Yakobo 4:12 - AMASAKO ABOYTRTRE WA NYAMUHANGA AWAKAHULAWA MO BIBLIA

¹² Nyamuhanga ĩyowene akayira Emigambo nʼeribya mũtswerĩ. Iye ĩyowene akatoka erĩlamya nʼerĩherya, nĩkwa uwe uwendi uti ukatswera mũlĩkyenyũ kwehĩ?

Nouveau Testament et Psaumes en Ndandi Version 1962

¹² Hari muguma oyu kahira ebihano yo mutsweri, yu katoka erilamya neriherya; nikwa uwe uwendi ukatswera mulikyenyu kwehi?

Yakobo 4:12 Iomraidhean Croise

Yobũ 38:2

Uwendi uti ukapona amenge wage kwehĩ? Omo bĩnywa ebite nʼamenge kwehĩ?

Ĩsaya 33:22

Kusangwa Omwami Mukulu nĩ mũtswerĩ wetu, Omwami Mukulu yukatuha emigambo yetu, Omwami Mukulu ni mwami wetu. Asyatũlamya.

Matayo 10:28

Kandi simubahe abakĩta omubiri, nĩkwa sibetoka erĩĩta omutima; nĩkwa kumbe mwangubaha Nyamuhanga oyukatoka erĩherya omutima nʼomubiri omo Kũlĩmũ.

Luka 12:5

Nĩkwa ngandĩbakangya abo mwangubaha: Mubahe Nyamuhanga, oyo amabĩta, iniawite ehamũlĩ erigusa omo Kũlĩmũ. Ega, ngababwira nyiti, mumubahe!

AbanyaRoma 14:13

Neryo tuleke eritswerana, nĩkwa mũbũge muti, omundu sĩahĩre kindu ekyangatwĩkalya mũlĩkyabo, kutse erireka akawa omo bibi.

AbanyaRoma 14:4

Nawe uwendi uti ukatswera omugombe wʼogundi kwehĩ? Embere syʼOmukama wuwe asyasĩngana kutse asyasĩngwa. Asyasĩngana ndeke kusangwa Omukama awite obũtokĩ bwʼerĩmũhanganĩa ndeke.

AbanyaRoma 2:1

Neryo uwe mundu ukatswera omwatsi, suwite ekyʼerĩyĩhambũlyamo. Omugulu ukatswera ogundi, ũkayĩsĩnga. Kusangwa uwe ukatswera, nawe ukakola emyatsi eyo.

AbanyaRoma 9:20

Nĩkwa uwendi kwehĩ, uti ũkakũbĩsanaya Nyamuhanga yʼobuhaka kwehĩ? Kwʼekikabumbawa kĩkanabũga nʼomũbũmbĩ kiti, Busana nakĩ ukanyibumba utya kwehĩ?

AbaEbrania 7:25

Busana nʼekyo akatoka erĩlamya lino nʼebiro byosĩ abakahĩka uku Nyamuhanga busana naye. Kandi akakota busana nʼerisabirabo.

Yakobo 5:9

Balĩkyetu, simutongane, mukasyatswerwa na Nyamuhanga. Mũlebaye, omũtswerĩ imene oko lũkyo.

1 Samwelĩ 25:10

Neryo Nabalĩ mwasũbĩrya bagombe ba Dawĩdĩ ati, Dawĩdĩ nindi kwehĩ? Na mugala wa Yese nindi kwehĩ? Hali bagombe bangi oko biro ebĩ abakatswa obuli mundu oko mukama wuwe.