Yakobo 4:8 - AMASAKO ABOYTRTRE WA NYAMUHANGA AWAKAHULAWA MO BIBLIA

⁸ Mũyĩtũnde hakũhĩ na Nyamuhanga, naye akandĩyĩtũnda hakũhĩ nenyũ. Mũnabaye ebyala byenyũ, ĩnywe bakola-nabi! Mweraye emitima yenyũ ĩnywe mũkayĩtendereraya.

Nouveau Testament et Psaumes en Ndandi Version 1962

⁸ Muyilete hakuhi noMungu naye akandisegera hakuhi nenyu. Mweraye ebyala byenyu, inywe bakola nabi, mweraye emitima yenyu, inywe bandu bemitima ibiri.

Yakobo 4:8 Iomraidhean Croise

Enzũko 18:23

Neryo Abrahamũ mwasegera hakũhĩ, mwabũga ati, Wasyaherya abatunganene haguma nʼababi kwehĩ?

1 Emyatsi yʼEmigulu 28:9

Nawe Solomono, mugala wage, Uminye Nyamuhanga wa tata wawe, umukolere nʼomutima owahĩkene nʼomo bũlengekanĩa obukanza; kusangwa Omwami Mukulu akasondaya emitima yosĩ nʼeriminya amaganĩryo gosĩ wʼobũlengekanĩa. Wamamusonda-sonda, asyabanika ukʼuwe; nĩkwa wamamũsĩga, asyakugana kera na kera.

2 Emyatsi yʼEmigulu 15:2

Naye mwahuluka erĩyahĩndana na Asa, mwamubwira ati, Uwe Asa, nʼAbayũda bosĩ nʼAbabenyamĩna, mũnyowe. Omwami Mukulu ali haguma nenyũ omugulu muli haguma naye; nenyũ mwamamusonda-sonda, asyabanika kwĩnywe; nĩkwa mwamamũsĩganĩa naye asyabasĩga.

Yobũ 16:17

Nomo hate mwaga omo byala byage, Nʼerisaba lyage ni ribuya.

Yobũ 17:9

Nĩkwa omutunganene asyawatĩrĩrya oko nzira yiwe, Nʼoyuwite ebyala byerĩre asyakanyirira nʼamaka.

Yobũ 9:30

Namayikosa omo wʼenzururu Nʼerĩnabya ebyala byage omo sabũnĩ;

Esyonyimbo 119:113

Abatahangene ndeke ukʼuwe, ngakwabo obusu, Nĩkwa nyanzĩre emigambo yawe.

Esyonyimbo 145:18

Omwami Mukulu ali hakũhĩ oko bosĩ abakamubirikira, Ali hakũhĩ oko bosĩ abakamubirikira nʼekwenene.

Esyonyimbo 18:20

Omwami Mukulu akanyihemba ngʼe­ritunganene lyage, Kandi akanyitsumula kusangwa Sindi ko lubanza.

Esyonyimbo 24:4

Yo nʼoyutunganene, omo mĩbĩrĩ nʼomo malengekanĩa, Yo nʼoyũtebũga mabehĩ, Kandi sialĩlahĩraya omwʼiteba.

Esyonyimbo 26:6

Nganaba oko byala nyiti Sindi ko musango, Uwe Mwami Mukulu, ngandĩtĩmba oko kiherero kyawe erĩkũramya.

Esyonyimbo 51:10

Uwe Nyamuhanga, uhangike omutima owene omwisi wage. Kandi ũhĩre ekĩrĩmũ kitunganene omwisi wage.

Esyonyimbo 73:13

Monzo ni busa ngabika omutima wage ĩnĩerĩre, Kandi ebyala byage byerĩre oko bibi ko busa.

Esyonyimbo 73:28

Nĩkwa ĩngye, ni kibuya eribya hakũhĩ na Nyamuhanga! Omo Mwami Mukulu Nyamuhanga, ngabana omũteya Inatoka erĩkanganĩa emĩbĩrĩ yiwe yosĩ!

Ĩsaya 13:15

Obuli mundu wasyabanika asyatsimitwa. Obuli mundu oyo wasyahambwa asyawa omo mũyalĩ.

Ĩsaya 29:13

Neryo Omukama mwabũga ati, Kusangwa abandu aba bakanyisimbirira, omo bĩnywa byabo kandi bakanyĩsĩkaya nʼemĩnywa yabo, nĩkwa babĩrĩsegerya emitima yabo yo hali kwĩngye, nʼerikenga lyabo busana nage ni mitsye yʼabandu eyo biga ngendo nyingi,

Ĩsaya 58:2

Nĩkwa bakanyisonda-sonda ebiro byosĩ, bakatsema eriminya enzira yage, ngʼekihanda ekyakola eritunganene, nʼerĩtĩndasĩganĩa ebilayiro bya Nyamuhanga wabo. Bakanyĩbũlaya erĩtwa omwatsi omo lĩbanza litunganene, bakatsema kusangwa Nyamuhanga ali hakũhĩ.

Yeremĩa 4:11

Oko mugulu oyo abandu aba nʼeYerũsalema basyabwirwa ambu, Erihunga lĩhũhĩre likasira oko mitwe yʼebitwa byʼobwerere omo mbwarara erĩlolya eyiri mwali wʼabandu bage, erĩtegũlũkaya, kutse erĩerya!

Yeremĩa 4:14

Uwe Yerũsalema, weraye omutima wawe kwʼebibi, ubane erĩlamĩbwa. Amalengekanĩa wawe mabi asyĩkala omwisi wawe erĩkolyahi kwehĩ?

Ekiriro 3:57

Mowasegera hakũhĩ ekiro ekyo nakulakira. Mowabũga uti, Sigubahe!

Ezekĩelĩ 18:31

Muguse amalolo wenyũ gosĩ go hali, ago mwabĩrĩhalyamo, muyiyirire omutima muhya-muhya nʼekĩrĩmũ kihya-kihya! Kusangwa busana nakĩ, uwe kihanda kya Ĩsraelĩ, mwanzĩre erihola kwehi?

Zekarĩa 1:3

Busana nʼekĩ ubwirebo uti, Omwami Mukulu Wʼemilondo akabũga ati, Musube ũkwʼĩngye, Omwami Mukulu Wʼemilondo akabũga, nage nasyasuba ũkwʼĩnywe, Omwami Mukulu Wʼemilondo atya.

Malakĩ 3:7

Erĩtsũka oko biro byʼabotata wenyũ mwabirikita erĩlũa oko migambo yage, isimũlĩtateyayo. Omwami Mukulu Wʼemilondo ati, Munyisubeko, nage nasyabasubako. Nĩkwa ĩnywe muti, Twasyasubula tuti kwehĩ?

Matayo 12:33

Muyire omuti mo muti mubuya, nʼebĩgũma byago mo bibuya; kutse muyire omuti mo mubi nʼebĩgũma byago mo bibi; kusangwa omuti akaminyikala busana nʼebĩgũma byago.

Matayo 15:2

Busana nakĩ abiga bawe bakaketa emitsye yʼabakulu kwehĩ? Kusangwa sibenaba oko byala omugulu bakalya akalyo.

Matayo 27:24

Neryo Pilato abere alangira kwʼamalemerwa nʼomwatsi, nĩkwa omwaga kwʼamatsũka, mwĩmya amagetsi mwanaba oko byala embere syʼendeko ati, Sindi kʼomusango wʼomusasi wʼomundu oyũ! Olũ nĩ lwenyũ!

Emibiri 15:9

Kandi Nyamuhanga mwatalebyandi nandi omo katĩkatĩ ketu nabo, ĩnĩakeraya emitima yabo kwʼebibi, kusangwa bĩkĩrĩraya.

2 AbanyaKorinto 7:1

Neryo ĩnywe banze betu, kusangwa tuwite esyondagane esĩ, tũyĩtegaye oko bĩtĩsĩrĩre byosĩ ebyʼomubiri nʼebyʼekĩrĩmũ, kandi tusonde eribya ababũyĩrĩre ndeke, nʼerirendera omo lubahwa lwa Nyamuhanga.

1 Timoteo 2:8

Neryo ngasonda abalume ehosĩ basabe, abalume ababiriyiha uku Nyamuhanga ibakasumba ebyala byabo erisaba, butsira erihitana kutse obuhaka.

AbaEbrania 10:22

Tuyitwale hakũhĩ na Nyamuhanga, nʼomutima wʼekwenene, nʼerĩkĩrĩrya erĩtswayĩre ndeke, itunawite emitima yerĩre oko bunya-mutima bubi, nʼemibiri eyerĩre omo magetsi owene.

AbaEbrania 7:19

Kusangwa Emigambo ya Musa moyĩtahĩkanĩa kindu. Nĩkwa lino amaha awalengĩre abiriretwa; kandi busana nago tukasegera hakũhĩ na Nyamuhanga.

Yakobo 1:8

Kusangwa ni mundu wʼemitima ĩbĩrĩ, sĩasĩkĩre omo nzira siwe syosĩ.

Yakobo 3:17

Nĩkwa amenge awakalũa endata, embere ni mabuya; kandi ni wʼobuholo, kandi ahehere, kandi akowa lũba, oswĩre mwʼeriganyira, nʼemĩbĩrĩ mibuya; kandi sialisombola ndi nandi, kandi sĩalĩyĩtendereraya.

1 Petero 1:22

Neryo kusangwa mwabĩrĩerya emitima yenyũ, busana nʼerĩowa omwatsi wʼekwenene, kandi mwabiribya nʼolwanzo olute nʼeriteba busana nʼabalĩkyetu, lino litolere imwanzana nʼemitima yenyũ yosĩ nʼomũhwa.

1 Petero 3:21

Omwatsi oyo nĩ kĩsosekanĩo kyʼolũbatĩso busana nʼerilama lyenyũ. Erĩbatĩsya sĩ ʼlũsya lyʼemĩtĩndũ yʼomubiri, nĩkwa ni ʼlaga Nyamuhanga omo bunya-mutima bowene, erĩlamĩbwa busana nʼerĩlũbũka lya Yesu Kristo.

1 Yoane 3:3

Nʼobuli mundu oyuli nʼamaha aya uku Kristo, akayihigula oko bibi, ngoko Kristo abũyĩrĩre.

1 Samwelĩ 14:35

Na Saũlo mwahĩmbĩra Omwami Mukulu ekiherero; ni kiherero kyʼerĩmbere ekyo ahĩmbĩra Omwami Mukulu.