Yakobo 4:11 - AMASAKO ABOYTRTRE WA NYAMUHANGA AWAKAHULAWA MO BIBLIA

¹¹ Balĩkyetu, simuhandikirirane. Oyukahandikirira mũlĩkyabo, kutse erimutswera, akahandikirira Emigambo nʼeritswerayo. Nĩkwa Wamatswera Emigambo, sukiri oyukakenga Emigambo, nĩkwa uli mũtswerĩ wayo.

Nouveau Testament et Psaumes en Ndandi Version 1962

¹¹ Simunegulirane, abagala betu. Oyu kanegulira mugala wabo kutse akatswera omugala wabo, akanegulira ebihano kandi akatswera ebihano. Nikwa wamatswera ebihano, suri mukoli webihano nikwa omutsweri.

Yakobo 4:11 Iomraidhean Croise

Esyonyimbo 140:11

Kandi abakalega abandi sibatoke; Ekibi kĩhĩke oko mundu wʼomwaga nʼerĩmũtogotya.

Luka 6:37

Simutswere abandi, na Nyamuhanga siendisyabatswera; sĩmũhĩre abandu bʼomo musango, neryo Nyamuhanga siendisyabahĩra omo musango; mubuyire, neryo Nyamuhanga asyababuyira.

AbanyaRoma 2:1

Neryo uwe mundu ukatswera omwatsi, suwite ekyʼerĩyĩhambũlyamo. Omugulu ukatswera ogundi, ũkayĩsĩnga. Kusangwa uwe ukatswera, nawe ukakola emyatsi eyo.

AbanyaRoma 2:13

Kusangwa Nyamuhanga Sĩalĩtũngananaya abakowa Emigambo omo matwĩ masa. Nĩkwa abakakola ebyo Migambo ikahana, bo basyatũngananĩbwa.

AbanyaRoma 7:7

Neryo tũbũge tũtĩkĩ kwehĩ? Tuti Emigambo ni bibi kwehĩ? Iyihi nʼahake! Emigambo yo yaleka inaminya ebibi ngoko biri. Kusangwa sinaminya erirumwa nga nĩkĩ, kumbe Migambo ĩtabũga iti, Subye ukarumawa.

1 AbanyaKorinto 4:5

Neryo Simubye mukatswera omundu embere wʼomugulu owatolere, omugulu Omukama asyasa, iye asyahũlũkya omo kyakakala emyatsi eyĩbĩsamĩre omo mwĩrĩmya, kandi asyamĩnyĩkalya erĩyĩsũnza lyʼemitima yʼabandu. Neryo obuli mundu asyabana eripipwa na Nyamuhanga.

2 AbanyaKorinto 12:20

Kusangwa ngubaha nyiti, omugulu ngabahĩkako, nasyabeya isimuli nʼomutima ogo nanganza, kandi nasyaminyikala ũkwʼĩnywe nga singwite omutima ogo mwanganza. Kandi mbino hasyabya malwa, obũha, erihitana, kutse obuhaka, nʼeritsuma, eritonga bandu, kutse emiyiheko, kutse omwaga.

AbanyaEfeso 4:31

Muguse hali erikaliha lyosĩ, nʼeryagalirwa lyosĩ, muleke olukanda, nʼebĩtsũmĩ byosĩ, haguma nʼerĩkĩsya lyosĩ.

1 Timoteo 3:11

Abakalĩ nabo bangabya abasĩkĩbwe, Sibabye abakatonga abandi, nĩkwa babye abatekũnda, abateregula omo myatsi yosĩ.

2 Timoteo 3:3

Basyabya bʼomutima akalĩre, isibeganyira, abakalega abandi, abʼomwaga, abatsibu, abatanzĩre ekibuya,

Tito 2:3

Kandi mubwire abakekulu, nabo nibya babye nʼemibere eyikakenga Nyamuhanga, Sibabye bakatonga abandu, kandi Sibabye bakakũnda obwabũ, babye Ĩbakakangĩrĩraya emyatsi mibuya.

Yakobo 1:16

Sĩmũtebĩbawe, balĩkyetu banze.

Yakobo 1:19

Balĩkyetu banze, muminye ekĩ. Obuli mundu abye akowa lũba, nĩkwa sĩabũge lũba, kutse siahitane lũba.

Yakobo 1:25

Nĩkwa omundu oyukalangira ndeke omugambo owahĩkene, owʼobwĩranda, iniakakwamago ndeke, asyabana obutseme bwa Nyamuhanga omo mũbĩrĩ wuwe, kusangwa sialihulikirira buyira nʼeribirirwago; akakolago.

Yakobo 2:8

Nĩkwa mukandikola ndeke mwamaberererya omugambo wʼobwami owali omo masako ati, Wanze mũlĩkyenyũ ngoko ũyanzĩre.

Yakobo 5:10

Balĩkyetu mwibuke abamĩnyererĩ, ababũga omo lĩna lyʼomukama. Muganzebo ngʼolulengo lwʼerĩyĩyĩnĩa, nʼeriyibombeka omo bũlĩge.

Yakobo 5:7

Neryo balĩkyetu, muyibombeke erĩhĩka oko kiro kyʼeriasa lyʼomukama. Mũlebaye ngoko mũlĩmĩ akayibombeka, eririnda eriera lyʼebĩgũma byʼenzwere nene byʼekitaka, iniakayibombeka erĩhĩka oko kiro embũla yʼerĩmbere nʼeyʼerĩnyũma ikawa.

Yakobo 5:9

Balĩkyetu, simutongane, mukasyatswerwa na Nyamuhanga. Mũlebaye, omũtswerĩ imene oko lũkyo.

1 Petero 2:1

Neryo mũyĩlũsaye kwʼebibi byosĩ, nʼeribiha lyosĩ, nʼerĩyĩtendererya, nʼeritsura, nʼerirega abandi ryosĩ.