Yakobo 4:5 - AMASAKO ABOYTRTRE WA NYAMUHANGA AWAKAHULAWA MO BIBLIA

⁵ Kutse mũkaganĩraya muti Amasako akabũga buyira kwehĩ, ati, Ekĩrĩmũ ekyo Nyamuhanga abĩrĩhĩra omwisi syetu, kyoswĩre nʼerisonda litsibu.

Nouveau Testament et Psaumes en Ndandi Version 1962

⁵ Kutse mukaganiraya muti amasako akabuga buyira, kwehi? ati, Akakwa olukando lwobuha oko kirimu ekyo ahira eriikala omwisi wetu.

Yakobo 4:5 Iomraidhean Croise

Enzũko 26:14

Kusangwa mwabya nʼebihangulo byʼesyombũlĩ, nʼebihangulo byʼesyonde, nʼabagombe bangi nʼAbafĩlĩstĩnĩ mobamutsura.

Enzũko 30:1

Omugulu Rakelĩ alangira ngoko atetabutira Yakobo yo bana, Rakelĩ mwabya nʼobũha uku mwali wabo. Neryo mwabũga na Yakobo ati, Umba abana, bite bitya iningandihola.

Enzũko 37:11

Nʼabagala babo mobamutsura nĩkwa tata wuwe mwabika ebĩnywa ebĩ byʼomo mutima wuwe.

Enzũko 38:9

Na Onanũ mwaminya ngoko abana abo batendisyabya buwe, nʼenyũma wʼaho, omugulu ĩmaya omũkalĩ wa mugala wabo oyo, mũtalo ahisi, akasyaha mugala wabo yʼomwana.

Enzũko 6:5

Neryo Omwami Mukulu mwalangi­ra obubi bwʼabandu ibwamabya bungi omo kihugo, nʼakandi obuli bũlengekanĩa bwʼerĩganĩrya lyʼomutima wabo bwabya bubi busa-busa emigulu yosĩ.

Enzũko 8:21

Neryo Omwami Mukulu mowa erikumba lĩsĩhĩre. Neryo Omwami Mukulu mwabũga omo mutima wuwe, ati, Sindiendisyaswatakira ekitaka busana nʼomundu kusangwa amalengekanĩa wʼomutima wʼomundu ni mabi erĩtsũka omo bũlwana. Kandi sindiendĩsyaswĩta obuli kindu kiriho, ngoko nabirikola.

Esyonyimbo 106:16

Eyo omo mbwarara mobakwa Musa yʼobũha, Na Harũnĩ, omugombe ũbũyĩrĩre wʼOmwami Mukulu;

Esyonyimbo 37:1

Sũyĩhahũkaye omutima busana nʼababi; Kandi sutsure abakakola ebitatunganene.

Emĩsyo 21:10

Ekĩrĩmũ kyʼomubi kikasonda ebibi; Mũlĩkyabo sialibana eriganyira omo meso wuwe.

Omũgambũlĩ 4:4

Neryo monalangira emĩbĩrĩ yosĩ, nʼobuli mũbĩrĩ wʼobunyima, eyikakolawa, ni busana nʼomwatsi wʼomundu oyukatsurawa na mũlĩkyabo. Ekĩ nakyo ni busa ngʼerikwamirira erihunga.

Ĩsaya 11:13

Neryo obũha bwa Efũraĩmũ bwasyalũaho, nʼababendereraya Yũda basyatindwa. Na Efũraĩmũ sĩendĩsyakwa Yũda yʼobũha, na Yũda sĩendĩsyendererya Efũraĩmũ.

Emiganzo 11:29

Na Musa mwabũga naye ati, Uli nʼobũha busana nage kwehĩ? Kumbe abandu bosĩ bʼomwami Mukulu nĩ bamĩnyererĩ, kumbe Omwami Mukulu angahĩra Omũlĩmũ guwe go kubo!

Emiganzo 23:19

Nyamuhanga si mundu, uti angabiha, Kutse mugala wʼomundu, uti angayibindukako; Amabũga, isiendisyakolakyo kwehĩ? Kutse amabĩgũga, ĩsĩendĩsyaberereryakyo kwehĩ?

Yoane 10:35

Tũnasĩ kwʼAmasako sialiketawa, neryo Nyamuhanga abiribirikirabo mo syonyamuhanga abo ekĩnywa kya Nyamuhanga kyahĩkako.

Yoane 19:37

Kandi awandi Masako akabũga ati, Basyalangira oyo batsimita.

Yoane 7:42

Amasako Sĩalĩtabũga ati, Kristo akalũa oko lubuto lwa Dawĩdĩ, nʼeributirwa eBetelehemũ, omũyi wa Dawĩdĩ abyamo kwehĩ?

Emibiri 7:9

Neryo abotata-kulu abo mobakwa Yosefũ yʼobũha, mobamũgũlya mo mukobe eMĩsĩrĩ. Nĩkwa Nyamuhanga abya haguma naye.

AbanyaRoma 1:29

Boswĩre mwʼebitatunganene, nʼebibi, nʼerirumwa, nʼomwaga, boswĩre nʼeritsura, erĩĩta, nʼamalwa, eriteba, erirega abandi, nʼeritonga nabi,

AbanyaRoma 9:17

Kusangwa Amasako akabwira Farao ati, Nabĩrĩkũhĩra oko ngoma busana nʼomwatsi oyũ, inatoka erĩkangya obũtokĩ bwage ewawe, kandi erĩna lyage lĩtũlaganĩbawe omo kihugo kyosĩ.

1 AbanyaKorinto 6:19

Sĩmwasĩ kʼomubiri wenyũ nĩ hekalũ yʼOmũlĩmũ Abũyĩrĩre, oyuli omwisi wenyũ nʼoyo Nyamuhanga abaha kwehĩ? Ĩnywe Simuli benyũ, muli ba Nyamuhanga.

2 AbanyaKorinto 6:16

Ehekalũ ya Nyamuhanga yanganasakana nʼesyosanamu kwehĩ? Kusangwa ĩtwe tuli ehekalũ ya Nyamuhanga oyuliho. Ngoko Nyamuhanga abĩrĩbũga ati, Nasyĩkala omwisi wabo, nasyalendera omo katĩkatĩ kabo; Nasyabya Nyamuhanga wabo, nabo basyabya bandu bage.

AbanyaGalatia 3:8

Neryo Amasako mwaminya erĩmbere ngoko Nyamuhanga asyatũngananĩa Ebihanda busana nʼerĩkĩrĩrya, neryo mwatũla Engulu Yowene uku Abrahamũ ati, Omwisi syawe, ĩngye Nyamuhanga nasyatsumula Ebihanda byosĩ.

Tito 3:3

Kusangwa netu twabya bakĩrũ erĩmbere, isitulikenga, ĩtũkatebĩbawa. Twabya bakobe bʼesyongumbu nʼebyʼerĩyĩtsemesya, ebyʼemĩsĩndo yosĩ, itukasiba omo myatsi mibi, nʼeritsura, ĩtũkakwa abandi bʼekĩnĩga, nʼerikwama obusu.