Yoane 1:12 - AMASAKO ABOYTRTRE WA NYAMUHANGA AWAKAHULAWA MO BIBLIA

¹² Nĩkwa abosĩ abamũkokaya, nʼerĩmwĩkĩrĩrya, mwahabo ehamũlĩ eribya bana ba Nyamuhanga.

Nouveau Testament et Psaumes en Ndandi Version 1962

¹² Nikwa abosi bambukokaya abo mwahabo ehamuli eribya abana boMungu, abo abakikiriraya oko erina riwe:

Yoane 1:12 Iomraidhean Croise

2 Samwelĩ 7:24

Kusangwa wabĩrĩyĩhanganĩrya abandu bawe Ĩsraelĩ babye bandu bawe kera na kera, kandi uwe Mwami Mukulu, wabiribya Nyamuhanga wabo.

Ĩsaya 56:5

Nasyahabo omo nyũmba yage nʼomwisi wʼesyombĩmbo syage ekĩbũkyo, nʼerĩna libuya erĩlabĩre eryʼabagala nʼeryʼabali. Nasyahabo erĩna lyʼerikota erĩtendĩsyalũsĩbwaho.

Yeremĩa 3:19

Nĩkwa ĩngye monabũga nyiti, Nangatoka erĩkũhĩra nyiti omo katĩkatĩ kʼabagala bage, nʼerikuha ekihugo kibuya, omwandu owenenga wʼebihanda! Nage monabũga nyiti, Mwasyanyahula mo Tata wage, kandi simwendisyaswaleka erinyikwama.

Hosea 1:10

Nĩkwa emiganzo yʼabana ba Ĩsraelĩ yasyabya ngʼomusege wʼengetsi, owate angatoka erirengwa kutse eriganzwa; neryo kyasyabya, aho bakabwirawa, ambu Simuli bandu bage, basyabwirwa, muli bagala ba Nyamuhanga oyuliho.

Matayo 10:40

Omundundi oyũkabakokaya akanyĩkokaya; nʼoyũkanyĩkokaya akakokaya oyo wanyituma.

Matayo 12:21

Nʼomo lĩna liwe Ebihanda byasyabana amaha.

Matayo 18:5

Kandi oyũkakokaya omwana ngʼoyũ omo lĩna lyage akanyĩkokaya.

Yoane 1:11

Iye mwahĩka omo kihugo kiwe, nʼababya bandu buwe mobatetamũkokya.

Yoane 1:7

Yoane mwahĩka erĩtũla omwatsi iniatoka erĩtũla omwatsi wʼekyakakala, abandu bosĩ batoke erĩkĩrĩrya.

Yoane 11:52

Kandi si busana nʼekihanda ekyo kisa, nĩkwa atoke erĩhĩndanĩa haguma omo ndeko nguma abana ba Nyamuhanga abapanza-panzĩre ehosĩ.

Yoane 2:23

Omugulu Yesu abya eYerũsalema okwʼĨkiruka, omo biro bikulu ebyo, abangi mobamwĩkĩrĩrya, ibakalangira emĩbĩrĩ ĩkalĩre eyo akola.

Yoane 20:31

Nĩkwa ebĩ bĩsakĩre imwatoka erĩkĩrĩrya Yesu kwʼali Kristo, Omugala wa Nyamuhanga, neryo omwʼĩkĩrĩrya erĩ imwabana engebe omo lĩna liwe.

Yoane 3:18

Oyũkĩkĩrĩraya Omugala sialitswerawa, nĩkwa oyũtetĩkĩrĩrya iniamabitswerwa, kusangwa sĩalĩtĩkĩrĩrya oko Mugala, Ekyusa kya Nyamuhanga.

Emibiri 3:16

Nĩkwa busana nʼerĩkĩrĩrya omo lĩna lya Yesu, erĩkĩrĩrya uku Yesu lyo lyamaha omundu oyũ yʼamaka, oyo mukalangira, ĩmũnamwasĩ nibya. Erĩkĩrĩrya Yesu lyo lyamalamya omundu oyũ embere wenyũ ĩnywe bosĩ.

AbanyaRoma 8:14

Kusangwa abosĩ abakasondolawa nʼOmũlĩmũ wa Nyamuhanga bo bagala ba Nyamuhanga.

AbanyaRoma 8:16

Omũlĩmũ oyũ wa Nyamuhanga akatũlago haguma nʼekĩrĩmũ kyetu ko tuli bana ba Nyamuhanga.

AbanyaRoma 8:19

Kusangwa ebihangikwa byosĩ bikalindirira nʼolukando lunene erĩbĩsũlĩrwa lyʼabagala ba Nyamuhanga.

AbanyaGalatia 3:26

Kusangwa busana nʼerĩkĩrĩrya, ĩnywe bosĩ muli bagala ba Nyamuhanga nʼerimatikana na Kristo Yesu.

AbanyaGalatia 4:6

Kandi kusangwa muli bagala, Nyamuhanga abirituma Omũlĩmũ wʼomugala wuwe omwisi wʼemitima yetu, owakabirikira ati, Tata, Tata!

AbanyaKolosai 2:6

Neryo, kusangwa mwabiriangirira Kristo Yesu mo Mukama, mumukwame nʼerimatikana naye.

2 Petero 1:4

Kandi abirituha esyondagane siwe nene, syʼesyonzwere nene, itwatoka erisangira omo bu Nyamuhanga buwe, imwamabibala eritsanda lyʼesyongumbu sya muna-kihugo.

1 Yoane 3:1

Mulangire ngoko Tata abiritwanza kutsibu, kusangwa tukahulawa mo bana ba Nyamuhanga; ko tune tutya. Busana nʼomwatsi oyũ; ekihugo sĩkĩtwasĩ, kusangwa mokitetaminya Nyamuhanga.

1 Yoane 3:10

Ũmwʼekĩ abana ba Nyamuhanga nʼabana bʼeSatanĩ baminyikere. Oyutekola ebitunganene, kutse omundu Oyũtanzĩre mũlĩkyabo, abo si bana ba Nyamuhanga!

1 Yoane 3:2

Abanze betu, lino tuli bana ba Nyamuhanga, nĩkwa sikyetaminyikala ngoko twasyabya. Nĩkwa tũnasĩ ekiro Kristo asyabutuka, twasyamusosa, kusangwa twasyamulolako ngoko ali.

1 Yoane 3:23

Neryo ekihano kiwe kiti twĩkĩrĩraye erĩna lyʼomugala wuwe Yesu Kristo, nʼerianzana, ngoko Kristo atuhana.