Yoane 1:4 - AMASAKO ABOYTRTRE WA NYAMUHANGA AWAKAHULAWA MO BIBLIA

⁴ Ekĩnywa ekyo kyabya nʼengebe, nʼengebe eyĩ moyabya kyakakala kyʼabandu.

Nouveau Testament et Psaumes en Ndandi Version 1962

⁴ Mwiye habya engebe; nengebe moyabya ekyakakala kyabandu.

Yoane 1:4 Iomraidhean Croise

Esyonyimbo 49:6

Abandu abakayiketera ebindu byabo, Kandi abakayihalamba busana nʼobuteke bunene bwabo.

Esyonyimbo 84:11

Kusangwa Omwami Mukulu Nyamuhanga nĩ mũhanganĩrĩ wage, nʼomwami wʼolukengerwa, Omwami Mukulu akatutsumula nʼobubuya nʼerĩsĩkya. Sialikaga ekindu nʼekiguma kibuya oko bakakola ebitunganene.

Ĩsaya 42:16

Kandi nasyasondola esyondĩmatĩme omo nzira esyo batasĩ. Nʼomo syonzira batasĩ nasyasondolabo. Nasyayira omwĩrĩmya mo kyakakala embere syabo, nʼahatakomĩre mo bwerere. Nasyakola emyatsi eyĩ. Sĩndĩendĩsyasĩgayo ĩtakolĩre.

Malakĩ 4:2

Nĩkwa ĩnywe mukubaha erĩna lyage, eryuba lyʼeritunganene lyasyabahulukako nʼomulamo omo bĩpũpa byalyo; nenyũ mwasyahuluka mukayitsangura ngʼebyana byʼesyonde omo kibungo.

Matayo 4:16

Abandu abĩkere omo mwĩrĩmya, Mobalangira ekyakakala kinene! Kandi busana nʼabĩkere omo kihugo nʼomo kyũtsũtsũ kyʼoluholo, Ekyakakala kyamakoleryabo!

Luka 2:32

Ekyakakala kyʼerĩkangya enzira yawe oko Bihanda, Nʼeriha olukengerwa oko bandu bawe Ĩsraelĩ.

Yoane 11:25

Yesu mwamubwira ati, Ingye indi erĩlũbũka, nʼengebe. Oyũkanyĩkĩrĩraya nomo angahola asyabyaho.

Yoane 12:35

Neryo Yesu mwabwirabo ati, Ekyakakala kikine kandi omo katĩkatĩ kenyũ oko katambĩ kake. Mulendere omugulu mukine nʼekyakakala ekyo, omwĩrĩmya siabatange. Oyukalendera omo mwĩrĩmya sĩasĩ eyo akaya.

Yoane 12:46

Nabĩrĩhĩka muna-kihugo ngʼekyakakala, neryo oyũkanyĩkĩrĩraya sĩasyĩkala omo mwĩrĩmya.

Yoane 14:6

Yesu mwamubwira ati, Ĩngye indi nzira, ĩngye indi mwatsi wʼekwenene, ĩngye indi ngebe; sihali mundu ũkahĩka uku Tata ate kwĩngye.

Yoane 3:19

Neryo eritswera lyerĩ, ekyakakala kyabiriasa omo kihugo, nʼabandu mobanza omwĩrĩmya kwilaba ekyakakala, kusangwa emĩbĩrĩ yabo yabya mibi.

Yoane 5:21

Kusangwa ngoko Tata akalũbũkaya abaholĩ nʼerihabo engebe, litya Omugala akaha engebe ukwʼabo anzĩre erihayo.

Yoane 5:26

Kusangwa ngoko Tata ni mwenye engebe, litya abiriha Omugala eribya Omwenye engebe.

Yoane 8:12

Kandi Yesu mwaswabũga nabo ati, Ingye indi kyakakala kyʼekihugo. Oyukanyikwama siendisyalendera omo mwĩrĩmya, nĩkwa asyabya nʼekyakakala kyʼengebe.

Yoane 9:5

Omugulu nyikine omo kihugo indi kyakakala kyʼekihugo.

Emibiri 26:23

Bati, Kristo asyagalwa, kandi busana nʼerĩlũbũka liwe oko baholĩ, asyabya owʼerĩmbere wʼerĩtũla omwatsi wʼekyakakala kyʼerilama oko bandu bʼAbayũda, nʼoko bandu bʼEbihanda.

1 AbanyaKorinto 15:45

Kusangwa Amasako akabũga ati, Omundu wʼerĩmbere ye Adamu, mwabya mundu oyuliho. Nĩkwa Adamu wʼenyũma nĩ Mũlĩmũ owakaha engebe.

AbanyaEfeso 5:14

Ekĩ kikaleka ĩnĩabũga ati, Ubuke, uwe mũgotserĩ, Ũlũbũke oko baholĩ! Kristo asyakũkolerya.

AbanyaKolosai 3:4

Kristo ni ngebe yenyũ, neryo omugulu asyamĩnyĩkalĩbwa nenyũ mwasyamĩnyĩkalĩbwa haguma naye omo lukengerwa.

1 Yoane 1:1

Tukabasakira omwatsi wʼEkĩnywa kyʼengebe, ekitula erĩtsũka erĩmbere. Twabĩrĩowakyo, kandi twabirilangirakyo omo meso wetu. Inga, twabirilola kukyo, kandi ebyala byetu byabĩrĩtũla kukyo.

1 Yoane 1:2

Nʼengebe eyo moyaminyikala, netu twabirilola kuyo nʼeribya balangĩrĩ bayo, kandi tũkabatũlĩra engebe yʼerikota, eyabya haguma na Tata nʼerĩmĩnyĩkalĩbwa ũkwʼĩtwe.

1 Yoane 5:11

Nʼomwatsi ogo atũla goyũ: ati, Nyamuhanga abirituha engebe yʼerikota, nʼengebe eyĩ ikabanika omo Mugala wuwe.

Eribisurirwa 22:1

Kandi omũlaĩka mwanyĩkangya olũsĩ lwʼamagetsi wʼengebe, olũkangabasenĩe ngʼekiyo, olukahuluka omo kĩtũmbĩ kyʼobwami kya Nyamuhanga, nʼekyʼEkyana kyʼEmbũlĩ,

Eribisurirwa 22:16

Ĩngye Yesu nabirituma omũlaĩka wage nʼerĩbatũlĩra emyatsi eyĩ busana nʼesyokanĩsa. Ingye indi Mũlĩhĩ nʼomwana wʼekĩtũnga kya Dawĩdĩ. Ĩngye indi ngũnũnũ eyikaka omo ngyakya-ngyakya.