Yoane 11:51 - AMASAKO ABOYTRTRE WA NYAMUHANGA AWAKAHULAWA MO BIBLIA

⁵¹ Nĩkwa mwatabũga ebĩ omo hamũlĩ yiwe ĩyowene, nĩkwa kusangwa abya Mũhererĩ Mukulu oko bahererĩ bosĩ oko mwaka oyo, mwaminyerera ati, Yesu akandisyaholera ekihanda kyʼAbayũda.

Nouveau Testament et Psaumes en Ndandi Version 1962

⁵¹ Mwatabuga eki eriyahula: nikwa rye eribya omukulu wabahereri oko mututa oyo, mwaminyerera ko Yesu akandisyaholera ekihanda;

Yoane 11:51 Iomraidhean Croise

Erĩlũayo 28:30

Kandi Wasyahĩra omo kyuma kyʼekĩkũba kyʼeritswera Ũrĩmũ na Tũmĩmũ; nabyo byasyabya oko mutima wa Harũnĩ, omugulu akingira embere syʼOmwami Mukulu; na Harũnĩ asyaheka eritswera lyʼabana ba Ĩsraelĩ oko mutima wuwe embere syʼOmwami Mukulu ebiro byosĩ.

Danĩelĩ 9:26

Neryo enyũma wʼamayenga makũmĩ ndatu nʼawabiri, Mesĩa asyalũsĩbwaho, isiendisyabya nʼekindu; nʼabandu bʼomunya-mwami oyo wasyasa, basyaherya omũyĩ nʼahabũyĩrĩre. Nʼendũlĩ yago yasyabya erigunga lyʼamagetsi, nʼerĩhĩka oko ndũlĩ hasyabya amalwa; emilala yabiritegekwa.

Emiganzo 22:28

Neryo Omwami Mukulu mwakũmbũla obuno bwʼepunda, moyabwira Balama iti, Nakũjolĩrekĩ, kikaleka ĩwanzwĩrya esyongendo ĩsatu esĩ kwehĩ?

Emiganzo 24:2

Na Balama mwasumba ameso wuwe, mwalangira Ĩsraelĩ ĩbĩkere mo kihanda kihanda; nʼOmũlĩmũ wa Nyamuhanga mwamũhĩkako.

Matayo 20:28

Kusangwa Omugala wʼomundu mwatasa erikolerwa, nĩkwa asa erikola, nʼeriha engebe yiwe mo bũgũlĩ busana nʼabandu bangi.

Yoane 10:15

Ngoko Tata anyasĩ, nage nyasĩ Tata; kandi ngasiga engebe yage busana nʼesyombũlĩ.

Yoane 11:49

Nĩkwa omuguma wa kubo, ye Kayafa, oyo wabya Mũhererĩ Mukulu oko bahererĩ bosĩ oko mwaka oyo, mwabwirabo ati, Sĩmwasĩkĩ nʼahake!

Yoane 18:13

Neryo mobamutwala erĩmbere uku Ana, kusangwa abya ĩse-byala wa Kayafa, oyo wabya Mũhererĩ Mukulu oko bahererĩ bosĩ oko mwaka oyo.

1 AbanyaKorinto 13:2

Kandi nomo nangabya nʼolũsũnzo lwʼerĩtũla omwatsi, kandi nyasĩ erĩkũmbo lyosĩ, nʼeriminya lyosĩ, kandi nomo nangabya nʼerĩkĩrĩrya lyosĩ erikatoka erĩlũsya ebitwa, nĩkwa isingwite olwanzo, inyiri busa.

2 AbanyaKorinto 5:21

Kristo mwabya butsira ebibi, nĩkwa Nyamuhanga mwamuyira ngʼowʼebibi busana netu, itwatoka eriyirwa mo batunganene ba Nyamuhanga busana nʼerimatikana na Kristo.

AbanyaGalatia 3:13

Kristo abĩrĩtũtongolya okwʼitakirwa lyʼEmigambo, iniabiritakirwa omo mwanya wetu, kusangwa kĩsakĩre kiti, Obuli mundu oyũhanĩkĩrwe oko muti abye mutakirwa.

1 Petero 2:24

Kristo ĩyowene-wene mwaheka ebibi byetu omo mubiri wuwe oko musalaba, itwatoka erihola oko bibi, nʼeribyaho busana nʼekitunganene; kusangwa mwalamĩbawa omo mĩbĩbũ yiwe.

1 Petero 3:18

Kusangwa Kristo mwahola busana nenyũ engendo nguma nyisa busana nʼebibi. Omundu mutunganene mwahola busana nʼabandu batatunganene, iniatoka erituleta uku Nyamuhanga. Kandi mwĩtwa oko mubiri nĩkwa mwabana engebe omo kĩrĩmũ.

1 Yoane 2:2

Kandi Kristo ni mbanulo busana nʼebibi byetu, kandi si busana nʼebibi byetu bisa, nĩkwa busana nʼebibi byʼekihugo kyosĩ.

1 Samwelĩ 23:9

Kandi Dawĩdĩ anabya asĩ ko Saũlo abirimukandayirira omo kibi; neryo mwabwira Abĩatarĩ omũhererĩ, ati, Ulete hano eefodĩ.

1 Samwelĩ 28:6

Nʼomugulu Saũlo abũlaya Omwami Mukulu, Omwami Mukulu mwatamũsũbĩrya, kutse nʼomo nzolĩ, kutse omo Ũrĩmũ, kutse nʼomo bamĩnyererĩ.