Yoane 1:29 - AMASAKO ABOYTRTRE WA NYAMUHANGA AWAKAHULAWA MO BIBLIA

²⁹ Neryo engyakya Yoane mwalangira Yesu akasa aho ali, neryo mwabũga ati, Lebaya, Ekyana kyʼEmbũlĩ kya Nyamuhanga oyũkalũsaya ebibi byʼekihugo!

Nouveau Testament et Psaumes en Ndandi Version 1962

²⁹ Engyakya mwalangira Yesu akasa eyari, mwabuga, ati, Lebaya eKyana Kyembuli kyoMungu, ekikalusaya ebibi byeki hugo!

Yoane 1:29 Iomraidhean Croise

Erĩlũayo 28:38

Kakandisyabya oko bũsũ bwa Harũnĩ, na Harũnĩ asyaheka obubi bwʼebindu bĩbũyĩrĩre, ebyo abana ba Ĩsraelĩ basyahigula omo lũsũnzo lwabo losĩ lũbũyĩrĩre; nako kasyabya ebiro byosĩ oko bũsũ buwe, ibatoka erĩrĩgwa embere syʼOmwami Mukulu.

Ĩsaya 53:10

Nĩkwa molyatsemesya Omwami Mukulu erĩmũhũnza. Abĩrĩmwagalya. Amayiyira eribya buhere bwʼolubanza, asyalola oko bana buwe, asyatomekera ebiro biwe, nʼeritsemesya libuya lyʼOmwami Mukulu lyasyagasa omo byala biwe,

Ĩsaya 53:11

Busana nʼeriagalwa lyʼomutima wuwe, asyalangira ekyakakala nʼerĩsĩma. Busana nʼamenge wuwe, Oyutunganene, omugombe wage, asyayira abangi mo batunganene, kandi asyaheka ebibi byabo.

Ĩsaya 53:7

Mwanũbĩbwa, nʼerĩagalĩranĩbwa, nĩkwa mwatakũmbũla obuno buwe. Ngʼekyana kyʼembũlĩ ekikatwalawa okwʼikerwa, kandi ngʼembũlĩ kwʼikabya bũkũtũ embere syʼabatwĩ bʼobweya bwayo, naye mwatabũga ekĩnywa nʼekiguma.

Hosea 14:2

Hambana nʼebĩnywa, usube oko Mwami Mukulu; umubwire uti, Ũlũsaye ebibi byosĩ, ũtũkokaye nʼolukogo, litya tutoke erireta ebĩnywa byʼemĩnywa yetu.

Abalawĩ 10:17

Busana nakĩ simwetalya obuhere bwʼebibi bwʼahabũyĩrĩre kwehĩ? Kusangwa bũbũyĩrĩre kutsibu, naye abiribahabo eriheka ebibi byʼendeko, eririhirabo embanulo embere syʼOmwami Mukulu.

Zekarĩa 13:1

Omo kiro ekyo hasyabya eyĩsoko yasyalĩbũlwa busana nʼekĩtũnga kya Dawĩdĩ nʼoko syondũlanĩ syʼeYerũsalema, busana nʼebibi nʼebĩtĩsĩrĩre.

Emiganzo 18:1

Neryo Omwami Mukulu mwabũga na Harũnĩ ati, Uwe nʼabagala bawe nʼekĩtũnga kyʼabotata wawe mwasyaheka olubanza lwʼahabũyĩrĩre; uwe nʼabagala bawe mwasyaheka olubanza lwʼobũhererĩ bwenyũ.

Emiganzo 18:23

Nĩkwa Abalawĩ ĩbobene basyakola omũbĩrĩ wʼeHema yʼerĩhĩndanamo, nabo basyaheka ebibi byabo; kyasyabya kihano kera na kera omo syondengo syenyũ syosĩ; nʼomo katĩkatĩ kʼabana ba Ĩsraelĩ sibendisyabya nʼomwandu.

Emiganzo 21:9

Neryo Musa mwakola enzoka yʼomulinga, mwahĩrayo oko muti; neryo mokyabya omugulu enzoka yaluma omundu, omugulu asamalira enzoka yʼomulinga, mwabyaho.

Emiganzo 7:27

enume nguma ndere yʼende nʼembangale nguma, nʼakabangale kaguma kʼomwaka muguma, eribya buhere bwʼerĩokererya;

Emiganzo 7:39

enume nguma yʼende, nʼembangale nguma, nʼakabangale kʼomwaka muguma, eribya buhere bwʼerĩokererya;

Matayo 1:21

Asyabuta omugala, nawe wasyamwahula mo Yesu, kusangwa asyalamya abandu buwe oko bibi byabo.

Matayo 20:28

Kusangwa Omugala wʼomundu mwatasa erikolerwa, nĩkwa asa erikola, nʼeriha engebe yiwe mo bũgũlĩ busana nʼabandu bangi.

Yoane 1:35

Kandi engyakya Yoane abya imene haguma nʼabiga buwe babiri.

Yoane 1:36

Neryo mwalangira Yesu akalaba, neryo mwabũga ati, Lebaya, Ekyana kyʼEmbũlĩ kya Nyamuhanga!

Yoane 1:43

Kandi engyakya Yesu mwasonda eriya eGalĩlaya. Neryo Yesu mweya Fĩlĩpo, mwamubwira ati, Unyikwame.

Yoane 2:1

Enyũma wʼebiro bisatu habya erĩherũkya omo mũyĩ wʼeKana yʼeGalĩlaya, kandi nyĩnya wa Yesu abyaho.

Yoane 3:16

Kusangwa Nyamuhanga mwanza ekihugo kyʼatya, kyaleka iniaha Mugala wuwe, Ekyusa kiwe, neryo oyũkamwĩkĩrĩraya siahere, nĩkwa abye nʼengebe yʼerikota.

Yoane 4:42

Mobabwira omũkalĩ bati, Lino tũkĩkĩrĩraya, si busana nʼerĩbũga lyawe, nĩkwa kusangwa ĩtwe twabĩrĩowa ĩtwebene-bene, kandi tũnasĩ oyũ, kwenene kwʼali Mũlamya wʼekihugo.

Yoane 6:51

Ĩngye indi bundu bwʼengebe obwandagala bũkalũa elubula. Omundu amalya oko bundu obo, asyabyaho kera na kera; nʼobundu obo nasyaha ni mubiri wage, ogo ngaha, ekihugo kitoke eribyaho.

Emibiri 8:32

Nĩkwa omulondo wʼAmasako awabya akasoma waya, ati, Abya ngʼembũlĩ eyikatwalawa erikerwa, Abya ngʼekyana kyʼembũlĩ ekikabya bũkũtũ omugulu bakatwa obweya bwakyo. Mwatabũga kĩnywa nʼekiguma.

1 AbanyaKorinto 15:3

Kusangwa natsũka eribaha erĩmbere omwatsi munene ogo nangirira nibya, nyiti Kristo mwahola busana nʼebibi byetu ngoko kĩsakĩre omo Masako,

2 AbanyaKorinto 5:21

Kristo mwabya butsira ebibi, nĩkwa Nyamuhanga mwamuyira ngʼowʼebibi busana netu, itwatoka eriyirwa mo batunganene ba Nyamuhanga busana nʼerimatikana na Kristo.

AbanyaGalatia 1:4

Kristo mwayiha busana nʼebibi byetu eritubohola oko mugulu mubi ono, ngoko Nyamuhanga Tata wetu abya anzĩre.

AbanyaGalatia 3:13

Kristo abĩrĩtũtongolya okwʼitakirwa lyʼEmigambo, iniabiritakirwa omo mwanya wetu, kusangwa kĩsakĩre kiti, Obuli mundu oyũhanĩkĩrwe oko muti abye mutakirwa.

1 Timoteo 2:6

oyo wayiha busana nʼerĩtongolya abandu bosĩ. Neryo ekyo akola nĩ kĩmĩnyĩsyo oko mugulu atolere ngoko Nyamuhanga anzĩre abandu bosĩ ĩbalamĩbwa.

Tito 2:14

Kristo mwayiha busana netu erĩtũtongolya oko bibi byosĩ, nʼerĩerya abandu busana naye ĩyowene-wene, abali nʼomũhwa wʼerikola emĩbĩrĩ yowene.

AbaEbrania 1:3

Omugala akakangabasanaya nʼolukengerwa lwa Nyamuhanga. Kandi iye ni kiminyikalo kwenene kyʼeribyaho lya Nyamuhanga. Kandi akahanganaya emyatsi yosĩ yʼekihugo nʼeyʼekyanya omo kĩnywa kyʼobũtokĩ buwe. Neryo abere abĩerya ebibi busana nʼabandu, mwĩkala oko luhande lwʼamali lwa Nyamuhanga Omwenye Obukulu Owendata kutsibu.

AbaEbrania 2:17

Kyaleka Yesu iniayirwa ngʼabalĩkyabo omo myatsi yosĩ, kandi iniatoka eribya omũhererĩ mukulu oko bahererĩ bosĩ oyukaganyira, nʼoyuteregula omo mũbĩrĩ wa Nyamuhanga, ebibi byʼabandu bibuyirawe.

AbaEbrania 9:28

Litya Kristo nibya mwahabwa ngendo nguma eriheka ebibi byʼabandu bangi. Kandi asyaminyikala engendo yʼakabiri butsira eriheka ebibi, nĩkwa busana nʼerĩlamya abakamulindirira.

1 Petero 1:19

Nĩkwa mwatongolĩbawa omo musasi wa Kristo, owʼobũgũlĩ bunene, naye abya ngʼekyana kyʼembũlĩ ekite kwʼekĩtĩngũ kutse bulema.

1 Petero 2:24

Kristo ĩyowene-wene mwaheka ebibi byetu omo mubiri wuwe oko musalaba, itwatoka erihola oko bibi, nʼeribyaho busana nʼekitunganene; kusangwa mwalamĩbawa omo mĩbĩbũ yiwe.

1 Petero 3:18

Kusangwa Kristo mwahola busana nenyũ engendo nguma nyisa busana nʼebibi. Omundu mutunganene mwahola busana nʼabandu batatunganene, iniatoka erituleta uku Nyamuhanga. Kandi mwĩtwa oko mubiri nĩkwa mwabana engebe omo kĩrĩmũ.

1 Yoane 2:2

Kandi Kristo ni mbanulo busana nʼebibi byetu, kandi si busana nʼebibi byetu bisa, nĩkwa busana nʼebibi byʼekihugo kyosĩ.

1 Yoane 3:5

Kandi mũnasĩ ngoko Kristo kwʼaminyikala erĩlũsya ebibi byʼabandu; kandi Kristo siali kwʼekibi.

1 Yoane 4:10

Olwanzo lolũ; butsira ambu ĩtwe twanza Nyamuhanga, nĩkwa iye mwatwanza, mwatuma Omugala wuwe eribya mbanulo busana nʼebibi byetu.

Eribisurirwa 1:5

kandi bĩkalũa uku Yesu Kristo, omũtũlĩ wʼomwatsi oyuteregula, Omugala, akambere oyo walũbũkĩbawa oko luholo, omũtabalĩ, wʼabami bʼekihugo. Ukwʼoyukatwanza, kandi yo watubohola oko bibi byetu omo musasi wuwe,

Eribisurirwa 12:11

Kandi abalĩkyetu mobakĩnda Satanĩ omo musasi wʼEkyana kyʼembũlĩ kandi, kusangwa batũla omwatsi wa Nyamuhanga. Kandi mobatalanda oko ngebe yabo, mobalĩga erihola.

Eribisurirwa 13:8

Nʼabandu bosĩ abĩkere omo kihugo basyaramyayo, obuli mundu oyuwite erĩna lĩtasakĩre embere wʼerĩtsũka lyʼekihugo, omo kitabu kyʼengebe kyʼEkyana kyʼEmbũlĩ ekyakerawa.

Eribisurirwa 14:1

Kandi monalangira, neryo talebaya, Ekyana kyʼEmbũlĩ kyabya kyimene oko kitwa kyʼeSĩonĩ, kandi haguma naye habya bandu elfu erĩgana nʼamakũmĩ ani nʼĩnĩ (144,000), abawite erĩna lyʼEkyana kyʼEmbũlĩ, nʼerĩna lya Tata wuwe, awasakĩre oko mbũmo syabo.

Eribisurirwa 14:10

asyapũlya oko bĩnyũ bya Nyamuhanga, ebĩnyũ byʼerihitana liwe ebyo abĩrĩũta butsira erĩhĩrwa kwʼamagetsi omo lũtehĩ lwʼobukali buwe! Kandi asyagalĩbwa omo muliro nʼomo kirimi embere wʼabamalaĩka babũyĩrĩre, nʼembere wʼEkyana kyʼEmbũlĩ.

Eribisurirwa 14:4

Aba ni bandu abatayĩtsandaya haguma nʼabakalĩ, kusangwa sĩbetahĩkya. Bakakwama Ekyana kyʼEmbũlĩ ehosĩ kikaya. Aba babirigulwa omo katĩkatĩ kʼabandu ngʼabandu bʼerĩmbere busana na Nyamuhanga nʼEkyana kyʼEmbũlĩ.

Eribisurirwa 15:3

Babya bakimba Olwimbo lwa Musa, omugombe wa Nyamuhanga, nʼolwimbo lwʼEkyana kyʼEmbũlĩ, bati, Uwe Mwami Mukulu Nyamuhanga, Omũtokĩ Wʼebyosĩ, Emĩbĩrĩ yawe ni minene-minene, nʼeyʼeriswekera! Uwe Mwami wʼebihanda, Esyonzira syawe situnganene, kandi ni syʼekwenene!

Eribisurirwa 17:14

Aba basyalwa nʼEkyana kyʼEmbũlĩ, nĩkwa Ekyana kyʼEmbũlĩ, haguma nʼabakamukwama, ababirikirawa buwe, nʼabayisogawa, nʼabateregula buwe, basyakĩndabo, kusangwa iye ni Mukama wʼabakama, nʼOmwami wʼabami.

Eribisurirwa 19:7

Tutseme, tutsange, tumuhe olukengerwa! Kusangwa erĩherũkya lyʼEkyana kyʼEmbũlĩ lyabĩrĩhĩka, nʼomũherũkĩ wuwe abĩrĩyĩtegekanĩa.

Eribisurirwa 19:9

Nʼomũlaĩka mwambwira ati, Usake uti, Obutseme buli nʼabo abakabirikirawa okwʼirya lyʼerĩherũkya lyʼEkyana kyʼEmbũlĩ. Kandi mwabũga nage ati, Ebĩ nĩ bĩnywa byʼekwenene bya Nyamuhanga.

Eribisurirwa 21:14

Ekĩyĩte ekyo kyʼomũyĩ kyabya kĩhĩmbĩre omo mabwe ĩkũmĩ nʼawabiri, awasakĩre kwʼamena ĩkũmĩ nʼabiri wʼabakwenda erĩkũmĩ nʼababiri bʼEkyana kyʼEmbũlĩ.

Eribisurirwa 21:27

Kandi sihali ekĩtĩsĩrĩre, kutse omundu oyukakola esyonye, kutse oyukabiha. Nĩkwa ba nʼabandu amena wabo awasakĩre omo kitabu kyʼengebe kyʼEkyana kyʼEmbũlĩ, basyingira omo mũyĩ oyo.

Eribisurirwa 21:9

Neryo omuguma wʼoko bamalaĩka balinda ababya bawite ebibindi birinda ebyoswĩre mwʼamalĩge alinda wʼenyũmanyũma mwambĩkako, mwakanĩa nage ati, Wase hano, ngandĩkũkangya Omũherũkĩ, omũkalĩ wʼEkyana kyʼEmbũlĩ.

Eribisurirwa 5:6

Neryo monalangira Ekyana kyʼEmbũlĩ ekimene omo katĩkatĩ kʼekĩtũmbĩ kyʼobwami nʼerĩtĩmbwako nʼebĩhangĩkĩre bini ebiriho nʼabakulu. Ekyana kyʼEmbũlĩ ekyo kyabya nga kyabĩrĩĩtwa. Kandi kyabya kiwite amahembe alinda nʼameso alinda, awali Mĩrĩmũ irinda ya Nyamuhanga, eyatumawa omo kihugo kyosĩ.

Eribisurirwa 5:8

Neryo abere abihamba ekitabu, ebĩhangĩkĩre bini nʼabakulu amakũmĩ abiri nʼabani mobawa ahisi embere syʼEkyana kyʼEmbũlĩ. Obuli mundu abya awite enanga haguma nʼebibindi byʼesyamagetsi ĩbyoswĩre mwʼobukwa, nʼobukwa obo ni ʼsaba lyʼabandu ba Nyamuhanga.

Eribisurirwa 6:1

Neryo monalangira Ekyana kyʼEmbũlĩ kĩkatwũa ekiguma kyʼoko bĩbohĩ birinda, kandi monowa ekiguma kyʼebĩhangĩkĩre bini kĩkabũga omo mulenge wʼomũlũmo, kiti, Wase!

Eribisurirwa 6:16

Kandi mobabirikira oko bitwa nʼamabwe bati, Mututogereko, mũtũbĩse oko meso agʼoyo wĩkere oko kĩtũmbĩ kyʼobwami, nʼokwʼihitana lyʼEkyana kyʼEmbũlĩ!

Eribisurirwa 7:14

Neryo monamubwira nyiti, Mukama wage, ũnasĩ. Neryo mwambwira ati, Aba ni bandu abakalũa omwʼendererya lĩnene, ĩbabĩrĩerya esyokanzu syabo nʼeriyirasyo mo nyeru-nyeru omo musasi wʼEkyana kyʼEmbũlĩ.

Eribisurirwa 7:17

Kusangwa, Ekyana kyʼEmbũlĩ oyuli omo katĩkatĩ kʼekĩtũmbĩ kyʼobwami, asyabya mũlĩsya wabo, kandi asyasondolabo oko syongũnũnũko syʼamagetsi wʼengebe; kandi Nyamuhanga asyasangula obuli mĩsonĩa oko meso wabo.