Yoane 1:49 - AMASAKO ABOYTRTRE WA NYAMUHANGA AWAKAHULAWA MO BIBLIA

⁴⁹ Natanaelĩ mwamũsũbĩrya ati, Mũkangĩrĩrya, uli Mugala wa Nyamuhanga! Uli Mwami wa Ĩsraelĩ!

Nouveau Testament et Psaumes en Ndandi Version 1962

⁴⁹ Natanaele mwamusubirya, Mukangirirya, uri Mugala wo Mungu; uri Mwami waIsraele.

Yoane 1:49 Iomraidhean Croise

Esyonyimbo 110:1

Omwami Mukulu mwabwira omukama wage ati, Wĩkale oko luhande lwage lwʼamali, Erĩhĩka aho nasyahĩrĩra esyonzĩgũ syawe omo kĩtũmbĩ kyʼebisando byawe.

Esyonyimbo 2:6

Ati, Nabĩrĩsĩngya omwami wage, Oko kitwa kyage kĩbũyĩrĩre kyʼeSĩonĩ.

Ĩsaya 9:7

Erikanya lyʼeritabala liwe ryʼobuholo siryendisyayira ndũlĩ, oko kĩtũmbĩ kyʼobwami bwa Dawĩdĩ nʼoko bwami buwe, erĩhanganĩabo nʼerĩsĩkyabo omo lĩbanza nʼomo litunganene, erĩtsũka lino nʼerĩhĩka kera na kera. Omũhwa wʼOmwami Mukulu wʼemilondo asyakola ekĩ.

Danĩelĩ 9:25

Neryo Uminye ũyĩtegereraye, erĩtsũka ekihamulo kyʼerĩsũbya nʼerĩswahĩmba eYerũsalema, erĩhĩka oko Mesĩa Munya-mwami, hasyabya amayenga alinda nʼamayenga makũmĩ ndatu nʼabiri. EYerũsalema yasyaswahĩmbwa haguma nʼesyombalu nʼomugende owakatĩmba, omo migulu yʼobũlĩge nibya.

Hosea 3:5

Nʼenyũma wʼaho, abana ba Ĩsraelĩ basyasubula nʼerĩsondya Omwami Mukulu Nyamuhanga wabo, na Dawĩdĩ omwami wabo; kandi basyasa oko Mwami Mukulu nʼerititimana, nʼoko bibuya biwe, omo biro byʼenyũma-nyũma.

Mĩka 5:2

Nĩkwa uwe Betelehemũ-Efurata, oyuli muke eribya omo katĩkatĩ kʼamaelfu wʼeYũda, umʼuwe mwasyahuluka omuguma busana nage oyo wasyabya mũtabalĩ omo Ĩsraelĩ, erihuluka liwe litula kera oko migulu ya kera na kera.

Zefania 3:15

Omwami Mukulu abĩrĩlũsya esyombanza syawe, abirigusa esyonzĩgũ syawe syʼeyĩhya. Omwami wa Ĩsraelĩ, iye Omwami Mukulu, ali omo katĩkatĩ kawe; siwendisyasyubaha erĩkwa kandi.

Zekarĩa 9:9

Utseme kutsibu uwe mwali wʼeSĩonĩ! Uwe mwali wʼeYerũsalema, wũte obogo! Lebaya, omwami wawe akasa ukʼuwe; atunganene, kandi awite erĩlamya, abĩrĩyĩkehya, kandi ĩkere oko punda, ega, oko kyana kyʼepunda.

Matayo 14:33

Neryo ababya omo bwato mobaramya Yesu, bati, Kwenene uli Mugala wa Nyamuhanga!

Matayo 2:2

Ali hahi oyo wabutawa mo mwami wʼAbayũda kwehĩ? Kusangwa twabirilola oko ngũnũnũ yiwe eyo eryuba likahulukira, neryo twabĩrĩhĩka erĩmũramya.

Matayo 21:5

Mubwire mwali wʼeSĩonĩ, muti; Lebaya omwami wawe amasa ukʼuwe, Iye ni wʼomutima molo, kandi akahekawa nʼepunda, Kye kyana kyʼepunda kikamuheka.

Matayo 23:7

Kandi bakanza erĩkerĩbwa nʼerikengwa omo hitale, nʼeribirikirwa nʼabandu mo Mũkangĩrĩrya.

Matayo 23:8

Nĩkwa ĩnywe simwahulawe mo Mũkangĩrĩrya, kusangwa Omũkangĩrĩrya ni muguma, nʼĩnywe bosĩ muli balĩkyetu.

Matayo 27:11

Nĩkwa Yesu mwahangana embere wʼomũtabalĩ. Naye mwamũbũlya ati, Uli mwami wʼAbayũda kwehĩ? Yesu mwasũbĩrya ati, Wamabũgakyo.

Matayo 27:42

Mwalamya abandi, nĩkwa sialitoka erĩyĩlamya! Iye ni Mwami wʼAbaĩsraelĩ, akĩme oko musalaba, netu twasyamwĩkĩrĩrya!

Matayo 4:3

Neryo Satanĩ oyukalenga abandu, mwasa mwamubwira ati, Wamabya uli Mugala wa Nyamuhanga, ubwire amabwe aya abye mandu.

Mariko 15:32

Muleke Kristo, Omwami wa Ĩsraelĩ, akĩme lino alũe oko musalaba, tulangire kandi twĩkĩrĩraye! Kandi ababambawa kuguma naye mobamutsuma.

Luka 1:35

Nʼomũlaĩka mwamũsũbĩrya ati, Omũlĩmũ Abũyĩrĩre asyakũhĩkako, nʼobũtokĩ bʼOwendata Kutsibu bwasyakũsũkũlĩrya; busana nʼomwatsi oyo, omwana abũyĩrĩre oyo wasyabuta asyahulwa mo Mugala wa Nyamuhanga.

Luka 19:38

bati, Nyamuhanga atsumule omwami, oyukasa omo lĩna lyʼomukama! Obuholo omo lubula nʼolukengerwa lubye uku Nyamuhanga!

Yoane 1:18

Sihali mundu wabilangira Nyamuhanga na kera; nina Nyamuhanga. Ekyusa, oyuli oko kĩkũba kya Tata, yo wabirimũmĩnyĩsya.

Yoane 1:34

Nĩkwa nabirilangirakyo, kandi ngababwira nyiti, Oyũ ni Mugala wa Nyamuhanga.

Yoane 1:38

Yesu mwakeba, mwalangirabo bakamukwama, neryo mwabũga ati, Mukasondakĩ kwehĩ? Nabo mobabwira Yesu bati, Rabĩ, ekĩnywa ekĩ kiti Mũkangĩrĩrya, wĩkerehi kwehĩ?

Yoane 1:50

Yesu mwamũsũbĩrya ati, Ukĩkĩrĩraya kusangwa nakubwira nyiti, Mongakulangira omo ndĩna yʼomuti wʼomũtĩnĩ kwehĩ? Wasyalangira emyatsi minene ũkwʼeyĩ

Yoane 18:37

Neryo Pilato mwabũga ati, Uli mwami kwehĩ? Yesu mwamũsũbĩrya ati, Ũkabũga ko ndi mwami. Busana nʼekĩ nabutawa kandi nabĩrĩhĩka omo kihugo busana nʼekĩ, erĩtũla omwatsi wʼekwenene. Obuli mundu wʼomwatsi wʼekwenene akowa omulenge wage.

Yoane 4:31

Omo mugulu oyo abiga mobalemba-lemba Yesu bati, Mũkangĩrĩrya, ulya!