Yoane 1:10 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁰ Ekĩnywa ekyo kyabya omo kihugo, kandi ni iye yo wabumba ekihugo, nĩkwa ekihugo mokitetamuminya.

Nouveau Testament et Psaumes en Ndandi Version 1962

¹⁰ Abya mona kihugo, ne kihugo yo wabumbakyo, ne kihugo mokitetamuminya.

Yoane 1:10 Iomraidhean Croise

Enzũko 16:13

Neryo Hagarĩ mwabirikira erĩna lyʼOmwami Mukulu oyo wabũga naye ati, Uli Nyamuhanga oyukalangira kusangwa abuga ati, Namalangira oyukanyilolako kwehĩ?

Enzũko 17:1

Neryo omugulu Abramu abya wʼemyaka makũmĩ mwenda nʼomwenda Omwami Mukulu mwamuhulukira, mwabũga naye ati, Ĩngye indi Nyamuhanga Omũtokĩ Wʼebyosĩ. Ulendere embere syage, ũhĩkane.

Enzũko 18:33

Neryo Omwami Mukulu abere abibuga erĩkanĩa na Abrahamũ, mwalũaho na Abrahamũ mwasuba ewuwe.

Ĩsaya 53:3

Abiriponwa nʼerĩsĩganĩbwa nʼabandu, omundu wʼamalĩge nʼoyo wasĩ amagalĩ. Kandi abya ngʼoyo abandu bakabĩsako obũsũ bwabo. Mwaponwa, netu motutamũsĩma.

Matayo 11:27

Tata wage abirimba emyatsi yosĩ. Sihali oyo wasĩ Omugala nina Tata, kandi sihali oyo wasĩ Tata nina Mugala, nʼomundu oyo Mugala anzĩre erĩmũbĩsũlĩra.

Yoane 1:11

Iye mwahĩka omo kihugo kiwe, nʼababya bandu buwe mobatetamũkokya.

Yoane 1:18

Sihali mundu wabilangira Nyamuhanga na kera; nina Nyamuhanga. Ekyusa, oyuli oko kĩkũba kya Tata, yo wabirimũmĩnyĩsya.

Yoane 1:3

Kandi busana naye emyatsi yosĩ moyahuluka eribyaho, isihali kindu ekyahangikawa ekyo atahangika.

Yoane 1:5

Kandi ekyakakala ekyo kĩkakoleraya omo mwĩrĩmya, nʼomwĩrĩmya mwatalĩmyakyo.

Yoane 17:25

Uwe Tata uwe utunganene! Ekihugo nomo kitenetakuminya, nĩkwa nabirikuminya, kandi aba nabo babirikuminya kʼuli inina we wanyituma.

Yoane 5:17

Nĩkwa Yesu mwasũbĩryabo ati, Tata wage akakola emigulu yosĩ, ĩngye nage ngakola.

Emibiri 14:17

Nĩkwa mwatayireka bute balangĩrĩ buwe, iniakakola ebibuya nʼeribaha embũla eyĩkalũa elubula, nʼeribaha ebirimo ebĩkeraya ebyalya, nʼerĩũsũlya emitima yenyũ mwʼobutseme.

1 AbanyaKorinto 1:21

Kusangwa ekihugo mokitetatoka eriminya Nyamuhanga omo menge wakyo. Neryo omo menge wuwe Nyamuhanga mwatsemesĩbwa erĩlamya abandu abakĩkĩrĩraya busana nʼobũkĩrũ bwʼomwatsi tũkatũla.

1 AbanyaKorinto 2:8

Abatabalĩ bʼekihugo kino mobataminya amenge aya. Kusangwa nga balibya basĩ amenge ayo, kumbe sibetabamba Omukama wʼolukengerwa oko musalaba.

1 AbanyaKorinto 8:6

nĩkwa busana netu hali Nyamuhanga muguma, ye Tata. Kandi emyatsi yosĩ, ĩkalũa ukwʼiye, netu tuliho busana naye. Kandi hali Omukama muguma ye Yesu Kristo, oyo wahangika emyatsi yosĩ, kandi akaleka itwabyaho.

AbanyaKolosai 1:16

Kusangwa Nyamuhanga mwahangika ebindu byosĩ omo byala bya Kristo, ebiri omo lubula, nʼebiri oko kihugo, ebindu ebikalolawako, nʼebindu ebitelolawako nomo angabya mami, kutse abakama, kutse abatabalĩ, kutse abʼehamũlĩ. Nyamuhanga mwahangika obuli kindu omo byala bya Kristo, na busana naye.

AbaEbrania 11:3

Ni busana nʼerĩkĩrĩrya tukaminya kwʼekihugo kyahangikawa omo kĩnywa kya Nyamuhanga, neryo ebikalolawako mobyalũa ukwʼebyo ebitelolawako.

1 Yoane 3:1

Mulangire ngoko Tata abiritwanza kutsibu, kusangwa tukahulawa mo bana ba Nyamuhanga; ko tune tutya. Busana nʼomwatsi oyũ; ekihugo sĩkĩtwasĩ, kusangwa mokitetaminya Nyamuhanga.