Yakobo 4:6 - AMASAKO ABOYTRTRE WA NYAMUHANGA AWAKAHULAWA MO BIBLIA

⁶ Nĩkwa olukogo olo Nyamuhanga akaha lũlengĩre. Neryo Amasako ati, Nyamuhanga akalwa nʼabakayiheka, nĩkwa akakangaya olukogo ukwʼabo bakayĩkehaya.

Nouveau Testament et Psaumes en Ndandi Version 1962

⁶ Nikwa akaha olukogo olulabire kikaleka iniabuga ati, Mungu akalwa nabakayanza nikwa akaha olukogo oko bakayikehaya.

Yakobo 4:6 Iomraidhean Croise

2 Emyatsi yʼEmigulu 32:26

Nĩkwa Hezekĩa mwayĩkehya busana nʼeriyiheka lyʼomutima wuwe, iye nʼesyondũlanĩ syʼeYerũsalema kyaleka erihitana lyʼOmwami Mukulu ĩrĩtahĩka kubo omo biro bya Hezekĩa.

2 Emyatsi yʼEmigulu 33:12

Nʼomugulu abya omo bũlĩge, mwalakira Omwami Mukulu Nyamuhanga wuwe, mwayĩkehya kutsibu embere sya Nyamuhanga wʼabotata buwe.

2 Emyatsi yʼEmigulu 33:19

Nʼerisaba liwe nibya, kandi ngoko Nyamuhanga amũlĩgĩra erĩmowa, nʼebibi biwe byosĩ, nʼerilegula liwe, nʼaho ahĩmba ahendata, nʼerisingika esyosanamu sya Asera, nʼesindi sanamu esĩbatsĩre, emuliro wʼerĩyĩkehya liwe, lebaya bĩsakĩre omo myatsi ya Hozaĩ.

2 Emyatsi yʼEmigulu 33:23

Mwatayĩkehya embere syʼOmwami Mukulu, ngoko tata wuwe Manase ayĩkehaya; nĩkwa Amonĩ mwakanyĩrĩrya ebibi biwe.

2 Emyatsi yʼEmigulu 34:27

kusangwa omutima wawe abya olobĩre, nawe wabĩrĩyĩkehya embere sya Nyamuhanga, omugulu wowa ebĩnywa biwe busana na hano, na busana nʼesyondũlanĩ syʼaho, kandi wabĩrĩyĩkehya embere syage, nʼeritulanga esyongimba syawe, nʼeririra embere syage; Omwami Mukulu ati, Nabĩrĩkowa kwenene.

Yobũ 22:29

Omugulu basyakũkĩnda ahisi, wasya­bũga uti, Ngandihangana, Kandi asyalamya oyũkayĩkehaya.

Esyonyimbo 138:6

Omwami Mukulu, nomo angabya endata kutsibu atya, Akalembera abolo, Nʼabakayiheka sibangamũbĩsama.

Esyonyimbo 9:12

Kusangwa oyũkakĩsaya omusasi akibukabo, Sialibirirawa erilaka lyʼabera.

Erĩlũayo 18:11

Lino nyasĩ Omwami Mukulu ni mukulu kwilaba esyonyamuhanga syosĩ; ega, omo mwatsi oyo, bakolerabo omwʼiyipipa.

Emĩsyo 15:33

Eriubaha lyʼOmwami Mukulu nĩ ʼkangĩrĩrya lyʼamenge; Erĩyĩkehya lĩkatsũka embere wʼerĩsĩkĩbwa.

Emĩsyo 18:12

Embere wʼerĩherĩbwa, omutima wʼomundu akayipipa; Erĩyĩkehya lĩkatsũka embere wʼerĩsĩkĩbwa.

Emĩsyo 22:4

Oluhembo lwʼoyũkayĩkehaya nʼeriubaha lyʼOmwami Mukulu Ni bindu, nʼerĩsĩkya, nʼengebe.

Emĩsyo 29:23

Eriyipipa lyʼomundu lyasyamũkehya; Nĩkwa owʼekĩrĩmũ kĩyĩbombekĩre asyabana erĩsĩkya.

Emĩsyo 3:34

Kwenene akasekereraya abasekanĩ. Nĩkwa akakangaya olukogo oko bʼobũlĩge.

Ĩsaya 2:17

Eriyiheka lyʼabandu lyasyahemulwa, nʼeriyikebera lyʼabandu lyasyakehĩbwa. Omwami Mukulu ĩyowene asyahamĩbwa oko kiro ekyo.

Ĩsaya 54:7

Oko katambĩ kake monakũsĩganĩa nĩkwa nasyakũhĩndanĩa omwʼiganyira lingi.

Ĩsaya 57:15

Kusangwa Oyuli wʼendata nʼoyũyĩsũmbĩre, oyukakota kera na kera, erĩna liwe lĩbũyĩrĩre, yũkabũga ati, Nyĩkere ahʼendata nʼahabũyĩrĩre, kandi nyĩkere haguma nʼoyuli nʼekĩrĩmũ kyolo-kyolo nʼerĩyĩkehya, nyitoke erĩsũbya ekĩrĩmũ kyʼerĩyĩkehya nʼerĩsũbya omutima wʼoyũkwĩre obũlĩge.

Danĩelĩ 4:37

Na lino ĩngye Nebũkadeneza, ngapipa, nʼerihalamba, nʼerĩsĩkya Omwami wʼelubula, kusangwa emĩbĩrĩ yiwe yosĩ ni kwenene, nʼesyonzira siwe nĩ ʼbanza litunganene; nʼabakalendera nʼeriyiheka, akatoka erĩkehyabo.

Matayo 13:12

Kusangwa oyuwite asyahabwa ebindi, asyabya nʼebingi; nĩkwa oyutawite, asyasagulwa ebyo awite.

Matayo 23:12

Nʼoyo wasyayĩhamya asyakehĩbwa, nʼoyo wasyayĩkehya asyahamĩbwa.

Luka 1:52

Abĩrĩkĩmya abatabalĩ erĩlũa oko bĩtũmbĩ byabo byʼobwami, Abĩrĩhamya abakayĩkehaya.

Luka 14:11

Kusangwa obuli mundu oyũkayĩkamahaya, asyakehĩbwa, nʼoyũkayĩkehaya, asyahamĩbwa.

Luka 18:14

Neryo Yesu mwabũga ati, Ngababwira nyiti, omundu oyo mwakĩmĩra ewuwe iniamabitunganana kwilaba ogundi oyo, Kusangwa obuli mundu oyũkayĩhamaya, asyakehĩbwa. Nĩkwa oyũkayĩkehaya, asyahamĩbwa.

Yakobo 4:10

Mũyĩkehaye embere syʼOmukama, naye akandĩbahamya.

1 Petero 5:5

Nenyũ nibya ĩnywe balwana, mukenge abakulu benyũ. Kandi ĩnywe bosĩ mũyĩkehaye embere syʼabalĩkyenyũ, kusangwa kĩsakĩre kiti, Nyamuhanga akalwa nʼabakayiheka, Nĩkwa akakanyaya olukogo oko bakayĩkehaya.

1 Samwelĩ 2:3

Simuyihalambe kandi nʼeriyanza mutya; Eriyihandika sirihuluke omo buno bwenyũ; Kusangwa Omwami Mukulu ni Nyamuhanga wʼeriminya, Naye akalenga emikolere.