Yoane 10:16 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁶ Kandi nyiwite esindi mbũlĩ, esite syʼomo butsunga obũ; litolere inaletasyo nibya, nasyo syasyowa omulenge wage; syasyabya ekihangulo kiguma haguma nʼomũlĩsya muguma.

Nouveau Testament et Psaumes en Ndandi Version 1962

¹⁶ Nesindi syombuli ngwitesyo, esite syomo kiyite eki: nyitolere inaletasyo, kandi syasyowa omulenge wage; syasyabya ekiha ngulo kiguma, nomulisya muguma.

Yoane 10:16 Iomraidhean Croise

Enzũko 49:10

Omũtso wʼobwami sĩendĩsyalũa uku Yũda, Kutse omũtso wʼomũtabalĩ sĩendĩsyalũa hakũhĩ nʼebisando biwe, Erĩhĩka aho Sĩlo asyasira; Kandi abandu basyamowa.

Esyonyimbo 86:9

Ebihanda byosĩ wahangika byasyasa, nʼerĩkũramya uwe Mukama; Basyapipa obukulu bwawe.

Omũgambũlĩ 12:11

Ebĩnywa byʼabandu bʼamenge biri ngʼesĩndanĩ yʼerĩkũna enyama, kandi ngʼemĩsũmalĩ yʼemilondo eyĩkahĩrawa ndeke nĩ bĩnywa byʼOmũlĩsya muguma.

Ĩsaya 11:10

Kandi oko kiro ekyo, ebihanda byasyaya oko mwana wa Yese naye asyimana eribya bendera yʼebihanda. Ahʼeriluhukira huwe hasyabya olukengerwa.

Ĩsaya 43:6

Nasyabwira elutambi lwʼendata nyiti, Hũlũkayabo! Olundi lutambi lwʼeyĩkwa nyiti, Sũkakĩrayebo. Mulete abagala bage erĩlũa ehali, nʼabali bage, erĩlũa oko ndũlĩ yʼekihugo,

Ĩsaya 49:6

Ati, Ni mwatsi muke uwe eribya mugombe wage erĩhanganĩa ebihanda bya Yakobo, nʼerĩsũbya abateyĩbawa ba Ĩsraelĩ. Kandi nasyakuyira eribya ekyakakala busana nʼebihanda, omulamo wage ahĩke oko ndũlĩ yʼekihugo.

Ĩsaya 52:10

Omwami Mukulu abiriswikula okuboko kuwe kũbũyĩrĩre, Omo meso wʼebihanda byosĩ. Esyondũlĩ syosĩ syʼekihugo sitoke erilangira Omulamo wa Nyamuhanga wetu.

Ĩsaya 56:8

Omukama Omwami Mukulu, oyũkahĩndanaya abapanzawa ba Ĩsraelĩ, akabũga ati, Nasyahindanĩrya kubo abandi, ukwʼabo babĩrĩhĩndanĩbwa.

Ezekĩelĩ 34:12

Ngoko mũlĩsya akalembera ekihangulo kiwe omo musibo omugulu ali omo katĩkatĩ kʼesyombũlĩ siwe esipanzikene, litya nasyalembera esyombũlĩ syage nyitya. Nasyalamyasyo ehosĩ eyo syapanzikanira omo kiro kyʼebĩtũ nʼomwĩrĩmya.

Ezekĩelĩ 34:23

Nasyahĩra omũlĩsya muguma kusyo, naye asyalĩsyasyo, iye omukobe wage Dawĩdĩ. Asyalĩsyasyo, iniabya mũlĩsya wasyo.

Ezekĩelĩ 34:6

Ekihangulo kyage mokyaganga-ganga oko bitwa byosĩ, nʼoko buli kitwa kiri, nʼekihangulo kyage mokyapanzikana oko kihugo kyosĩ. Isihali mundu nʼomuguma oyo wasondekanaya kutse erĩsondyasyo.

Ezekĩelĩ 37:22

Nage nasyayirabo mo kihanda kiguma omo kihugo, oko bitwa bya Ĩsraelĩ. Nʼomwami muguma asyabya mwami wabo abosĩ; neryo ibataswabya bihanda bibiri, kutse sibendisyaswagabwa mo mami abiri nʼahake.

Ezekĩelĩ 37:24

Nʼomugombe wage Dawĩdĩ asyabya mwami kubo nabo basyabya nʼomũlĩsya muguma. Basyalendera omo bilayiro byage, nʼeribika ebihano byage, nʼerikolabyo.

Hosea 1:10

Nĩkwa emiganzo yʼabana ba Ĩsraelĩ yasyabya ngʼomusege wʼengetsi, owate angatoka erirengwa kutse eriganzwa; neryo kyasyabya, aho bakabwirawa, ambu Simuli bandu bage, basyabwirwa, muli bagala ba Nyamuhanga oyuliho.

Zekarĩa 2:11

Nʼebihanda bingi byasyasangana nʼOmwami Mukulu oko kiro ekyo, kandi basyabya bandu bage; nage nasyĩkala omo katĩkatĩ kawe, nawe wasyaminya ko Mwami Mukulu Wʼemilondo anyituma ukʼuwe.

Matayo 17:5

Abere akĩnabũga, ekĩtũ ekĩkangabasenĩe mokyasũkũlĩryabo; neryo, omulenge mwalũa omo kĩtũ ati, Oyũ ni Mugala wage mwanze, namamutsemera ndeke; mũmwowe!

Luka 15:8

Kutse omũkalĩ oyuwite esyofranka ĩkũmĩ amatalya oluguma, akakolakĩ kwehĩ? Akakaya etala, nʼerĩbĩrya enyũmba yiwe, nʼerikwesa ndeke erĩhĩka aho akandibaniralo.

Yoane 10:11

Ĩngye indi mũlĩsya wowene. Omũlĩsya wowene akasiga engebe yiwe busana nʼesyombũlĩ.

Yoane 10:2

Nĩkwa omundu oyukalaba omo lũkyo nĩ mũlĩsya wʼesyombũlĩ.

Yoane 10:27

Esyombũlĩ syage Sĩkowa omulenge wage; kandi nyasĩsyo, nasyo sikanyikwama.

Yoane 10:3

Neryo omũteya wʼolũkyo akamukingulira, nʼesyombũlĩ Sĩkowa omulenge wuwe, kandi akabirikira esyombũlĩ siwe omo mena wasyo, neryo akahũlũkĩraya syʼeyĩhya.

Yoane 10:4

Neryo amabĩhũlũkya esiwe syosĩ, akagenda embere wasyo, nʼesyombũlĩ sikamukwama kusangwa sĩnasĩ omulenge wuwe.

Yoane 10:5

Kandi sisyekwama owʼehandi, nĩkwa sikamusaga, kusangwa sĩsĩasĩ omulenge wuwe.

Yoane 11:52

Kandi si busana nʼekihanda ekyo kisa, nĩkwa atoke erĩhĩndanĩa haguma omo ndeko nguma abana ba Nyamuhanga abapanza-panzĩre ehosĩ.

Yoane 17:20

Sindisaba busana nʼaba ĩbobene, nĩkwa busana nʼabakandisyanyĩkĩrĩrya busana nʼerĩtũlago lyabo.

Yoane 6:37

Abosĩ abo Tata akamba basyasa ũkwʼĩngye; nʼoyukasa kwĩngye sindiendĩsyamũsũbya eyĩhya nʼahake.

Emibiri 15:14

Sĩmeonĩ abĩrĩbakanĩrya ngoko Nyamuhanga atsũka erĩkangya olwanzo luwe busana nʼEbihanda, eriyisoga omo katĩkatĩ kabo abandu busana nʼerĩna liwe.

Emibiri 18:10

Kusangwa indi haguma nawe. Sihali mundu oyo wasyakubambira, nʼerikukola nabi, kandi ngwite bandu bangi omo mũyĩ oyũ.

Emibiri 22:14

Neryo Anania mwabũga ati, Nyamuhanga wʼaboso-kulu wetu abiriyisogawe eriminya erisonda liwe, nʼerilangira Oyutunganene, nʼerĩmowa akabũga nʼomulenge wuwe.

AbanyaRoma 11:25

Balĩkyetu, nyanzĩre imwaminya ndeke erĩkũmbo erĩ, mukasyabya nʼamenge omo malengekanĩa wenyũ. Erĩkũmbo lyerĩ liti, erikala hake lyʼomutima lyabirihamba Ĩsraelĩ erĩhĩka aho eriganza NʼEbihanda lyamahĩka uku Nyamuhanga.

2 AbanyaTesalonika 2:13

Nĩkwa litutolere eriha Nyamuhanga yʼewasĩngya emigulu yosĩ, busana nʼĩnywe balĩkyetu, ĩnywe banze bʼOmukama. Kusangwa Nyamuhanga ayisoga nywe erĩmbere eribana erilama busana nʼOmũlĩmũ oyukabahigula, kandi kusangwa mwabĩrĩkĩrĩrya omwatsi wʼekwenene.

AbaEbrania 13:20

Nyamuhanga abĩrĩlũbũkya Omukama wetu Yesu oko baholĩ, oyuli Mũlĩsya mukulu busana nʼerĩũta omusasi wuwe omo ndagane ya kera na kera. Neryo Nyamuhanga wʼobuholo,

1 Petero 2:10

Kusangwa Simwabya bandu, nĩkwa lino muli bandu ba Nyamuhanga; mwabya isimwetabana eriganyira lya Nyamuhanga, nĩkwa lino mwabiribana eriganyira liwe.

1 Petero 2:25

Kusangwa mwabya ngʼesyombũlĩ esyatala, nĩkwa lino mwabirisuba oko Mũlĩsya nʼomũteya wʼemitima yenyũ.

1 Petero 5:4

Neryo mugulu Omũlĩsya mukulu asyamĩnyĩkalĩbwa, mwasyabana embĩta yʼolukengerwa olutekula.

Eribisurirwa 3:20

Lebaya! Nyinimene oko lũyĩ nʼerikongota; omundu amowa omulenge wage, akakingula Olũyĩ, nasyingira omo nyũmba yiwe, nasyalya haguma naye, naye asyalya haguma nage.