Yoane 10:3 - AMASAKO ABOYTRTRE WA NYAMUHANGA AWAKAHULAWA MO BIBLIA

³ Neryo omũteya wʼolũkyo akamukingulira, nʼesyombũlĩ Sĩkowa omulenge wuwe, kandi akabirikira esyombũlĩ siwe omo mena wasyo, neryo akahũlũkĩraya syʼeyĩhya.

Nouveau Testament et Psaumes en Ndandi Version 1962

³ Omuteya akamukingulira, nesyombuli sikowa omulenge wuwe: naye akabirikira esyombuli siwe omo mena wasyo, akasondolerasyo eyihya.

Yoane 10:3 Iomraidhean Croise

Esyonyimbo 80:1

Uwe Mũlĩsya wa Ĩsraelĩ, utuhulikirire, Uwe wĩkere omo katĩkatĩ kʼekĩtũmbĩ kyawe oko Makerũbĩ,

Erĩlũayo 33:17

Neryo Omwami Mukulu mwabũga na Musa ati, Ngandikola omwatsi ogo wabiriahula; kusangwa wabiribana olukogo embere syage, kandi nyĩnakwasĩ oko lĩna.

Emĩsyo 27:23

Ubye nʼomũhwa eriminya ebĩhyo byawe nga biri biti, Nʼerĩrebya ndeke ebihangulo byʼesyonde syawe.

Olwimbo lwʼEsyonyimbo 8:13

Uwe wĩkere omo malima, Abalĩkyetu bakahulikirira busana nʼomulenge wawe. Uleke nyowego!

Ĩsaya 40:11

Asyalĩsya ekihangulo kiwe ngʼomũlĩsya, Asyabagalira ebyana byʼesyombũlĩ omo byala biwe, Nʼerihekabyo oko kĩkũba kiwe, Nʼerisondola esyosũhene nʼesĩkongaya syo bolo-bolo.

Ĩsaya 42:16

Kandi nasyasondola esyondĩmatĩme omo nzira esyo batasĩ. Nʼomo syonzira batasĩ nasyasondolabo. Nasyayira omwĩrĩmya mo kyakakala embere syabo, nʼahatakomĩre mo bwerere. Nasyakola emyatsi eyĩ. Sĩndĩendĩsyasĩgayo ĩtakolĩre.

Yoane 10:14

Ĩngye indi mũlĩsya wowene. Kandi nyasĩ esyombũlĩ syage, nʼesyombũlĩ syage nasyo Sĩnyasĩ.

Yoane 10:16

Kandi nyiwite esindi mbũlĩ, esite syʼomo butsunga obũ; litolere inaletasyo nibya, nasyo syasyowa omulenge wage; syasyabya ekihangulo kiguma haguma nʼomũlĩsya muguma.

Yoane 10:4

Neryo amabĩhũlũkya esiwe syosĩ, akagenda embere wasyo, nʼesyombũlĩ sikamukwama kusangwa sĩnasĩ omulenge wuwe.

Yoane 10:9

Ĩngye indi lũkyo, omundu amingirira ũkwʼĩngye asyalamĩbwa; kandi asyingira nʼerihuluka, nʼeribana ebyʼerirya.

Yoane 6:37

Abosĩ abo Tata akamba basyasa ũkwʼĩngye; nʼoyukasa kwĩngye sindiendĩsyamũsũbya eyĩhya nʼahake.

Yoane 6:45

Abamĩnyererĩ mobasaka bati, Abandu bosĩ basyakangĩrĩrĩbwa na Nyamuhanga. Obuli mundu oyũkowa Tata nʼerĩkangĩrĩrĩbwa naye, akahĩka ũkwʼĩngye.

AbanyaRoma 8:30

Nʼabo ayisoga kera mwabirikirabo. Nʼabo abirikira mwayirabo mo batunganene, nʼabo ayira mo batunganene, ba nʼabo ahabo erisangira omo lukengerwa luwe.

1 AbanyaKorinto 16:9

Kandi hano hali omwanya wʼerikola omũbĩrĩ munene, nomo hane esyonzĩgũ nyingi.

AbanyaFilipi 4:3

Ega, nawe mũlĩkyetu, ngakusaba nyiti, ũwatĩkaye abakalĩ aba. Kusangwa babiriyitsinga kutsibu omo mũbĩrĩ wʼerĩgenda-gendya Engulu Yowene, haguma na Klementĩ, nʼabandi balĩkyetu, abawite amena wabo omo kitabu kyʼengebe kya Nyamuhanga.

AbanyaKolosai 4:3

Mubye mukatusabira nibya, muti, Nyamuhanga atũlĩbũlĩre enzira yʼEngulu Yowene, itwatoka erĩtũla erĩkũmbo lya Kristo. Kusangwa nage nyĩbohĩre busana nʼomwatsi oyũ.

2 Timoteo 2:19

Nĩkwa ekibanza ekyo Nyamuhanga ahĩmba kĩsĩkĩre ndeke, kandi kĩsakĩreko ebĩnywa ebĩ biti, Omukama anasĩ abandu buwe nga ni bahi. Kandi, Obuli mundu oyũkabũga ati ni wʼOmukama aleke ebibi.

1 Petero 1:12

Nyamuhanga mwabĩsũlĩra abamĩnyererĩ aba ngoko mũbĩrĩ wabo siabya busana nabo ĩbobene, nĩkwa busana nenyũ, omugulu babũga emyatsi eyo mwabĩrĩowa. Kandi abakwenda bʼEngulu Yowene, ababũga omo maka wʼOmũlĩmũ Abũyĩrĩre owatumawa erĩlũa elubula, mobababwira ebyʼekwenene ebĩ. Kandi emyatsi eyĩ abamalaĩka banzĩre eriminyayo.

1 Yoane 4:6

Ĩtwe tuli ba Nyamuhanga, nʼoyo wasĩ Nyamuhanga akatowa. Kandi oyute wa Nyamuhanga sĩalĩtowa. Ũmwʼekĩ tukaminya Omũlĩmũ wʼekwenene, nʼekĩrĩmũ kyʼeriteba.

3 Yoane 1:14

Nĩkwa indi nʼamaha erikulolako lũba, neryo twasyakanĩa obũsũ oko bũsũ.

Eribisurirwa 20:15

Kandi omundu oyutawite erĩna lĩsakĩre omo kitabu kyʼengebe, mwaguswa omo ngetsi yʼomuliro.

Eribisurirwa 3:20

Lebaya! Nyinimene oko lũyĩ nʼerikongota; omundu amowa omulenge wage, akakingula Olũyĩ, nasyingira omo nyũmba yiwe, nasyalya haguma naye, naye asyalya haguma nage.

Eribisurirwa 7:17

Kusangwa, Ekyana kyʼEmbũlĩ oyuli omo katĩkatĩ kʼekĩtũmbĩ kyʼobwami, asyabya mũlĩsya wabo, kandi asyasondolabo oko syongũnũnũko syʼamagetsi wʼengebe; kandi Nyamuhanga asyasangula obuli mĩsonĩa oko meso wabo.