Yoane 1:51 - AMASAKO ABOYTRTRE WA NYAMUHANGA AWAKAHULAWA MO BIBLIA

⁵¹ Neryo Yesu mwabwirabo ati, Kũndũ-kũndũ, ngababwira nyiti, mwasyalangira olubula ilukingukere, nʼabamalaĩka ba Nyamuhanga ibakahetuka nʼeriandagalira oko Mugala wʼOmundu.

Nouveau Testament et Psaumes en Ndandi Version 1962

⁵¹ Neryo mwamubwira, ati, Kundu, kundu, ngabuga nenyu, nyiti, Mwasyalangira olubula ilukingu kere, nabalaika boMungu bakahetuka neriandagalira oko Mugala womundu.

Yoane 1:51 Iomraidhean Croise

Enzũko 28:12

Neryo mwalota; neryo lebaya, ekisambiro ĩkĩnatsĩmbĩrwe oko kitaka nʼomutwe wakyo ĩnĩahĩkĩre elubula; neryo lebaya, abamalaĩka ba Nyamuhanga ibakahetuka nʼeriandagala kukyo.

Ezekĩelĩ 1:1

Neryo mokyabya omo mwaka wʼamakũmĩ asatu, oko mukera wʼakani nʼoko kiro kyʼebitanu kyʼomukera, omugulu nabya omo bunyegwa hakũhĩ nʼolũsĩ lwʼeKebarĩ, olubula molwakingukala, monalangira esyonzolĩ sya Nyamuhanga.

Zekarĩa 13:7

Uwe mũyalĩ, ũsĩsĩmũke, ulwe nʼomũlĩsya wage, ulwe nʼomundu oyuli mukulu nga ngye, Omwami Mukulu Wʼemilondo akabũga atya; mũswĩraye omũlĩsya, esyombũlĩ sipanza-panzawe; nage nasyabindula ebyala byage nʼerĩhĩrabyo oko balere.

Matayo 25:31

Nĩkwa omugulu Omugala wʼomundu asyasa omo lukengerwa luwe, nʼabamalaĩka bosĩ haguma naye, asyĩkala oko kĩtũmbĩ kiwe kyʼobwami kyʼolukengerwa.

Matayo 26:24

Omugala wʼomundu akagenda ngoko kĩsakĩre busana naye, nĩkwa obũlĩge oko mundu oyukahotera Omugala wʼomundu! Kumbe lyowene busana nʼomundu oyo nga siabutawa!

Matayo 3:16

Neryo Yesu abere abĩbatĩsĩbwa, mwalũa omo magetsi. Neryo olubula molwakingukala busana naye, neryo mwalangira Omũlĩmũ wa Nyamuhanga akandagala ngʼakalĩkũkũ, nʼerĩmwĩkĩrako.

Matayo 4:11

Neryo Satanĩ mwamũsĩganĩa; nĩkwa abamalaĩka mobasa nʼerikolera Yesu.

Matayo 8:20

Nĩkwa Yesu mwamubwira ati, Esyoboha siwite ebyũna, nʼesyonyonyũ syʼomo kyanya siwite esyonyutu, nĩkwa Omugala wʼomundu siawite aho angagotserya omutwe wuwe.

Matayo 9:6

Nĩkwa mutoke eriminya kʼomugala wʼomundu awite hamũlĩ omo kihugo eribuyira ebibi, Yesu mwabwira oyũbasĩre ati, Hangana, wĩmaye engingo yawe, uye eka wenyũ!

Mariko 1:10

Neryoneryo Yesu abere abĩlũa omo magetsi, mwalangira olubula molwakingukala, nʼOmũlĩmũ iniakamwandagalirako ngʼakalĩkũkũ.

Mariko 14:62

Neryo Yesu mwabũga ati, Indi ye, kandi mwasyalangira Omugala wʼOmundu ĩnĩanĩkere oko byala byʼamali byʼobũtokĩ, iniakasa nʼebĩtũ byʼomo kyanya.

Luka 2:13

Neryo-neryo mohahuluka haguma nʼomũlaĩka oyo, omulondo munene wʼabamalaĩka bʼelubula, ibakapipa Nyamuhanga bati,

Luka 2:9

Nʼomũlaĩka wʼomukama mwahuluka embere syabo, nʼerĩkangabasanĩa lyʼomukama molyatĩmba kubo, neryo mobubaha kutsibu.

Luka 22:43

Neryo omũlaĩka oyũkalũa elubula, mwamubutukirako, mwamuha amaka.

Luka 22:69

Nĩkwa erĩtsũka lino Omugala wʼOmundu asyĩkalĩbwa oko luhande lwʼamali lwa Nyamuhanga wʼobũtokĩ bosĩ.

Luka 24:4

Neryo omugulu batika-tika busana nʼomwatsi oyũ, lebuya, abandu babiri abambite esyongimba sĩkangabasenĩe mobabutukiraho hakũhĩ nabo.

Luka 3:21

Neryo abandu bosĩ babere babĩbatĩsĩbwa, Yesu naye nibya mwabatĩsĩbwa. Neryo omugulu abya akasaba olubula molwakingukala,

Yoane 1:50

Yesu mwamũsũbĩrya ati, Ukĩkĩrĩraya kusangwa nakubwira nyiti, Mongakulangira omo ndĩna yʼomuti wʼomũtĩnĩ kwehĩ? Wasyalangira emyatsi minene ũkwʼeyĩ

Yoane 10:1

Kwenene, kwenene ngababwira nyiti, Oyutelaba omo lũkyo lwʼobutsunga bwʼesyombũlĩ, nĩkwa akalaba handi, nĩ mũrahĩ nʼomũnyeyĩ.

Yoane 10:7

Neryo Yesu mwabũga nabo kandi, ati, Kwenene, kwenene ngabũga nenyũ, Ingye indi lũkyo lwʼesyombũlĩ.

Yoane 13:16

Kwenene, kwenene ngabũga nenyũ, omugombe sialengĩre omukama wuwe, nʼomukwenda sialengĩre oyuliamutuma.

Yoane 13:38

Yesu mwamũsũbĩrya ati, Wasyasiga engebe yawe busana nage kwehĩ? Kwenene, kwenene ngabũga nawe, engoko-lume siyendibika utewanyigana ngendo ĩsatu.

Yoane 14:12

Kwenene, kwenene ngababwira, oyũkanyĩkĩrĩraya, emĩbĩrĩ eyo ngakola, asyakolayo nibya; kandi asyakola emĩbĩrĩ eyĩrengĩre eyĩ, kusangwa ngaya uku Tata.

Yoane 16:20

Kwenene, kwenene ngabũga nenyũ nyiti, Mwasyalira nʼerilaka, nĩkwa ekihugo kyasyatsema. Mwasyabya nʼobũlĩge, nĩkwa obũlĩge bwenyũ bwasyahinduka mo butseme.

Yoane 16:23

Neryo oko kiro ekyo sĩmwendĩsyanyĩbũlyakĩ. Kwenene, kwenene ngababwira, Ekĩndũkĩ mwasyabũlya Tata, asyabahakyo kusangwa muli biga bage.

Yoane 21:18

Kwenene, kwenene ngakubwira nyiti, omugulu wabya mũlwana, wabya igukayĩkũndĩka omo mukaba wawe, igukagenda eyo wanzĩre; nĩkwa ekiro wasyabya mũsyakulu, wasyakakya ebyala byawe, nʼogundi mundu asyakũkũndĩka omukaba, nʼerikutwala aho ũtanzĩre erigenda.

Yoane 3:3

Yesu mwamũsũbĩrya ati, Kwenene, kwenene, ngabũga nawe, nyiti, Omundu amatendibutwa kandi, siangatoka erilola oko Bwami bwa Nyamuhanga.

Yoane 3:5

Yesu mwamũsũbĩrya ati, Kwenene, kwenene, ngakubwira nyiti, Omundu amatendibutwa oko magetsi nʼoko Mũlĩmũ, siangatoka eriingira omo Bwami bwa Nyamuhanga.

Yoane 5:19

Neryo Yesu mwasũbĩryabo ati, Kwenene, kwenene ngabũga nenyũ nyiti, Omugala sialikola kindu ĩyowene, nĩkwa akakola ebyo akalangira Tata wuwe akakola; kusangwa ebyosĩ Ĩse akakola, byo Mugala akakola atya nibya.

Yoane 5:27

Kandi abiriha Omugala ehamũlĩ yʼeritswera esyombanza, kusangwa iye ni Mugala wʼOmundu.

Yoane 6:26

Yesu mwasũbĩryabo ati, Kwenene, kwenene ngabũga nenyũ, mukanyĩsondaya kusangwa mwalya oko mandu, momũgũta, si busana nʼerilangira ebitiko-tiko.

Yoane 6:32

Yesu mwabwirabo ati, Kwenene, kwenene ngababwira, kwʼatabya Musa oyo wabaha obundu obwalũa elubula; nĩkwa ni Tata wage oyukabaha obundu bwʼekwenene obũkalũa elubula.

Yoane 6:47

Kwenene, kwenene ngababwira, Oyũkĩkĩrĩraya awite engebe yʼerikota.

Yoane 6:53

Yesu mwabwirabo ati, Kwenene, kwenene ngabũga nenyũ, mwamatindalya omubiri wʼomugala wʼOmundu nʼerĩpũlya omusasi wuwe, simuwite engebe omwisi wenyũ.

Yoane 8:34

Yesu mwasũbĩryabo ati, Kwenene, kwenene ngabũga nenyũ nyiti, Obuli mundu oyukakola ebibi, ni mukobe wʼebibi.

Yoane 8:51

Kwenene, kwenene ngabũga nenyũ, omundu amabika ekĩnywa kyage, oluholo silwendisyamũhĩkako na kera.

Yoane 8:58

Yesu mwabwirabo ati, Kwenene, kwenene ngababwira nyiti, Abrahamũ ate abutwa, INYINE.

Emibiri 10:11

Neryo mwalebya olubula ilukingukere, neryo ekindu ngʼolukimba lunene olũkandagalĩbawa omo syosondo ĩnĩ syalo erĩhĩka oko kitaka.

Emibiri 7:56

Neryo mwabũga ati, Lebaya! namalangira olubula ĩlũnakĩngwĩre, nʼomugala wʼOmundu iniahangene oko byala byʼamali bya Nyamuhanga!

2 AbanyaTesalonika 1:7

Nʼĩnywe mukagalawa asyabaha eriluhuka, haguma netu, omugulu Omukama Yesu asyabutuka omo muliro owakaka erĩlũa elubula haguma nʼabamalaĩka buwe bʼamaka.

2 AbanyaTesalonika 1:9

Basyasuyirwa omwʼihera lya kera na kera, nʼerisololwa embere syʼOmwami Mukulu, nʼoko lukengerwa lwʼobũtokĩ buwe,

1 Timoteo 3:16

Sihali oyo wangagana obukulu bwʼerĩkũmbo lyʼekisomo kyetu tuti, Mwabutuka omo mubiri wʼabandu, Mwasĩngana ngʼomutunganene omo Mũlĩmũ, Kandi mwalolwako nʼabamalaĩka, Mwatũlaganĩbwa omo katĩkatĩ kʼebihanda, Mwĩkĩrĩrĩbwa omo kihugo, Mwatwalwa omo lukengerwa lwʼelubula.

AbaEbrania 1:14

Kandi abamalaĩka bosĩ sĩ bĩrĩmũ ebikakolera Nyamuhanga kwehĩ? Sibetumawa na Nyamuhanga erĩwatĩkya abo abasyabana erilama kwehĩ?

Yuda 1:14

Kandi Enoka oyo wabya wʼolulengo lwa Adamu, mwaminyerera busana nʼabandu aba ati, Lebaya, Omukama asyasa haguma nʼabamalaĩka babũyĩrĩre buwe maelfu nʼamaelfu,

Eribisurirwa 19:11

Neryo monalangira olubula ilukingukere, neryo lebaya, habya esabayĩrĩ nyeru-nyeru. Oyukagenda kuyo akahulawa mo Oyuteregula nʼowʼekwenene. Kandi omo litunganene akatswera nʼerilwa amalwa.

Eribisurirwa 4:1

Enyũma wʼemyatsi eyĩ, neryo lebaya, monalangira Olũyĩ lukingukere elubula. Nʼomulenge ogo nowa erĩmbere, owali ngʼomulenge wʼengubi akabũga nage, mwabũga ati, Wase endata eno, nage ngandĩkũkangya ebitolere ĩbyahĩka enyũma wʼemyatsi eyĩ.