoko Tata anyihana, ko ngakola nyitya, ekihugo kitoke eriminya ko nyanzĩre Tata.

Yoane 16:28

Nalũa uku Tata, kandi monahĩka omo kihugo; neryo ngalũa omo kihugo nʼeriya uku Tata.

Yoane 17:1

Neryo Yesu mwabũga emyatsi, neryo mwalalamira elubula ati, Tata endambĩ yabĩrĩhĩka; uhe Omugala wawe olukengerwa, Omugala atoke erikuha olukengerwa.

Yoane 17:16

Si bʼekihugo, ngoko nyite wʼekihugo.

Yoane 17:26

Kandi nabĩrĩkũmĩnyĩsya kubo neryo nasyaswakũmĩnyĩsya; neryo olwanzo olo wanyanzamo lubye omo mitima yabo, nage inamatikana nabo.

Yoane 17:5

Na lino, Tata, ũnyĩsĩkaye embere syawe, kandi omo lukengerwa olo nabya nalo haguma nawe ekihugo kite kyahangikwa,

Yoane 18:4

Neryo Yesu abya asĩ emyatsi yosĩ eyikandĩmũhĩkako, neryo mwahuluka mwabũlyabo ati, Mukasonda-sondandi kwehĩ?

Yoane 19:28

Neryo enyũma wʼaho Yesu ĩnĩanasĩ kwʼemyatsi yosĩ yamabihwa, Amasako abererere, mwabũga ati, Nyĩkwĩre enyota.

Yoane 2:13

Neryo Ekiro kyʼErikiruka kyʼAbayũda kyabya hakũhĩ, kandi Yesu mwahetukira eYerũsalema.

Yoane 6:4

Neryo Ebiro Bikulu byʼErikiruka byʼAbayũda byabya hakũhĩ.

Yoane 7:30

Neryo mobasonda-sonda erimuhamba, nĩkwa mohatabya mundu oyo wamũhĩra kwʼebyala, kusangwa endambĩ yiwe ĩsĩrĩyahĩka.

Yoane 7:6

Neryo Yesu mwabũga nabo ati, Endambĩ yage siriyahĩka, nĩkwa endambĩ yenyũ ĩkahĩka emigulu yosĩ.

Yoane 8:20

Yesu mwabũga ebĩnywa ebĩ omo Hekalũ omo kyumba aho babya bakabika esyofranka syʼekĩbo. Kandi sihabya mundu wamuhamba, kusangwa endambĩ yiwe ĩsĩrĩyahĩka.

AbanyaRoma 8:37

Nĩkwa omo myatsi yosĩ eyĩ tũkakĩnda ndeke busana nʼoyo watwanza!

1 AbanyaKorinto 1:8

Naye asyabasĩkya erĩhĩka oko ndũlĩ, isimuli oko lubanza oko kiro kyʼomukama wetu Yesu Kristo.

AbaEbrania 3:14

Kusangwa twabirisangira uku Kristo, twamasĩka ndeke omwʼiyiketera lyetu erĩhĩka oko ndũlĩ.

AbaEbrania 3:6

Nĩkwa Kristo abya butsira eriregula ngʼomugala oyũkategaya enyũmba ya Nyamuhanga. Netu tuli enyũmba eyo, twamahanda omutima, kandi tukayiketera nʼeriyihalamba omo maha wetu.

AbaEbrania 6:11

Kandi twanzĩre kutsibu obuli mundu gʼũkwʼĩnywe akangaye omũhwa wuwe erĩhĩka oko ndũlĩ, nʼerĩberererya amaha wuwe.

1 Petero 1:13

Neryo mubye nʼamalengekanĩa wʼerikola omũbĩrĩ. Mũyĩtegaye, mũhĩre amaha wenyũ ndeke oko lukogo olo Yesu Kristo asyabaletera ekiro asyabĩsũlwa.

1 Yoane 4:19

Tukanza, kusangwa Nyamuhanga mwatsũka eritwanza.

Eribisurirwa 1:5

kandi bĩkalũa uku Yesu Kristo, omũtũlĩ wʼomwatsi oyuteregula, Omugala, akambere oyo walũbũkĩbawa oko luholo, omũtabalĩ, wʼabami bʼekihugo. Ukwʼoyukatwanza, kandi yo watubohola oko bibi byetu omo musasi wuwe,