Yakobo 5:11 - AMASAKO ABOYTRTRE WA NYAMUHANGA AWAKAHULAWA MO BIBLIA

¹¹ Mũlebaye, tukaganza abayĩyĩnaya mo bandu bʼobutseme. Mwabĩrĩowa engulu yʼerĩyĩyĩnĩa lya Yobũ, kandi mwabirilangira ebyo Mukama asala amukolera. Kusangwa Omukama ni wʼeriganyira kutsibu, kandi akaganyira abandu.

Nouveau Testament et Psaumes en Ndandi Version 1962

¹¹ Lebaya, tukahulabo mo bomuyisa abasika. Mwabiriowa erisika eriteluha ryaYobu, kandi mwabirilangira erisonda ryoMukama, ngoko Mukama ni weriganyira nolukogo.

Yakobo 5:11 Iomraidhean Croise

1 Emyatsi yʼEmigulu 21:13

Na Dawĩdĩ mwabwira Gadĩ ati, Namahatatana kutsibu; ngakũbũlaya nyiti uleke nyiwe omo byala byʼOmwami Mukulu kusangwa olukogo luwe ni lungi; Suleke ngawa omo byala byʼomundu.

2 Emyatsi yʼEmigulu 30:9

Kusangwa mwamasuba oko Mwami Mukulu, abagala benyũ nʼabana benyũ basyabana eriganyirwa embere wʼabahekabo mo banyegwa, nabo ibasuba omo kihugo ekĩ; kusangwa Omwami Mukulu Nyamuhanga wenyũ ni wʼolukogo nʼowʼeriganyira, ĩsĩendĩsyalũsya obũsũ buwe ũkwʼĩnywe, mwamamusubako.

Nehemĩa 9:17

Mobagana erihulikirira, kandi mobatetibuka emĩbĩrĩ yʼeriswekera yawe eyo wakola omo katĩkatĩ kabo, nĩkwa mobakala, nʼomwʼihona lyabo mobayĩhĩrĩra omukulu bati basube omo bukobe bwabo eMĩsĩrĩ. Nĩkwa uwe uli Nyamuhanga wʼeribuyira, owʼeriganyira nʼowʼolukogo, sulihitana lũba, uwite obubuya bwʼolwanzo lunene, kandi mutetasĩganĩabo.

Nehemĩa 9:31

Nĩkwa omwʼiganyira lyawe ringi mutabugabo, kutse erĩsĩgabo; kusangwa uli Nyamuhanga wʼolukogo nʼeriganyira.

Yobũ 1:1

Omo kihugo kyʼeŨzĩ habya mundu erĩna liwe iyo Yobũ; nʼomundu oyo abya ahĩkene nʼoyutunganene, nʼoyukakenga Nyamuhanga, ĩnĩakahũtata oko bibi.

Yobũ 1:2

Naye mwabuta abagala balinda nʼabali basatu.

Yobũ 2:10

Nĩkwa Yobũ mwamubwira ati, Ũkabũga ngʼomuguma gʼoko bakalĩ bakĩrũ. Nĩkĩ kwehĩ? Twasyangirira ebibuya omo byala bya Nyamuhanga, isitwendisyabana nʼobũlĩge kwehĩ? Omo byosĩ ebĩ Yobũ mwatabũga bibi omo mĩnywa yiwe.

Yobũ 23:10

Nĩkwa anasĩ enzira ngayamo; Omugulu amabinyirengako, nasyahuluka ngʼesyamagetsi.

Esyonyimbo 103:13

Ngoko ĩse wʼabana akaganyirabo, Litya Omwami Mukulu akaganyira abandu abakamubaha.

Esyonyimbo 103:8

Omwami Mukulu ni wʼeriganyira nʼowʼolwanzo, Sialihitana lũba, kandi ni wʼolwanzo olutyusa.

Esyonyimbo 116:5

Omwami Mukulu akaganyira, kandi ni mubuya, Nyamuhanga wetu akaganyira.

Esyonyimbo 119:132

Unyikebere, unyiganyire, Ngoko ukanakolera abakwanzĩre.

Esyonyimbo 145:8

Omwami Mukulu ni wʼolwanzo nʼeriganyira; Sialihitana lũba, kandi ni wʼolwanzo olutyusa.

Esyonyimbo 37:37

Nĩkwa Ũlebaye omundu oyũhĩkene, kandi usamalire oyutunganene, Omundu wʼobuholo awite abana.

Esyonyimbo 51:1

Uwe Nyamuhanga, unyiganyire busana nʼolwanzo lwawe olutyusa, Usangule ebibi byage, busana nʼobubuya bwawe bunene!

Esyonyimbo 78:38

Nĩkwa Nyamuhanga mwaganyira abandu buwe. Neryo mwabuyira ebibi byabo, mwataheryabo. Ega, engendo nyingi mwakakĩrya erihitana liwe, Kandi mwakakĩrya erikarama liwe,

Esyonyimbo 86:15

Nĩkwa uwe Mukama, uli Nyamuhanga wʼeriganyira, nʼowʼolwanzo. Sulihitana lũba, uli wʼobwenge ebiro byosĩ, Suliregula.

Esyonyimbo 86:5

Uwe Mukama, uli mubuya, kandi ukabwira, Woswĩre mwʼolwanzo olutyusa busana nʼabosĩ abakakulakira.

Esyonyimbo 94:12

Uwe Mwami Mukulu, obutseme buli oko mundu oyũkakangĩrĩraya, Nʼomundu oyũkakangĩrĩraya emigambo yawe,

Erĩlũayo 34:6

Neryo Omwami Mukulu mwalaba embere siwe, mwatũlago, ati, Omwami Mukulu, Omwami Mukulu Nyamuhanga oyo woswĩre nʼeriganyira nʼowʼolukogo, sĩangũhĩre, okwʼihitana, oyo woswĩre nʼobwenge bwʼolwanzo nʼomwatsi wʼekwenene;

Omũgambũlĩ 7:8

Endũlĩ yʼomwatsi yowene kwilaba enzũko yago. Eriyibombeka lyʼekĩrĩmũ lyowene kwilaba eriyiheka lyʼekĩrĩmũ.

Ĩsaya 63:7

Nasyahula obubuya bwʼeriganyira lyʼOmwami Mukulu, nʼeripipa lyʼOmwami Mukulu, ngʼebyosĩ ebyo Mwami Mukulu abirituha, nʼobubuya bunene oko kĩtũnga kya Ĩsraelĩ, obo abirihabo ngʼeriganyira liwe, kandi ngʼobubuya bunene buwe bʼolwanzo.

Ĩsaya 63:9

Omo malĩge wabo gosĩ naye mwagalwa, nʼomũlaĩka wʼembere siwe mwalamyabo. Mwatongolyabo omo lwanzo luwe nʼerisasira liwe. Kandi mwatelulabo, mwahekabo ebiro byosĩ bya kera.

Ekiriro 3:22

Ebibuya byʼOmwami Mukulu byalekĩre ĩtũtaherĩbwa, Kusangwa eriganyira liwe sĩrĩrĩũmbaya.

Danĩelĩ 9:9

Eriganyira nʼeribuyira ni byʼOmwami Mukulu Nyamuhanga wetu; kusangwa twabirimuhonako.

Yoelĩ 2:13

Mũsatangaye emitima yenyũ, sĩmũsatangaye esyongimba syenyũ, mubindukire Omwami Mukulu Nyamuhanga wenyũ; kusangwa iye ni wʼeriganyira nʼowʼolukogo, isialihitana lũba, ĩnĩoswĩre omo bubuya bʼolwanzo, iniakayibindula siakole nabi.

Yona 4:2

Neryo mwasaba Omwami Mukulu, ati, Ngakusaba uwe Mwami Mukulu, ekĩ si kyo nabũga, omugulu nabya inyikine omo kihugo kyʼewetu? Neryo, busana nʼeritindakola ekĩ monatibita eTarsisi, kusangwa nabya nyasĩ kʼuli Nyamuhanga. Owʼeriganyira, ko goswĩre nʼolukogo, isulihitana lũba, iguli wʼerisasira lingi, igukayisubako busana nʼobũhasya.

Mĩka 7:18

Nindi yo Nyamuhanga nga we, oyukabuyira ebibi, nʼerikiruka okwʼihona lyʼamasĩgalira wʼabandu buwe kwehĩ? Sialibika erihitana liwe kera na kera, kusangwa akatsemera obubuya bʼolwanzo.

Emiganzo 14:18

Omwami Mukulu sialihitana lũba, kandi oswĩre nʼeriganyira, akabuyira ebibi nʼamalolo; kandi sĩendĩsyabalya nʼahake oyuli kʼomusango, erĩtũhũlya ebibi byʼabotata oko bana erĩhĩka oko ndengo syʼakasatu nʼesyʼakani.

Matayo 10:22

Kandi abandu bosĩ basyabakwa obusu busana nʼerĩna lyage. Nĩkwa oyo wasyayĩyĩnĩa erĩhĩka oko ndũlĩ yo wasyalamĩbwa.

Luka 1:50

Eriganyira liwe liri oko bosĩ abakamu­baha, Erĩtsũka oko lulengo luguma nʼerĩhĩka oko Sindi.

Luka 11:10

Kusangwa oyũkabũlaya, asyangirirakyo, nʼoyukasonda-sonda asyabanakyo; nʼolũyĩ lwasyakingukala oko yukakongota kulo.

Luka 6:36

Mubye nʼeriganyira ngoko Tata wenyũ ali nʼeriganyira.

AbanyaRoma 2:4

Kutse ukapona obubuya buwe bunene, nʼerisasira liwe, nʼeririndirira liwe kwehĩ? Sĩwasĩ ngoko bubuya bwa Nyamuhanga bũkakũkolaya okwʼibindula omutima nʼerireka ebibi kwehĩ?

AbanyaEfeso 1:6

Tupipe Nyamuhanga busana nʼolukogo lubuya luwe olo atuha busana na Mugala wuwe mwanze!

AbanyaEfeso 2:4

Nĩkwa Nyamuhanga awite eriganyira ĩnene, nʼolwanzo luwe busana netu ni lunene.

AbaEbrania 10:39

Nĩkwa ĩtwe Situli ukwʼabo abakasuba enyũma nʼerihera, nĩkwa tuli ukwʼabo abakĩkĩrĩraya nʼerĩlamya emitima yabo.

AbaEbrania 3:14

Kusangwa twabirisangira uku Kristo, twamasĩka ndeke omwʼiyiketera lyetu erĩhĩka oko ndũlĩ.

AbaEbrania 3:6

Nĩkwa Kristo abya butsira eriregula ngʼomugala oyũkategaya enyũmba ya Nyamuhanga. Netu tuli enyũmba eyo, twamahanda omutima, kandi tukayiketera nʼeriyihalamba omo maha wetu.

Yakobo 1:12

Obutseme buli nʼomundu oyũkasĩka omwʼirengwako, kusangwa amabitoka erirengwako asyangirira embĩta yʼengebe, eyo Nyamuhanga abirilaga abamwanzĩre.

Yakobo 1:2

Balĩkyetu, omugulu mukabana erirengwako mĩsĩndo-mĩsĩndo, mubye nʼobutseme.

1 Petero 1:13

Neryo mubye nʼamalengekanĩa wʼerikola omũbĩrĩ. Mũyĩtegaye, mũhĩre amaha wenyũ ndeke oko lukogo olo Yesu Kristo asyabaletera ekiro asyabĩsũlwa.

1 Petero 3:14

Kandi nomo mwangagalwa busana nʼerikola ekitunganene, muli bandu bʼobutseme. Simubahe erĩũbahya lyabo, kandi sĩmũhahũkaye emitima.

2 Petero 2:9

Neryo Omukama anasĩ erĩlamya abakamukenga okwʼirengwako. Nĩkwa akabika ababi erisuyirabo erĩhĩka oko kiro kyʼeritswera.