Yoane 1:17 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁷ Kusangwa Nyamuhanga mwaha Musa Emigambo, nĩkwa olukogo nʼekwenene, Yesu Kristo yo waletabyo.

Nouveau Testament et Psaumes en Ndandi Version 1962

¹⁷ Ku sangwa ebihano byahabawa omo Musa; olukogo nekwenene mobyasa na Yesu Kristo.

Yoane 1:17 Iomraidhean Croise

Enzũko 22:18

Kandi Nasyatsumula ebihanda byosĩ byʼekihugo kusangwa wabirikenga omulenge wage.

Enzũko 3:15

Kandi nasyahĩra obũyĩgũ omo katĩkatĩ kawe nʼomũkalĩ, nʼomo katĩkatĩ kʼekihanda kyawe nʼekihanda kiwe. Iye asyabanda omutwe wawe, nawe wasyabanda akasĩnzĩro kuwe.

Esyonyimbo 85:10

Olwanzo nʼeritendiregula byasyahĩndana haguma; Ekitunganene nʼobuholo byasyahĩndana.

Esyonyimbo 98:3

Mwaberererya erilaga liwe oko bandu ba Ĩsraelĩ, Omo lwanzo luwe olutyusa, nʼeritindalegula liwe busana nabo; Abandu bosĩ ehosĩ babirilangira erĩkĩnda lya Nyamuhanga wetu!

Mĩka 7:20

Wasyaha ekwenene uku Yakobo, nʼobubuya bʼolwanzo uku Abrahamũ, ebyo walahĩrĩraya ukwʼabo tata wetu erĩtsũka oko biro bya kera.

Yoane 1:14

NʼEkĩnywa ekyo mokyabya mundu, naye mwĩkala omo katĩkatĩ ketu. Netu motwalangira olukengerwa luwe ĩloswĩre nʼolukogo nʼekwenene. Olukengerwa olũ lwabya olwa Mugala Ekyusa ekyabutawa na Tata.

Yoane 14:6

Yesu mwamubwira ati, Ĩngye indi nzira, ĩngye indi mwatsi wʼekwenene, ĩngye indi ngebe; sihali mundu ũkahĩka uku Tata ate kwĩngye.

Yoane 18:37

Neryo Pilato mwabũga ati, Uli mwami kwehĩ? Yesu mwamũsũbĩrya ati, Ũkabũga ko ndi mwami. Busana nʼekĩ nabutawa kandi nabĩrĩhĩka omo kihugo busana nʼekĩ, erĩtũla omwatsi wʼekwenene. Obuli mundu wʼomwatsi wʼekwenene akowa omulenge wage.

Yoane 5:45

Sĩmũganĩraye muti nasyabahandikirira embere sya Tata. Musa yo wasyabahandikirira. Ni Musa oyo mũkahĩra kwʼamaha.

Yoane 7:19

Musa mwatabaha Emigambo kwehĩ? Nĩkwa sihali muguma gʼũkwʼĩnywe oyukakenga Emigambo. Busana nakĩ mukasonda-sonda erĩnyĩta kwehĩ?

Yoane 8:32

Kandi mwasyaminya ekwenene, nʼomwatsi wʼekwenene asyabaha obwĩranda.

Yoane 9:29

Tũnasĩ ngoko Nyamuhanga mwabũga na Musa; nĩkwa omundu oyũ Sĩtwasĩ aho alũa.

Emibiri 28:23

Neryo babere babilagana na Paũlo busana nʼekiro kiguma, abandu bangi mobamweya omo nyũmba yiwe aho abya ĩkere. Naye mwakanĩryabo erĩtsũka omo ngyakya-ngyakya erĩhĩka, omwʼĩgolo-golo, ĩnĩakatũla omwatsi wʼobwami bwa Nyamuhanga. Nĩkwa Paũlo mwalenga erĩsĩngabo busana nʼomwatsi wa Yesu omo Migambo ya Musa nʼamasako wʼabamĩnyererĩ.

Emibiri 7:38

Yoyo wabya haguma nʼabandu ba Ĩsraelĩ omo mbwarara. Abyayo haguma nʼabotata-kulu Wetu, kandi haguma nʼomũlaĩka oyo wabũga naye oko kitwa kyʼeSĩnaĩ. Iye mwangirira amahano wʼengebe nʼerituhago.

AbanyaRoma 6:14

Kusangwa ebibi sibikibawite ko hamũlĩ, kusangwa Simuli oko Migambo nĩkwa oko lukogo lwa Nyamuhanga.

2 AbanyaKorinto 1:20

Kusangwa ni iye oyuli Ega busana nʼerilaga lyosĩ lya Nyamuhanga. Neryo busana na Yesu Kristo tukaha eAmina yetu, oko lukengerwa lwa Nyamuhanga.

AbanyaGalatia 3:17

Ekyo ngabũga kyekĩ, endagane eyagomerĩbawa na Nyamuhanga siyangabindulwa nʼEmigambo eyahĩka emyaka amagana ani nʼamakũmĩ asatu enyũma. Neryo Emigambo sĩyangalĩmya erilaga liwe.

Eryibuka Ebihano 33:4

Musa mwatuhana, omo mugambo, Enzĩgalya busana nʼendeko ya Yakobo.

Eryibuka Ebihano 4:44

Kandi oyũ go mugambo ogo Musa ahĩra embere syʼabagala ba Ĩsraelĩ.

Eryibuka Ebihano 5:1

Neryo Musa mwabirikira Abaĩsraelĩ bosĩ, mwabwirabo ati, Ĩnywe Baĩsraelĩ, mowe emigambo nʼebilayiro ebyo ngabũgĩra omo matwĩ wenyũ mũnabwĩre, imwabana eriigabyo, nʼerikolabyo.

AbaEbrania 9:22

Kandi omo myatsi yʼEmigambo, hakũhĩ nʼebindu byosĩ, bĩkerĩbawa omo musasi, kandi ebibi sibyebuyirawa ahate erĩũtĩka lyʼomusasi.