Yakobo 5:1 - AMASAKO ABOYTRTRE WA NYAMUHANGA AWAKAHULAWA MO BIBLIA

¹ Neryo muhulikirire lino, ĩnywe bandu bʼebindu! Mulire, muyilakire busana nʼamalĩge awakandĩsyabahĩkako.

Nouveau Testament et Psaumes en Ndandi Version 1962

¹ Inywe, abebindu mwase, murire mususumane busana namalige awakandisyabahikako.

Yakobo 5:1 Iomraidhean Croise

Esyonyimbo 17:14

Uwe Mwami Mukulu, ũnyĩlamaye oko syonzĩgũ esyo, omo bũtoki bwawe, Ũnyĩlamaye omo bũtokĩ bwawe oko bandu bʼekihugo abawite ebyo banzĩre omo ngebe yʼenoka. Usuyirebo omo magalĩ ago wabiribikirabo; Abana babo babane bingi, Kandi bakasĩgĩra abitsikulu babo obuteke bwabo.

Emĩsyo 11:28

Oyukayiketera ebindu biwe asyawa; Nĩkwa omutunganene asyaboga ngʼekikoma kibisi.

Emĩsyo 11:4

Ebindu sibyereta endũndĩ oko kiro kyʼerihitana; Nĩkwa eritunganene lĩkalamaya oko luholo.

Ĩsaya 13:6

Mulire, kusangwa ekiro kyʼOmwami Mukulu kiri hakũhĩ! Kyasyasa ngʼerĩtogotya kĩkalũa oko Wʼamaka gosĩ.

Ĩsaya 15:3

Omo syonzira syabo bakambala emisarandwe; oko nyitwe syʼamanyũmba wabo, nʼomwʼĩrango lyabo, abosĩ bakayilakira nʼerĩsũsũmana omo mĩsonĩa kutsibu.

Yeremĩa 4:8

Busana nʼekyo muyibohe emisarandwe, mũsũsũmane mulire. Kusangwa erihitana lĩkalĩre lyʼOmwami Mukulu sĩryetatũlũako.

Yeremĩa 9:23

Omwami Mukulu ati, Omundu wʼamenge siayipipe busana nʼamenge wuwe, kutse owʼamaka siayipipe busana nʼamaka wuwe, owʼebindu siayipipe busana nʼobuteke buwe,

Ezekĩelĩ 19:2

ũbũge uti, Koyo wawe abyakĩ kwehĩ? Ebuguma yʼendale omo katĩkatĩ kʼesyondale! Mwagotsera omo katĩkatĩ kʼebyana byʼesyondale, moyakũlya ebyana byayo.

Ezekĩelĩ 30:2

Omugala wʼomundu, uminyerere ũbũge uti, Omukama Iye Omwami Mukulu ati, Umoleke omulenge uti, Obũlĩge busana nʼekiro ekyo!

Yoelĩ 1:11

Ĩnywe balĩmĩ bʼebĩnyũ mũkwe esĩsonĩ, ĩnywe bakolerĩ bʼemĩrĩkĩ yʼebĩnyũ, mũlĩhĩre busana nʼengano, na busana nʼekisusu; kusangwa obugese bwʼamalima bwabirihera.

Yoelĩ 1:13

Ĩnywe bahererĩ, mũyĩkũndĩke emisarandwe, mulire, mũlĩhĩre, ĩnywe abakolerĩ bʼekiherero; mwase, mugotsere omo kiro kyosĩ omo misarandwe, ĩnywe abakolerĩ ba Nyamuhanga wage: kusangwa obuhere bwʼengano nʼobuhere bwerĩũtũlĩra ahisi bwabĩrĩkakĩrĩbwa omo nyũmba ya Nyamuhanga wenyũ.

Yoelĩ 1:5

Ĩnywe bakũndĩrya, mubuke, mũtogongaye emĩsonĩa; mũsũsũmane, ĩnywe bosĩ mũkapũlaya ebĩnyũ, busana nʼebĩnyũ bĩsĩhĩre; kusangwa byabĩrĩlũsĩbwa oko muno wenyũ.

Mĩka 6:12

Kusangwa abandu bʼebindu bʼomũyĩ boswĩre nʼomwaga, nʼesyondũlanĩ syako sĩkabũga amabehĩ, nʼolulimi lwabo lukateba omo buno bwabo.

Zefania 1:18

Ebĩtsĩpa byabo kutse esyamagetsi syabo, sibyendisyatoka erĩlamyabo oko kiro kyʼeriagalirwa lyʼOmwami Mukulu; nĩkwa ekihugo kyosĩ kyasyatimbikwa omo muliro gʼobũha buwe; kusangwa asyahĩra endũlĩ yo ndeke, ega, endũlĩ yʼerĩũbahya, busana nʼabosĩ abĩkere omo kihugo.

Eryibuka Ebihano 32:15

Nĩkwa Yesũrũnĩ mwaneneha, mwalyata omwĩse. Mwabirineneha, mwabiritunahala, mwamatendera; Neryo mwasĩganĩa Nyamuhanga oyo wamũkengeregesanaya, Mwaserembula Erĩbwe ryʼerilama liwe.

Yakobo 1:11

Kusangwa eryuba likahuluka haguma nʼerihunga, bĩkahĩsaya ebiti ebyo, nʼomusanga wabyo akatogonga, nʼobubuya bwabyo bukamera. Nʼomundu wʼebindu kwʼasyahwerekerera atya omugulu akakola emĩbĩrĩ yiwe.

Yakobo 2:6

Nĩkwa ĩnywe mukahemula omundu mwera! Si ba bandu bʼebindu abakabanũbaya, nʼeribakurira embere syʼabatswerĩ kwehĩ?

Yakobo 4:13

Muhulikirire, ĩnywe mũkabũga muti, Mũnabwĩre kutse engyakya, twasyaya oko mũyĩ mulebe, aho twasyasiba Omwaka muguma. Aho twasyatũndya, nʼeribana endũndĩ.

Yakobo 4:9

Mũkwe obũlĩge, mũsũsũmane, mulire: eriseka lyenyũ libinduke mwʼĩsũsũmana, nʼobutseme bwenyũ bubinduke mo ngitsi.