Yoane 10:11 - AMASAKO ABOYTRTRE WA NYAMUHANGA AWAKAHULAWA MO BIBLIA

¹¹ Ĩngye indi mũlĩsya wowene. Omũlĩsya wowene akasiga engebe yiwe busana nʼesyombũlĩ.

Nouveau Testament et Psaumes en Ndandi Version 1962

¹¹ Ingye ndi mulisya gowene: omulisya gowene akaha engebe yiwe busana nesyombuli siwe.

Yoane 10:11 Iomraidhean Croise

2 Samwelĩ 24:17

Neryo Dawĩdĩ mwabũga nʼOmwami Mukulu omugulu alangira omũlaĩka akaswĩrya bandu, ati, Lebaya, nabĩrĩhalya, kandi nabirikola ekibi; nĩkwa esyombũlĩ esĩ, syakolĩrekĩ kwehĩ? kĩsĩ-kĩsĩ nyiti, ebyala byawe bilwe nage, bibye oko kĩtũnga kya tata wage.

Esyonyimbo 23:1

Omwami Mukulu nĩ mũlĩsya wage; Sindiendisyabula kindu.

Esyonyimbo 80:1

Uwe Mũlĩsya wa Ĩsraelĩ, utuhulikirire, Uwe wĩkere omo katĩkatĩ kʼekĩtũmbĩ kyawe oko Makerũbĩ,

Ĩsaya 40:11

Asyalĩsya ekihangulo kiwe ngʼomũlĩsya, Asyabagalira ebyana byʼesyombũlĩ omo byala biwe, Nʼerihekabyo oko kĩkũba kiwe, Nʼerisondola esyosũhene nʼesĩkongaya syo bolo-bolo.

Ĩsaya 53:6

Ĩtwe bosĩ ngʼesyombũlĩ twabiritala. Twabirikita obuli mundu omo nzira yiwe, nĩkwa Omwami Mukulu abirireka ebibi byetu ĩtwe bosĩ erimuwirako.

Ezekĩelĩ 34:2

Omugala wʼomundu, uminyerere amalwa busana nʼabalĩsya ba Ĩsraelĩ. Uminyerere, Ubwire abalĩsya abo uti, Omukama Iye Omwami Mukulu ati, Obũlĩge, oko balĩsya ba Ĩsraelĩ abakayĩrĩsaya! Abalĩsya sĩbangalĩsya ekihangulo kwehĩ?

Ezekĩelĩ 34:23

Nasyahĩra omũlĩsya muguma kusyo, naye asyalĩsyasyo, iye omukobe wage Dawĩdĩ. Asyalĩsyasyo, iniabya mũlĩsya wasyo.

Ezekĩelĩ 37:24

Nʼomugombe wage Dawĩdĩ asyabya mwami kubo nabo basyabya nʼomũlĩsya muguma. Basyalendera omo bilayiro byage, nʼeribika ebihano byage, nʼerikolabyo.

Mĩka 5:4

Naye asyahangana, asyalĩsya ekihangulo kiwe omo maka wʼOmwami Mukulu, omo lukengerwa lwʼerĩna lyʼOmwami Mukulu Nyamuhanga wuwe. Nabo basyĩkalaho; kusangwa oko mugulu oyo asyabya mukulu erĩhĩka oko syondũlĩ syʼekihugo.

Zekarĩa 13:7

Uwe mũyalĩ, ũsĩsĩmũke, ulwe nʼomũlĩsya wage, ulwe nʼomundu oyuli mukulu nga ngye, Omwami Mukulu Wʼemilondo akabũga atya; mũswĩraye omũlĩsya, esyombũlĩ sipanza-panzawe; nage nasyabindula ebyala byage nʼerĩhĩrabyo oko balere.

Matayo 20:28

Kusangwa Omugala wʼomundu mwatasa erikolerwa, nĩkwa asa erikola, nʼeriha engebe yiwe mo bũgũlĩ busana nʼabandu bangi.

Yoane 10:2

Nĩkwa omundu oyukalaba omo lũkyo nĩ mũlĩsya wʼesyombũlĩ.

Yoane 15:13

Sihali mundu oyuwite olwanzo lũlengĩre olũ, ati omundu akasiga engebe yiwe busana nʼabĩra buwe.

AbanyaEfeso 5:2

Mukole ebyosĩ omo lwanzo, ngoko Kristo atwanza, kandi mwaha engebe yiwe busana netu ngʼobuhere obukakumba ndeke, ehongo eyĩkatsemesaya Nyamuhanga.

Tito 2:14

Kristo mwayiha busana netu erĩtũtongolya oko bibi byosĩ, nʼerĩerya abandu busana naye ĩyowene-wene, abali nʼomũhwa wʼerikola emĩbĩrĩ yowene.

AbaEbrania 13:20

Nyamuhanga abĩrĩlũbũkya Omukama wetu Yesu oko baholĩ, oyuli Mũlĩsya mukulu busana nʼerĩũta omusasi wuwe omo ndagane ya kera na kera. Neryo Nyamuhanga wʼobuholo,

1 Petero 5:4

Neryo mugulu Omũlĩsya mukulu asyamĩnyĩkalĩbwa, mwasyabana embĩta yʼolukengerwa olutekula.

1 Yoane 3:16

Tukaminya olwanzo ko luli lutya, tuti Kristo mwaha engebe yiwe busana netu. Netu litolere itwaha esyongebe syetu busana nʼabalĩkyetu.

Eribisurirwa 7:17

Kusangwa, Ekyana kyʼEmbũlĩ oyuli omo katĩkatĩ kʼekĩtũmbĩ kyʼobwami, asyabya mũlĩsya wabo, kandi asyasondolabo oko syongũnũnũko syʼamagetsi wʼengebe; kandi Nyamuhanga asyasangula obuli mĩsonĩa oko meso wabo.